II Korintos 7:4 - Ashiri Aeuitaknup Iyohaichish Yona 1897

⁴ Echi epeka ku ye itak anak ne shiri rametokkorobe ne, echi ankushkerai ku yaiomonnure ambe anak ne poro ruwe ne: aomaoma ambe ani kuani aeshikte wa an, obitta no okai chi ikichi eramchuptekbe tumta nupetnep eika ruwe ne na.

II Korintos 7:4 ပူးပေါင်းရင်းမြစ်များ

Apostoro ikip oma kambi 5:41

Tambe gusu nei utara anak ne nei ukoramkoro ushi wano paye, aige, nei Reihei gusu akoatcha kuni aesanniyo utara ne sekoro aramepakari gusu yaikopuntek nisa ruwe ne.

Roma 5:3

Nei ambe gusu patek shomo ne, koroka, chi ki eramchuptekbe gusu ne yakka yaiyomonnure ash ruwe ne: inambe gusu ne yakun, aeramchuptekbe anak ne yaiyupupu ambe monraigere;

I Korintos 1:4

Ramma kane echi utara gusu, Kiristo Yesu oshiketa echi otta akoropare Kamui irenga gusu, ku goro Kamui otta koyaiiraige ash na;

II Korintos 1:14

aine, Utarapa ne Yesu toho ta echi utara gusu chi utara yaiomonnure korachi chi utara ne yakka echi utara gusu yaiomonnure kuni ne, echi utara poka sereke gusu en eraman ruwe ne gusu ne na.

II Korintos 1:4

ani chi utara Kamui orowa no aomaoma an nunuke ambe ari, nep aeramchuptek utara chi omaoma eashkai kuni ne, nep aeramchuptekbe chi ki a yakka Shinuma un omaoma ruwe ne.

II Korintos 10:8

(Echi hokushte gusu shomo ne a koroka echi roshkire ash kuni gusu Utarapa koropare) chi koro mondum gusu nekon a pon no poro no ku yaiomonnure yakka shomo kuani echi yainikoroshmare ash kusu ne:

II Korintos 11:21

Chi utara anak ne katchakbe ne korachi yainikoroshmarep ku ye na. Yakka, nen ne yakka nep otta ka rametokkoro chiki (wayasap no ku ye), kuani ne yakka rametok kon ruwe ne.

II Korintos 2:14

Koroka, ramma Kiristo oshiketa un ani wa un annokare hemhem ki, obitta no okai ushiketa chi utara ankushkerai koro eramushbe hura assuru ashte hemhem ki Kamui otta koyaiiraige an na.

II Korintos 3:12

Tap korachi an chipachipa ambe chi koro gusu, shiri rametok koro itak chi eiwange ruwe ne;

II Korintos 7:14

Nep ne yakka epeka echi utara gusu shinuma ankushkerai ku yaiomonnure yakun shomo a en yainikoroshmare nisa ruwe ne; koroka, sonep ani obitta no okaibe echi otta chi ye korachi, Titus kotchaketa ku ki yaiomonnure ambe ne yakka sonep ne anukan nisa ruwe ne.

II Korintos 8:24

Tambe gusu, karisia utara kotchaketa nei utara otta echi ikichi omap ambe hemhem, echi utara gusu chi ki yaiomonnure ambe ika hemhem nukare wa en kore yan.

Piripoi 1:14

shui, Utarapa gusu an iriwak utara poro sereke anak ne ku goro tupep gusu rametokkoro wa naa kiroro yupu hine ishitoma shomoki no Kamui itak ye ruwe ne.

Piripoi 1:20

sekoro ku eraman; kuani ara kon rusui wa chipachipa ambe anak ne ene ani ne, nep ne yakka gusu shomo a en yainikoroshmare koroka, ramma korachi tane poka, ku shiknu yakka, ku rai yakka, Kiristo anak ne ku netobake otta pasere kuni ambe ne ruwe tapan na.

Piripoi 1:26

tambe anak ne shui kuani echi tura no ku an hine ku rengap gusu Kiristo Yesu oshiketa naa kasu no echi ramuritetke wa okai kuni gusu ne na.

Piripoi 2:17

Ruwe un, echi koro eishokor-i gusu an ayangep newa yaishieiwangere ambe gusu a en enomi chiki, ku nupetne, obitta no okai echi utara tura ramu-ritetke ruwe ne:

Korosai 1:24

Tane anak ne echi utara gusu ku iki yai ramshitnere arabe ku enupetne ruwe ne, aige, kuani anak Kiristo iki aeramchuptekbe eikohaye ambe karisia ne Shinuma kon netobake gusu ku kara otta kashi iyo wa upakte ruwe ne;

I Tessaronike 2:19

Gusu aechipachipa arabe hene, aenupetnep ne hene, aeyaiomonnure sapaumbe hene nekon a arabe ne ruwe he an? Ek kushki chikoro Utarapa ne Yesu kotchaketa echi utara shomo ne arabe ne ruwe he an?

I Tessaronike 2:2

echi onnere korachi, etokota piripoi kotan ta aeramushitnere wa a un ko shomo yaikatanu okere chiki, chi utara anak ne Kamui gusu yai-rametok koro hine shi no yairamkoiki wa Kamui pirika Shongo echi orun ye nisa ruwe ne.

II Tessaronike 1:4

obitta no okai echi eyaishiporore aekeshke arabe newa aerarachuptekbe uturu echi ki yaiyupupu arabe newa eishokor-i gusu Kamui karisia tumta echi utara gusu chi utara yaiomonnure ash pakno ne ruwe ne;

Pirimon 1:7

Inambe gusu ne yakun, e koro omap ambe gusu poron no ku nupetne wa aomaoma an, ku iriwak ne guru, e ankushkerai ashkanne utara koro keutum sambe-shiturire nisa ruwe ne gusu ne na.

Yakob 1:2

Ku iriwak utara, echi koro eishokor-i auwande ambe anak yaiyupupu ambe hetukure ruwe ne sekoro eraman wa,