II Korintos 7:7 - Ashiri Aeuitaknup Iyohaichish Yona 1897

⁷ ouse shinuma ek ambe ani patek shomo ne, koroka, ari shinuma echi ankushkerai aomaoma ambe, echi ki eyaikatekara ambe, echi yaituwashkarap ambe, en gusu echi seisek mau keutum koro ambe un nure shiriki ambe gusu ne yakka ne; nei ambe gusu naa mashkin ku nupetne ruwe ne.

II Korintos 7:7 ပူးပေါင်းရင်းမြစ်များ

Iyohaichish 141:5

Oupeka guru en shirikik chiki, ramuhaugep ne; Shinuma en pakashnu yakun, ku sapa kata shum aota korachi ne; Ku sapa anak ne shomo nei ambe eshishi: Inambe gusu ne yakun, tane ne yakka ku ki inonno-itak nei wenbe gusu an na.

Iyohaichish 30:5

Shinuma kinrakara ambe anak ne nisako ta patek an, Koro pirika irenga anak moshiri ko-hoppa pakno an ruwe ne: Onuman chish ambe anak ne reushi kuni ne ahun, Koroka, kunneiwano nupetne hawe an na.

Iyohaichish 38:18

Ku goro wen-buri ku eyaipushi; Ku goro katpak gusu ku yairamhekomo kusu ne.

Iyohaichish 51:1

AA Kamui, E koro omap-an-ramuhauge-hi an korachi, en orun pirika irenga sange wa en kore: E koro poro ramuhauge irenga an gusu ku ohaitarep ushka wa en kore:

Mattaios 26:75

Orowa, Petros anak ne niwatori chikap hau koro shomoki pakno, eani re shui ne En eshina kusu ne, sekoro Yesu ye itak an a-i eshkarun nisa ruwe ne. Aige, shinuma soine wa shi no chish nisa ruwe ne na.

Mattaios 5:4

Yaituwashkarap utara anak ne anunuke ne; nei utara aomaoma ruwe ne kusu ne gusu ne na.

Roukos 22:44

Aige, Shinuma ikoni wa naa shiyuppa no inonno-itak ki: awa, sange poppe wakka shiri kata hachiri, aine, hem num korachi ne ruwe ne.

Apostoro ikip oma kambi 11:23

aige, shinuma ek wa Kamui irenga nukara chiki nupetne nisa ruwe ne; orowa, nei utara obitta keutum yupu hine Utarapa otta ko-okai kuni ne onishnishi nisa ruwe ne;

Roma 1:12

nei ambe anak ne echi tura no ku an wa echi korobe ne yakka ku korobe ne yakka uko-iki eishokor-i ani tura no aomaoma kuni gusu an ap ne ruwe ne.

I Korintos 5:2

Orowa, tan okaibe iki guru anak ne echi tumuge wano auk kuni ne shomo echi yaituwashkarap a koroka, echi pittarane hine okai.

II Korintos 1:14

aine, Utarapa ne Yesu toho ta echi utara gusu chi utara yaiomonnure korachi chi utara ne yakka echi utara gusu yaiomonnure kuni ne, echi utara poka sereke gusu en eraman ruwe ne gusu ne na.

II Korintos 1:4

ani chi utara Kamui orowa no aomaoma an nunuke ambe ari, nep aeramchuptek utara chi omaoma eashkai kuni ne, nep aeramchuptekbe chi ki a yakka Shinuma un omaoma ruwe ne.

II Korintos 2:9

ruwe ne. Tan ikkeu an gusu poka kambi ku nuye nisa, nei ambe anak echi utara obitta no okaibe gusu itaknu ruwe he an ari an ambe shirosh ku eraman kuni gusu ne na.

II Korintos 5:2

Inambe gusu ne yakun, son no newa chi utara oromande hine kando orowa no an chisei ani aeyaitomchiure kuni eyaikatekara ruwe ne:

II Korintos 7:6

Yakka, yaieoripakka utara omaoma Kamui anak ne, Titus ek-hi ani un omaoma ruwe ne;

II Korintos 7:8

Ku omande kambi gusu kuani echi oknatare ash, awa, teeda ku eyaikopash a yakka tane shomo ruwe ne; nei kambi anak echi oknatare nisa sekorʼambe ku nukara, koroka, ouse an pakihi uturu patek ne ruwe ne na.

II Korintos 8:16

Koroka, nei ukorachi an echi utara gusu seisek no iki rusui keutum Titus koro sambe ta omare Kamui otta koyaiiraige an na.

Piripoi 1:20

sekoro ku eraman; kuani ara kon rusui wa chipachipa ambe anak ne ene ani ne, nep ne yakka gusu shomo a en yainikoroshmare koroka, ramma korachi tane poka, ku shiknu yakka, ku rai yakka, Kiristo anak ne ku netobake otta pasere kuni ambe ne ruwe tapan na.

Korosai 2:5

Inambe gusu ne yakun, kara gusu echi tura no ku an shomoki yakka, ramat gusu echi tura no ku an, aige, echi ikiri an no an arabe hemhem, Kiristo gusu echi atte eishokor-i yupkep hemhem ku nukara wa ku nupetne ruwe ne na.

I Tessaronike 3:6

Koroka, Timoteos anak ne tane echi orowa no un orun ek ita echi iki eishokor-i newa omap ambe gusu an pirika shongo hemhem chi utara echi nukan rusui korachi echi un nukan rusui wa ramma-kane pirika no un eshkarun arabe hemhem un nure nisa ruwe ne;

I Tessaronike 3:8

inambe gusu ne yakun, Utarapa oshiketa pirika no echi roshki chiki,

Hebraios 2:1

Tambe gusu chi utara anak ne anu okere orushpe gusu naa irammakaka ikokanu kunip ne, ikineipeka chi mom wa ehaita ruwe ne kusu ne na.

Yakob 5:17

Ericha anak ne chi utara korachi ainu buri koro, aige, apto shomo ash kuni ne shinuma inonno-itak ki nisa ruwe ne, aine, re pa re chup uturuta moshiri kata apto isam nisa ruwe ne na.

II Yoannes 1:4

Michi orowa no akore ikashpaotte nei no e koro poho tumuta okai utara anak ne son no apkash wa okahi ani an ambe ku nukan nisa ruwe ne gusu, shi no ku nupetne ruwe ne.

Youdas 1:3

Aomap an utara, chi utara gusu an kashiobiuki ambe gusu echi otta ku nuye kuni irammakaka ku esanniyo ita, echi utara anak ne nei arashui no ashkanne utara otta akore aeishokor-i gusu shiarikiki no uwetushmak ki kuni nekon a ka echi onishnishi ash kusu ne sekoro ku yainu wa ku nuye nisa ruwe ne.