II Petros 1:3 - Ashiri Aeuitaknup Iyohaichish Yona 1897

³ yaikota koro nupeki newa pirika ambe ani un takbe eraman-i gusu, koro Kamui oma kiroro anak ne inotu newa Kamui ko oripak-i otta an obitta no okaibe un koropare nisa;

II Petros 1:3 ပူးပေါင်းရင်းမြစ်များ

Iyohaichish 110:3

Mondum e koro toho ta e koro utara anak ne yaieinukuri shomoki no yaikota yange ruwe ne: Arokunneiwano orowa no, shiyuk amip imi wa, Aokai anak ne upenbe kinape kon ruwe ne.

Iyohaichish 84:11

Inambe gusu ne yakun, Ehoba ne Kamui anak ne chup ne, kikhumbe ne ruwe ne: Ehoba anak ne irenga newa nupeki koropare kusu ne: Oupeka no apkash utara gusu nep pirikap ne yakka koropare kusu ne ruwe ne.

Mattaios 28:18

Orowa, Yesu nei utara otta ek wa itak sange hawe ene ani :— Moshiri kata ne yakka kando oshiketa ne yakka obitta no an mondum a en kore an na.

Roma 8:32

Yaikota koro Poho shihopinupka shomoki, koroka, un gusu Shinuma ekoshi gurʼanak ne, nekon a iki wa Shinuma tura oro-isam no obitta no okaibe un koropare ne yakka shomoki ruwe he an?

Roma 9:24

Ouse Yudea an utara wano patek shomo ne, koroka, Oya un utara wano ne yakka Shinuma nishuk utara, chi utara kata yakka koro nupeki oma oteknu ambe eramande kuni gusu ne chiki, nekon a?

I Korintos 1:9

Kamui anak ne ikipniukeshbe ne, Shinuma ankushkerai koro Poho chikoro Utarapa ne Yesu Kiristo tura no iki kuni a un hotuyekara an na.

II Korintos 12:9

Aige; — Ku sange irenga aokai gusu upak no an ambe ne: Ku kiroro anak ne katchakbe oshiketa aeramushinnere ruwe ne gusu ne na, ari an itak ani Shinuma en orun ye nisa ruwe ne. Tambe gusu, Kiristo koro kiroro en kashike apiraspare kuni ne, shi no yaikopuntek no ku katchakbe gusu ku yaiomonnure kushki na.

Epesos 4:1

Tambe gusu, Utarapa gusu apakashnu guru kuani anak ne, echi okai utara yaieoripakka hene ki, ramushiroma hene ki, ramushiporore hene ki, uwe-utashpa omap hene ki hine uwe-eyai-shiporore hene ki,

Epesos 4:4

Echi utara poka atak wa okai wa nei atak ambe gusu shine chipachipap an korachi, shine netobake, shine Ramat an;

Piripoi 3:8

Ruwe ne wa, son no un, ku goro Utarapa ne Kiristo Yesu eramambe pirikap gusu kuani obitta no okaibe so-no-ki ambe ari ku esanniyo nisa; Shinuma gusu obitta no okaibe kuani so-no-ki wa aemakbap ne sekoro ku esanniyo;

Piripoi 4:8

Orokeseta, iriwak utara, nep ne yakka son no arabe, nep ne yakka aeoripak kuni arabe, nep ne yakka oupeka arabe, nep ne yakka turu-sak ambe, nep ne yakka aomap kuni ambe, nep ne yakka pirika assuru koro ambe; nep ka buri pirika ushike an chiki, nep ka ramye kuni ushike an chiki, tap okaibe esanniyo yan.

Korosai 1:16

moshiri kata okai yakka, anukarabe ne a yakka, anukara eaikapbe ne a yakka, araset hene, enishpane arabe hene, esapane arabe hene, nrondum korope hene ne yakka obitta Shinuma otta akan nisa ruwe ne;

I Tessaronike 2:12

yaikota koro moshiri newa araguru orun echi nishuk Kamui kopakeot no echi apkash kuni ne hemhem ki wa paweteshu chi kon nisa sekorʼambe echi eraman korachi ne ruwe ne na.

I Tessaronike 4:7

Kamui anak ne ichakkere ambe un kire gusu un nishuk shomoki, un turu-sakte gusu un nishuk nisa ruwe ne.

II Tessaronike 2:14

chikoro Utarapa ne Yesu Kiristo koro nupeki akore kuni ne, Shinuma anak ne chikoro pirika shongo ankushkerai tata otta echi nishuk nisa ruwe ne.

I Timoteos 4:8

Orowa, Kamui kooripakbe ani yaikota yairiterite yan: inambe gusu ne yakun, netobake gusu an yairiterite ambe anak ne pon no ka epirikare kunip ne, koroka, Kamui kooripak ambe anak ne nep ne yakka gusu epirikare kunip ne, aige, tane an inotu gusu ne yakka, okaketa an inotu gusu ne yakka eitakamkire aeoma an ambe ne ruwe ne gusu ne na.

II Timoteos 1:9

Shinuma anak ne un kashiobiuki nisa, ashkanne nushuk ambe ani un tak, iki ikip nei no an korachi shomo ne, koroka, otusashuishiri an pakihi etokota Kiristo Yesu oshiketa okai wa un kore Shinuma yaikota koro keutura newa irenga an korachi nep;

Hebraios 1:3

Shinuma anak ne Kamui nupeki oma tomtep ne, Kamui katuhu oma son no nokaha ne, koro kiroro an itak ani obitta no okaibe nitatpa ruwe ne; Shinuma anak ne chikoro katpak gusu furaye ambe ki okere chiki, rik un pasep shimon samata a nisa ruwe ne;

I Petros 1:15

koroka, echi tak Kamui anak ne turu-sak korachi, nep ne yakka gusu echi utara ne yakka turu-sak no okai yan;

I Petros 1:5

chikoro Utarapa ne Yesu Kiristo koro Michi newa Kamui anak ne airamye an na.

I Petros 2:21

Tambe gusu, echi anishuk nisa ruwe ne; inambe gusu ne yakun, Kiristo ne yakka echi utara gusu ayairamshitnere, awa, nei kochi otta echi kari kuni ne, echi utara gusu aikoikarabe ande nisa ruwe ne:

I Petros 2:9

Koroka, kunne-i wano koro iyokunnure an pekere otta echi tak Kamui koro pirika ambe assuru ashte kuni ne echi utara anak ne anumge an utara echi ne, esapane guru koro Kamui otta yaishieiwangere utara echi ne, ashkanne uirup echi ne, Kamui yaikota shikkashima kuni utara echi ne ruwe ne:

I Petros 3:9

yaieoripakka wa okai yan: wenbe gusu iteki wenbe hekiru, akowenpashuipa gusu iteki kowenpashuipa ambe hekiru, koroka, makangane nunuke yan; inambe gusu ne yakun, nunuke ambe echi eikeshkore kuni gusu echi anishuk nisa ruwe ne gusu ne na.

I Petros 5:10

Orowa, Kiristo oshiketa koro aokere shomoki nupeki otta echi tak obitta no okai irenga koro Kamui anak ne, pon no uturuta echi eramusarak okaketa, Shinuma yaikota echi ramushinnere, echi roshkire, echi tumashnure kusu ne.

II Petros 1:10

Tambe gusu, iriwak utara, echi atak an ambe newa anumge an ambe anak ne atumashnure kuni ne naa shiarikiki no kara yan: inambe gusu ne yakun, tap okaibe echi kara chiki, ramma pakno shomo echi ureepetchiu kusu ne na:

II Petros 1:2

kambi omande na: Kamui newa chikoro Utarapa ne Yesu eraman-i otta irenga newa itomo echi gusu aporore na;

II Petros 1:5

Ruwe newa, tapan ikkewehe an gusu obitta no okai yuptek-hi echi kashiomare yan, echi ki eishokor-i otta pirika ambe iyo; orowa, pirika ambe otta eraman-i iyo;

II Petros 1:6

orowa, eraman-i otta yaishikkashima ambe iyo; orowa, yaishikkashima ambe otta yaishiporore ambe iyo; orowa, yaishiporore ambe otta Kamui ko-oripak ambe iyo;

II Petros 1:8

Inambe gusu ne yakun, tap okaibe echi korobe ne wa nuye an chiki, chikoro Utarapa ne Yesu Kiristo eraman-i otta shomo toranne,

II Petros 2:20

nei ambe otta ausshiunere wa an na. Nei utara anak ne Utarapa newa Kashiobiukip ne Yesu Kiristo eramu-an-i gusu moshiri turu-ushbe aohaitare okaketa, shui nei ambe gusu akishima wa aannokara chiki, atpake an katuhu kasu no iyoshi no an katuhu anak nei utara gusu naa wenbe ne ruwe ne gusu ne na.

II Petros 3:18

Koroka, chikoro Utarapa newa un Kashiobiukip ne Yesu Kiristo gusu an irenga newa eramushbe oshiketa shukup yan. Shinuma orota tane ne yakka otusashuishiri pakno ne yakka nupeki an na. Amen.