II Petros 1:12 - Ashiri Aeuitaknup Iyohaichish Yona 1897

¹² Tambe gusu, tap okaibe echi eraman, samata, echi tura an sonep orota echi roshki wa okai yakka, tap okaibe echi eshkarunde kuni ne ramma-kane ku etoko-oiki wa an ruwe ne kusu ne na.

II Petros 1:12 ပူးပေါင်းရင်းမြစ်များ

Apostoro ikip oma kambi 16:5

Tambe gusu, karisia un utara anak ne eishokor-i gusu atumashnure, aige, to pishno auinnere nisa ruwe ne na.

Piripoi 3:1

Orokeseta, ku iriwak utara, Utarapa oshiketa enupetne yan. Ukorachi an ap echi utara gusu ku nuye ambe anak ne ku erannak poka shomo ku ki ruwe ne,

Korosai 1:5

Kiristo Yesu otta echi ki eishokor-i hene, obitta no okai ashkanne utara gusu echi ki omap ambe hene chi nu nisa ruwe ne gusu ne na:

Korosai 2:7

aepakashnu an korachi poka, iyaiiraige an keutura koro wa echi ki eishokor-i atte yan.

I Timoteos 4:6

Eani anak ne tapan okaibe iriwak utara eshkarunde chiki, Kiristo Yesu koro pirika diakonos e ne wa, eishokor-i gusu an itak otta hemhem, e iki pirika epakashi otta hemhem areshpa guru e ne kusu ne na:

II Timoteos 1:6

Tapan ikkewehe an gusu, ku teke e kashi-ta ku ande ankushkerai Kamui orowa akore ambe e paraparasere kuni ne e eshkarunde ash ruwe ne.

Hebraios 10:32

Koroka, echi utara apekereka okaketa aeyairamshitnere gusu an poro ukoiki ambe eyaishiporore teeda an toho eshkarun yan;

Hebraios 13:9

Usa okai newa oya an epakashi gusu iteki aeyaiutumashire yan: inambe gusu ne yakun, irenga gusu keutum aeumashnure ambe pirika ruwe ne; otta apkash utara anak ne shomo eyaiepirikare aep gusu shomo ne na.

I Petros 5:10

Orowa, Kiristo oshiketa koro aokere shomoki nupeki otta echi tak obitta no okai irenga koro Kamui anak ne, pon no uturuta echi eramusarak okaketa, Shinuma yaikota echi ramushinnere, echi roshkire, echi tumashnure kusu ne.

I Petros 5:12

Chikoro ikipniukesh iriwak ne sekoro ku esanniyo Sirouanos ani takne no echi gusu kambi ku nuyere yara, aine, onishnishi ku ki, samata, tambe anak ne Kamui son no irenga ne sekoro, paweteshu ku ki ruwe ne; nei ambe otta utumashi shomoki no roshki yan.

II Petros 1:13

Orowa, chikoro Utarapa ne Yesu Kiristo en epakashnu korachi, ku goro kash oyakta ande-i tunashi no ek na, sekoro,

II Petros 1:15

Ruwe ne wa, ku isam okaketa ramma-kane tap okaibe echi eshkarun eashkai kuni ne shiarikiki no ku ki kusu ne na.

II Petros 3:1

Aomap an utara, tambe anak ne echi utara gusu tu ikinne an ku nuye kambi ne ruwe ne; orowa, nei tup otta echi eshkarunde wa echi koro so ne an keutum ku chiukopoyere na;

II Petros 3:17

Tambe gusu, aomap an utara, echi utara anak ne etoko wano eraman gusu, ikineipeka, katpak koro utara koro ohaitap ani aekira wa, yaikota koro utumashi shomoki ambe iteki autumashire kuni ne yaitubare yan.

I Yoannes 2:21

Echi utara son no ambe shomo eraman gusu ku nuye shomoki,, koroka, son no ambe echi eraman, samata, son no ambe orowa no hetuku shungep isam ruwe ne gusu ku nuye na.

II Yoannes 1:2

tambe anak ne un oshiketa oshiroma wa ramma pakno un tura no okai sonep rengap gusu an ambe ne ruwe ne:

Youdas 1:17

Koroka, aomap an echi utara, chikoro Utarapa ne Yesu Kiristo koro Apostoro utara ye okere itak eshkarun yan;

Youdas 1:3

Aomap an utara, chi utara gusu an kashiobiuki ambe gusu echi otta ku nuye kuni irammakaka ku esanniyo ita, echi utara anak ne nei arashui no ashkanne utara otta akore aeishokor-i gusu shiarikiki no uwetushmak ki kuni nekon a ka echi onishnishi ash kusu ne sekoro ku yainu wa ku nuye nisa ruwe ne.

Youdas 1:5

Orowa, arashui no obitta no okaibe echi eraman a yakka, kuani echi eshkarunde ash rusui na; Utarapa anak ne Echipt moshiri wano utara kashiobas, awa, okaketa, eishokoro shomoki utara isamka nisa ruwe ne.