II Petros 1:11 - Ashiri Aeuitaknup Iyohaichish Yona 1897

¹¹ orowa, tapne kane chikoro Utarapa newa Kashiobiukip ne Yesu Kiristo koro shashuishiri pakno an moshiri orun ahup-i anak ne nuye an no echi kore an ruwe ne gusu ne na.

II Petros 1:11 ပူးပေါင်းရင်းမြစ်များ

Iyohaichish 145:13

E koro moshiri anak ne ramma pakno an, Orowa, E koro esapane kuni mondum anak ne otusashuishiri pakno epa ruwe ne.

Iyohaichish 36:8

Nei utara anak ne E kora kenru ta an kiripu gusu nuye an no aeramushinne; Orowa, E koro nupetne pet otta Aokai nei utara ikure kusu ne na.

Mattaios 25:34

Nei ita anak ne oshimon samta okai utara otta Moshiri Shikkashima guru ene itak-hi :— Ku Michi orowa no anunuke utara, araki wa moshiri asamaha aande pakihi wano echi utara gusu aetokooiki moshiri eikeshkoro yan:

Yoannes 10:10

Ikka hemhem ki, ronnu hemhem ki, isamka hemhem ki kuni gusu moshima ikka guru anak ne ek shomoki ruwe ne; Ku ek ikkewehe anak ne echi utara inotu koro, nuye an no echi koro kuni gusu ne ruwe ne na.

Roma 2:4

Shui, Kamui koro pirika irenga e yaikokatpakte kunip ne sekoro e erampeutek wa, Shinuma koro pirika irenga oma aeoteknu ambe newa yaishikkashima ambe newa ramushiporore ambe newa e etunne ruwe he an?

I Korintos 15:24

Kiristo koro utara ne ruwe ne. Orowa no shiokere-i an, nei ita Shinuma Michi ne Kamui otta moshiri koropare kusu ne, nei ita Shinuma obitta no okai esapane-i hene obitta no okai mondum hene kiroro hene isamka kusu ne a an na.

II Korintos 5:1

Chikoro kash ne toitoi oma chisei isam yakun, isam shomoki kando oshiketa Kamui orowa no akarape an, teke ani shomo akarape chisei an ari an ambe chi eraman ruwe ne gusu ne na.

Epesos 3:20

Un oshiketa iki kiroro an korachi, chi utara koramkoro hene ki, esanniyo hene ki kasu no naa nuye an no kara eashkaibe otta,

I Timoteos 6:17

Tan moshiri ta okai wa oteknu utara anak ne iteki yaiesanniyorire hene ki, iteki autumotne an ikoro eyaikopashte hene ki, koroka, ani eyainupetnere kuni gusu nuye an no obitta no okaibe un kore Kamui eyaikopashte kuni ikashpaotte yan;

II Timoteos 4:18

Utarapa anak ne pishno no an wen ikip orowa no en ohaitare kusu ne, orowa, kando un moshiri gusu en kashiobiuki kusu ne: otusashuishiri wano otusashuishiri pakno Shinuma orun arakuru an na. Amen.

II Timoteos 4:8

oupeka no koipishi ki Utarapa nei toho ta nei ambe en kore kusu ne: orowa, en otta patek shomo ne, koroka, Shinuma ek kuni ambe omap obitta no okai utara, otta ne yakka akore kusu ne ruwe ne.

Hebraios 6:17

Tambe otta, Kamui anak ne aeitakamkirep eikeshkoro utara orota koro esanniyop shomo aitasare ambe naa eitasa no nukare kuni ne, shiyuppa no an itak ani iyuturu omare nisa ruwe ne:

II Petros 1:1

Yesu Kiristo koro usshiune guru newa Apostoro ne Simon Petros anak ne, chikoro Kamui newa un Kashiobiukip ne Yesu Kiristo koro oupeka-i otta un tura no ukorachi an aoshkoro eishokor-i akore utara otta,

II Petros 1:5

Ruwe newa, tapan ikkewehe an gusu obitta no okai yuptek-hi echi kashiomare yan, echi ki eishokor-i otta pirika ambe iyo; orowa, pirika ambe otta eraman-i iyo;

II Petros 2:20

nei ambe otta ausshiunere wa an na. Nei utara anak ne Utarapa newa Kashiobiukip ne Yesu Kiristo eramu-an-i gusu moshiri turu-ushbe aohaitare okaketa, shui nei ambe gusu akishima wa aannokara chiki, atpake an katuhu kasu no iyoshi no an katuhu anak nei utara gusu naa wenbe ne ruwe ne gusu ne na.

II Petros 3:18

Koroka, chikoro Utarapa newa un Kashiobiukip ne Yesu Kiristo gusu an irenga newa eramushbe oshiketa shukup yan. Shinuma orota tane ne yakka otusashuishiri pakno ne yakka nupeki an na. Amen.

Ekambakbe 3:21

Annokara iki guru anak ne en tura no Ku amset kata rok kuni Ku kore kusu ne, Kuani ne yakka annokara iki wa Ku goro Michi tura no Shinuma koro amset kata Ku rok korachi ruwe ne.

Ekambakbe 5:10

moshiri uirup wano hemhem, E koro kemihi ani Kamui gusu utara hok nisa ruwe ne, aige, nei utara ani chikoro Kamui gusu Kamui otta yaishieiwangere utara ne kara; aine, nei utara anak ne moshiri kata epungine kusu ne gusu ne na Orowa,