II Korintos 8:10 - Ashiri Aeuitaknup Iyohaichish Yona 1897

¹⁰ Tata otta esanniyop ku sange na: shine pa etokota hoshiki no heashire echi utara anak ne ouse iki ambe gusu patek shomo ne, koroka, keutum atte ambe gusu ne yakka, echi ki kunip ne ruwe ne.

II Korintos 8:10 ပူးပေါင်းရင်းမြစ်များ

Mattaios 10:42

Orowa, nen ne yakka En koikara guru ne gusu teda okai shine nokan guru otta nam wakka shine itangi patek poka kure gurʼanak ne, son no echi otta Ku ye, nei guru anak koro pummaha earikimre turainu shomoki kusu ne ruwe ne na.

Yoannes 11:50

Echi utara nep ne yakka erampeutek, naa samata, utara ikiri obitta rai shomoki kuni ne, utara shirihine shine ainu rai kusu ne kunip echi esanniyo shomoki ruwe ne, ari itak.

Yoannes 16:7

Yakka, son no ambe echi nure ash na; Kuani Ku oman-i anak ne echi utara gusu pirikap ne: inambe gusu ne yakun, Ku oman shomoki chiki nei Kotchane ki kunip echi otta ek shomoki kusu ne na; koroka, Ku oman yakun echi otta Shinuma Ku omande kusu ne na.

Yoannes 18:14

Orosama, nei Kaiapa anak ne utara shirihine shine ainu rai kusu ne kunip ne an orushpe ani Yudea un utara otta esanniyo wa ye a guru ne ruwe ne.

I Korintos 10:23

Nep ne yakka an okaibe ikashpaotte kopakeat a yakka, obitta no okaibe auina gusu pirika shomo ne. Nep ne yakka an okaibe ikashpaotte kopakeat a koroka, obitta utara roshkire shomo ki ruwe ne.

I Korintos 16:2

nei no echi iki yan. Kuani ku ek ita eungeraitep iteki umomare kuni ne, echi utara pishno aeyaiepirikare an nei no mawari atpake an toho ta eumashnu yan.

I Korintos 6:12

Nep okaibe ne yakka en gusu ikashpaotte kopakeat ruwe ne, koroka, obitta no okaibe en gusu pirika kunip shomo ne. Nep okaibe ne yakka en gusu ikashpaotte kopakeat; koroka, nep okaibe koro mondum ne yakka kuani en esapanere ash shomoki kusu ne na.

I Korintos 7:25

Tane, umurek guru shomo ne utara gusu Utarapa orowa no an ikashpaotte shomo ku kon ruwe ne: koroka, ikipniukeshbe ne kuni gusu Utarapa orowa no akore rampoken koro guru korachi aesanniyop ku sange na.

I Korintos 7:40

Koroka, an korachi an yakun naa irammakaka an kusu ne ari ku esanniyo; aine, kuani ne yakka Kamui Ramat kon ruwe ne ari ku yainu.

II Korintos 12:1

Aepirikare kunip shomo ne a yakka, nekon a ka ku yaiomonnure ruwe ne; koroka, Utarapa orowa no an anukarape tane ku ye.

II Korintos 8:6

Etoko wano Titus anak ne eatpake ki korachi shinuma echi oshiketa tan irenga ne yakka eramushinnere kuni ne chi utara shinuma onishnishi pakno ne ruwe ne.

II Korintos 8:8

Ipawetenge nepkoro an no shomo ku itak, koroka, moshima okai utara yuptek no iki ambe ankushkerai echi koro omap-hi sonep ne yakka ku sonnere ruwe ne.

II Korintos 9:2

inambe gusu ne yakun, echi ki rusui kat ku eraman, aige, echi utara gusu Makedonia kotan un utara otta ku yaiomonnure ki, awa, Akaya kotan anak shine pa etoko wano etokooiki pakno ne; samata, echi koro seisek no iki keutum anak ne nei utara tumta okai inne utara paraparasere nisa ruwe ne gusu ne na.

Piripoi 4:17

Aikrap ku hunara gusu shomo ne; koroka, echi utara gusu nuye an no hetuku ibehe ku hunara gusu ne ruwe tapan na.

Hebraios 13:16

Pirikap hene ki, tura hene iki ambe iteki oira yan: nei no okai ayange kunip Kamui shiri enupetne ruwe ne gusu ne na.