II Korintos 8:21 - Ashiri Aeuitaknup Iyohaichish Yona 1897

²¹ inambe gusu ne yakun, Kamui shik-sam patek shomo ne, koroka, utara shik-samta ne yakka pirika okaibe eyaikoshiramshuiba ash ruwe ne gusu ne na.

II Korintos 8:21 ပူးပေါင်းရင်းမြစ်များ

Mattaios 23:5

Nei utara anak ne aeshikkoingara kuni ne ikip ki ruwe ne: inambe gusu ne yakun, shinuma utara sep pirakteria ushi, orowa, amip chingi porore ruwe ne,

Mattaios 5:16

Tambe korachi, echi ki pirika ikip moshima guru nukara wa kando otta an echi koro Michi koiramye kuni gusu, echi koro pekere moshima utara kotchaketa atte yan.

Mattaios 6:1

Anukara kuni gusu moshima guru tek samata echi oupekap iteki kara yan, anukara kuni gusu oupekap echi ki yakun, kando otta an echi koro michi anak ne pummaha shomo kore ruwe ne.

Mattaios 6:4

shimon tek ani echi kip anak ne hariki tek otta iteki nukare yan; yakun, nuina otta nukara echi koro michi anak ne pummaha echi kore kusu ne.

Roma 12:17

Yaikota gusu iteki yaiko-wayashnu ne. Wenbe gusu inan guru otta ne yakka iteki wenbe eumomtasa yan. Obitta no okai utara tek-samata aeoripakbe kunip esanniyo yan.

Roma 14:18

Aine, tap okaibe ani Kiristo otta yaishieiwangere guru anak ne Kamui nupetnerep ne, orowa, utara orowa no aeramuoshmap ne ruwe ne.

II Korintos 2:17

Chi utara anak ne Kamui itak eoyap kopoye shiriki inne utara nepkoro shomo chi ne: koroka, an korachi nepkoro ki utara, Kamui orowa no an korachi; Kamui tek-samata an korachi, Kiristo oshiketa chi ye ruwe ne gusu ne na.

II Korintos 8:20

samata, inan guru ne yakka otta chi yaishieiwangere ash nuye an no ambe gusu iteki un kokatpakte kuni iki koro an:

II Korintos 8:22

Shui, inne okaibe gusu kanna-kanna seisek keutum koro kunak echi uwande chikoro iriwak nei utara tura no payere ash ruwe ne, aige, tane shinuma anak ne naa shi no seisek keutum koro, echi utara gusu shiri poron no eishokor-i atte wa an ruwe ne gusu ne na.

Piripoi 4:8

Orokeseta, iriwak utara, nep ne yakka son no arabe, nep ne yakka aeoripak kuni arabe, nep ne yakka oupeka arabe, nep ne yakka turu-sak ambe, nep ne yakka aomap kuni ambe, nep ne yakka pirika assuru koro ambe; nep ka buri pirika ushike an chiki, nep ka ramye kuni ushike an chiki, tap okaibe esanniyo yan.

I Tessaronike 5:22

nep wen noine an ap a yakka eshishi yan.

I Timoteos 3:7

Naa moshima, soita okai utara anak shinuma gusu pirika paweteshu ambe koro kunip ne; ikineipeka shinuma aesapse wa nitne kamui koro akbe oro-oshma kusu ne na.

I Timoteos 5:14

Tambe gusu, upen shiwentep utara anak ne hoku koro wa poho shikore, orowa, epokba guru oitakushi gusu an ika shomo kore hine koro uni shikkashima kuni ku kon rusui ruwe ne;

I Petros 2:12

Oya utara tumugeta okai rapoketa yairamatte wa okai yan: nei utara echi iyohaigekara wa wenbe ki guru echi ne sekoro ye chiki, echi ki pirika ikip nukara hine aesanniyo toho ta nei utara Kamui ramye kuni ne nei no kara yan.