II Korintos 8:4 - Ashiri Aeuitaknup Iyohaichish Yona 1897

⁴ kurukashike tap irenga gusu hemhem, utura ashkanne utara otta yaishieiwangere kuni gusu hemhem poron no un koramkon nisa ruwe ne:

II Korintos 8:4 ပူးပေါင်းရင်းမြစ်များ

Mattaios 10:42

Orowa, nen ne yakka En koikara guru ne gusu teda okai shine nokan guru otta nam wakka shine itangi patek poka kure gurʼanak ne, son no echi otta Ku ye, nei guru anak koro pummaha earikimre turainu shomoki kusu ne ruwe ne na.

Mattaios 12:50

Inambe gusu ne yakun, inan guru ne yakka kando otta an Ku goro Michi irenga ki gurʼanak ne shinuma anak Ku okkai ainu iriwak ne, Ku mat ainu iriwak ne, Ku habo ne ruwe ne na.

Mattaios 25:40

Moshiri Shikkashima guru nei utara otta ese wa ene itak kusu ne-hi :— Son no echi otta Ku ye, tan Ku iriwak ne utara tumuge un shinen otta, iyotta ponbe poka echi ki nisa ruwe ne gusu, En otta aki nisa ruwe ne na.

Markos 14:7

Otek-sak utara ramma echi tura no okai gusu hembara ne yakka echi rengaine nei utara pirikare eashkai: koroka, Kuani anak ne ramma echi tura no an shomo ne ruwe ne.

Apostoro ikip oma kambi 11:29

Orowa, koi-kara utara pishno anak ne eashkai pakno teshkara wa Yudea moshirʼotta okai iriwak utara gusu kashiobas kuni ramu-oshitchiu,

Apostoro ikip oma kambi 16:15

Orowa, shinuma anak ne koro chisei un utara tura baptisma akore okere chiki, un koramkoro wa ene itak-hi :— Kuani anak ne Utarapa gusu ikipniukesh guru ku ne ari echi esanniyo chiki, ku kot chisei ta ahup hine riya wa en kore ani itak. Orowa, shinuma shiyuppa no nei no ki nisa ruwe ne.

Apostoro ikip oma kambi 24:17

Awa, an paha okake an koro eungeraitep newa ayange kunip ku goro uirup otta yange gusu ku ek nisa ruwe ne: aige,

Roma 15:31

Kamui irenga ankushkeraipo nupetne no echi otta ku ek wa echi tura no shini kuni hene gusu,

I Korintos 16:1

Tane, ashkanne utara gusu eungeraitep umomare ambe gusu, Garatea un karisia utara otta ku ikashpaotte korachi,

I Korintos 16:15

Iriwak utara, (Stepanas chisei un utara anak ne Akaya moshiri un aro-ibehe ne, orosama, nei utara anak ne ashkanne utara gusu yaishieiwangere kuni gusu yaiatte nisa ruwe ne sekorʼambe echi eraman,)

II Korintos 9:1

Ashkanne utara otta yaishieiwangere ambe gusu ku nuye katu anak ne echi utara gusu ikashima an ambe ne ruwe ne:

Garatea 2:10

ouse chi utara otek-sak utara eshkarun kuni ne nei utara kon rusui ruwe ne; nei no ku ki-hi anak kuani son no yuptek no ku iki ambe ne ruwe tapan na.

Garatea 6:10

Tambe gusu, ki kuni gusu an i an rapoketa obitta no okai utara gusu pirikap ki yanro; eishokor-i atte iri utara gusu makangane nei no ki yanro.

I Timoteos 5:10

nei guru anak ne poho utara reshpa yakun, atchi un utara ayando kore yakun, ashkanne utara chikiri uraye yakun, yairamhekonro utara kaobiuki yakun, shiarikiki no obitta no okai pirika ikip nei no iki yakun, sapaha nuye yan.

Hebraios 6:10

Kamui anak ne echi utara teeda ne yakka tane ne yakka ashkanne utara otta yaishieiwangere ani an ambe ani Shinuma kon reihei gusu echi iki ambe hene omap ambe hene oira kuni oupekasak Kamui shomo ne ruwe ne.