II Korintos 8:19 - Ashiri Aeuitaknup Iyohaichish Yona 1897

¹⁹ nei ambe patek shomo ne, koroka, Utarapa koro araguru gusu otta chi utara yaishieiwangere ash tan irenga ankushtapne un tura no payekai wa chi ki rusuibe echi nure kuni ne karisia utara orowa no ne yakka anuye nisa ruwe ne:

II Korintos 8:19 ပူးပေါင်းရင်းမြစ်များ

Apostoro ikip oma kambi 14:23

Orowa, obitta no okai karisia oshiketa nei utara gusu ekashi atek-numgere hene ki, shomo ramnu ti wa inonno-itak ki okere chiki, gusu eishokoro Utarapa orun iko-ande nisa ruwe ne.

Apostoro ikip oma kambi 15:22

Tap orowa no apostoro utara newa puresbuteros utara obitta no karisia un utara tura, tura no ikichi utara tumuge wano ainu utara numge wa Pauros newa Barnabas tura Antiok kotan orun payere kuni pirika kunak yainu, aige, iriwak tumta okai pase utara ne Barsabas ani aye Yudas newa Siras anumge nisa ruwe ne:

Apostoro ikip oma kambi 15:25

tambe gusu, chi utara anak ne shine keutum koro wa ukoramkoro okere gusu utara numge wa chikoro omap an Barnabas newa Pauros tura echi orun omande kuni pirika kunak chi yainu nisa,

Apostoro ikip oma kambi 19:22

Orowa, otta yaishieiwangere tu ainu ne Timoteos newa Erastos Makedonia kotan ta payere okere yakun, shinuma yaikota naa Asia moshiri ta an nisa ruwe ne.

Apostoro ikip oma kambi 19:29

Awa, nei machiya anak ne sakayo aeshik: aige, nei utara anak ne Pauros tura payekai Makedonia kotan un Kaios newa Aristarkos kishima hine shine-ikinne shibai chisei orun awekatta.

Roma 5:11

nei ambe patek shomo ne, koroka, gusu chi utara aeramuritenka chikoro Utarapa ne Yesu Kiristo ankushkerai Kamui orun chi yaiyomonnure ash ruwe ne.

Roma 5:3

Nei ambe gusu patek shomo ne, koroka, chi ki eramchuptekbe gusu ne yakka yaiyomonnure ash ruwe ne: inambe gusu ne yakun, aeramchuptekbe anak ne yaiyupupu ambe monraigere;

II Korintos 4:15

Inambe gusu ne yakun, obitta no okaibe anak ne echi rengap gusu an ambe ne, tambe anak nei irenga inne utara gusu naa nuye an no akara wa Kamui arakuru ankushkerai koyaiiraige ambe aporore kuni gusu an ambe ne ruwe ne.

II Korintos 8:11

Koroka, tane nei iki kuni ambe eramushinnere yan; keutum atte wa iki rusui sambe an nei no, echi ki kat an korachi, nei no eramushinnere kuni gusu ne na.

II Korintos 8:12

Inambe gusu ne yakun iki rusui sambe an yakun, ainu koro korachi aesanniyo ruwe ne, shomo koro nei no aesanniyo shomo ki ruwe ne.

II Korintos 8:20

samata, inan guru ne yakka otta chi yaishieiwangere ash nuye an no ambe gusu iteki un kokatpakte kuni iki koro an:

II Korintos 9:2

inambe gusu ne yakun, echi ki rusui kat ku eraman, aige, echi utara gusu Makedonia kotan un utara otta ku yaiomonnure ki, awa, Akaya kotan anak shine pa etoko wano etokooiki pakno ne; samata, echi koro seisek no iki keutum anak ne nei utara tumta okai inne utara paraparasere nisa ruwe ne gusu ne na.

II Korintos 9:8

Orowa, Kamui anak ne obitta no okai irenga echi utara gusu nuye an no kara eashkai; tambe anak, nep ne yakka gusu ramma-kane echi ara yaiyainuwere hine obitta no okai pirika ikip otta nuye an no iki kuni gusu ne ruwe ne: