II Petros 1:5 - Ashiri Aeuitaknup Iyohaichish Yona 1897

⁵ Ruwe newa, tapan ikkewehe an gusu obitta no okai yuptek-hi echi kashiomare yan, echi ki eishokor-i otta pirika ambe iyo; orowa, pirika ambe otta eraman-i iyo;

II Petros 1:5 ပူးပေါင်းရင်းမြစ်များ

Iyohaichish 119:4

Chi utara shiarikiki no shikkashima kuni ne, Aokai anak ne ipawetenge sange wa un kashpaotte nisa ruwe ne.

Roukos 16:26

Samata, tan okaibe moshima, chi utara newa echi utara uturuta poro shui aatte wa an, te wano echi orun paye rusui utara paye eaikap kuni gusu, samata, toani wano un orun kush rusui utara araki eaikap kuni gusu ne na, sekoro itak.

Roukos 24:21

Koroka, Shinuma anak ne Israeru un utara kikiraye kuni guru ne kuni chi utara chipachipa nisa ruwe ne. Awa, naa nei moshima anak, tap okaibe hetuku orowa no tanto rereko ne ruwe ne.

Yoannes 6:27

Aisamka kusu ne aep gusu iteki monraige yan, Ainu Poho echi koropare kusu ne ramma okere shomoki inotu ari an aep echi koro gusu ki yan: Michi Kamui anak ne Shinuma otta han kotukka nisa ruwe ne gusu ne na.

I Korintos 14:20

Iriwak utara, keutum gusu iteki pon utara ramkoro yan: yakka wenbe gusu aiai korachi okai, koroka,

Epesos 5:17

Tambe gusu iteki ramu-sak no okai yan, koroka, Utarapa irenga nekon a ambe ne ya esanniyo yan.

Piripoi 1:9

Orowa, tambe gusu inonno-itak ku ki: echi ki omap ambe anak ne naa naa eramu ambe otta hene,

Piripoi 2:12

Tambe gusu, ku omap an utara, echi utara anak ne ramma kane itaknu ki wa ouse ku an rapoketa korachi shomo ne no, koroka, naa kasu no ku isam ita ne yakka ishitoma wa tusushke hine kashiaobiuki kuni gusu ki yan;

Piripoi 4:8

Orokeseta, iriwak utara, nep ne yakka son no arabe, nep ne yakka aeoripak kuni arabe, nep ne yakka oupeka arabe, nep ne yakka turu-sak ambe, nep ne yakka aomap kuni ambe, nep ne yakka pirika assuru koro ambe; nep ka buri pirika ushike an chiki, nep ka ramye kuni ushike an chiki, tap okaibe esanniyo yan.

Korosai 1:9

Tambe gusu, chi utara ne yakka, nei orushpe nu toho orowa no echi utara anak ne obitta no okai ramat oma wayashnu ambe newa eraman-i otta Shinuma koro irenga eramanbe ani echi aeshikno an kuni hene,

Korosai 2:3

Kamui mukkep eraman kuni gusu nep; nei mukkep anak ne Kiristo ne, aige, Shinuma oshiketa wayashnu ambe newa eramushbe oma aeoteknup anuina wa an na.

Hebraios 11:6

orowa, eishokor-i sak chiki Kamui nupetnere eaikap ruwe ne; inambe gusu ne yakun, Kamui otta ek guru anak ne Kamui an sekoro eishokoro, samata, Shinuma ihunara utara epirikare Kamui ne sekoro eishokoro kunip ne ruwe ne.

Hebraios 12:15

nen ka Kamui irenga gusu eyaikoemaka guru an ya shomo ya irammakaka ingara yan; ikineipeka shiu shinrit ika hetuku wa echi keutum-chiukopoyere hene ki, ani inne utara turu-ushte hene ki na;

Hebraios 6:11

Orowa, okese pakno echi utara pishno pishno ukorachi an yuptek no aeshik no an chipachipa ambe ki kuni chi kon rusui ruwe ne:

I Petros 3:7

Tap korachi hoku ne echi utara, echi koro inonno-itak shomo aerannakbe ne kuni gusu, eraman no koro machi tura oshiroma, aige, echi utara ukotura shiknu irenga koro wa okai gusu, shinuma turasak awehe ne aesanniyo wa ko-oripak yan.

II Petros 1:10

Tambe gusu, iriwak utara, echi atak an ambe newa anumge an ambe anak ne atumashnure kuni ne naa shiarikiki no kara yan: inambe gusu ne yakun, tap okaibe echi kara chiki, ramma pakno shomo echi ureepetchiu kusu ne na:

II Petros 1:11

orowa, tapne kane chikoro Utarapa newa Kashiobiukip ne Yesu Kiristo koro shashuishiri pakno an moshiri orun ahup-i anak ne nuye an no echi kore an ruwe ne gusu ne na.

II Petros 3:14

Tambe gusu, aomap an utara, tap okaibe echi ehuye wa okai gusu, echi utara anak ne Shinuma tek-samata echi sak no, piri isam no, itomo an no anukara kuni ne shiarikiki no kara yan.

II Petros 3:18

Koroka, chikoro Utarapa newa un Kashiobiukip ne Yesu Kiristo gusu an irenga newa eramushbe oshiketa shukup yan. Shinuma orota tane ne yakka otusashuishiri pakno ne yakka nupeki an na. Amen.