II Korintos 9:15 - Ashiri Aeuitaknup Iyohaichish Yona 1897

¹⁵ Koro ye eaikap pakno an eikrap gusu Kamui koyaiiraige an na.

II Korintos 9:15 ပူးပေါင်းရင်းမြစ်များ

Iyohaichish 30:12

Tambe gusu ku ramat mo no an shomoki no iyohaichish E orun shinotchaki kusu ne. Aa ku goro Ehoba Kamui, otusashuishiri pakno ne yakka E ko-yaiiraige ash na.

Iyohaichish 30:4

Aa ashkanne echi utara, Ehoba otta iyohaichish shinotchaki yan; Shinuma koro Ashkanne-i gusu yaiiraige ki yan.

Iyohaichish 92:1

EHOBA koyaiiraige ambe anak ne, Aa Iyotta Rikunbe, E reihei orun iramye an shinotcha ki-hi anak pirika ruwe ne na:

Roukos 2:14

Iyotta rikun kando otta an Kamui orun nupeki an, Moshiri kata okai pirika irenga koro utara otta itomo an na, seko-ran itak ani ye nisa ruwe ne.

Roukos 2:38

Nei paki ita shinuma ek wa Kamui ko-yaiiraige, samata, Yerusarem kotan kikiaraye kuni chipachipa utara otta Shinuma gusu ye nisa ruwe ne.

Yoannes 1:16

Shinuma aeshik-i wano chi obitta uina, irenga gusu irenga uina ash nisa ruwe ne.

Yoannes 3:16

Inambe gusu ne yakun, Kamui anak ne koro Shinen ne Poho koropare pakno moshiri omap ruwe ne, nen ne yakka nei Poho eishokoro guru obitta aisamka shomoki no nei pakno ne yakka ishu ramat koro kuni ne kore nisa ruwe ne.

Roma 5:15

Inambe gusu ne yakun, shinen ki ohaita ambe ankushkerai inne utara rai nisa ruwe ne a chiki, naa naa Kamui irenga newa nei korarape shine ainu ne Yesu Kiristo ankushkerai inne utara gusu nuye an no an na.

Roma 6:23

Inambe gusu ne yakun, katpak gusu an pummaha anak ne rai ambe ne ruwe ne; koroka, Kamui sange eikrap anak ne chikoro Utarapa ne Yesu Kiristo otta ramma pakno shiokere shomoki inotu ne ruwe ne gusu ne na.

Roma 8:32

Yaikota koro Poho shihopinupka shomoki, koroka, un gusu Shinuma ekoshi gurʼanak ne, nekon a iki wa Shinuma tura oro-isam no obitta no okaibe un koropare ne yakka shomoki ruwe he an?

I Korintos 15:57

katpak koro kiroro anak tuitak ne: koroka, chikoro Utarapa ne Yesu Kiristo gusu un annokare Kamui otta koyaiiraige na.

II Korintos 2:14

Koroka, ramma Kiristo oshiketa un ani wa un annokare hemhem ki, obitta no okai ushiketa chi utara ankushkerai koro eramushbe hura assuru ashte hemhem ki Kamui otta koyaiiraige an na.

II Korintos 9:11

echi utara nep ne yakka gusu ara eikaunno aepirikare an na, tambe anak un gusu Kamui koyaiiraigere ikip ne ruwe ne.

II Korintos 9:14

aige, nei utara yaikota ne yakka, echi utara gusu inonno itak ki hine, echi onnaigeta an Kamui poro irenga gusu echi eyaikatekara shiri okai ruwe ne na.

Epesos 5:20

ramma nep ne yakka gusu chikoro Utarapa ne Yesu Kiristo kon reihei ankushkerai akoro Michi ne Kamui otta koyaiiraige ki;

Yakob 1:17

Obitta no okai pirika aikrap, obitta no okai aeramushinne an aikorep anak ne, rik orowa no an ap ne, yaiutasare shomoki, hosari gusu kurihi kara shomoki pekere koro Michi orowa no sap ruwe ne.

Ekambakbe 4:9

orowa, ek kusu ne na, ari itak. Orowa, nei ine shiknu okaibe anak ne amset kata a shashuishiri pakno ishu Kamui otta ko-iramye hemhem ki, ko-oripak hemhem ki,