II Korintos 7:10 - Ashiri Aeuitaknup Iyohaichish Yona 1897

¹⁰ Kamui kooripak an oknatara ambe anak ne kashiaobiuki kuni gusu an yaikokatpakbe hetukure, aige, nei ambe gusu yaikopash ushike isam ruwe ne: koroka, moshiri gusu an oknatara ambe anak ne rai ambe hetukure ruwe ne.

II Korintos 7:10 ပူးပေါင်းရင်းမြစ်များ

Iyohaichish 38:18

Ku goro wen-buri ku eyaipushi; Ku goro katpak gusu ku yairamhekomo kusu ne.

Jona 3:10

Orowa no Kamui nei utara koro wenburi orowa no kiru wa okai sekoro shiriki-i nukara: Orowa no Kamui nei utara otta ki kusu ne kushki keutum kiru wa shomo nei no ki nisa ruwe ne na.

Jona 3:8

koroka, ainu hene chikoikip hene hai ani akara mipihi amire wa yupke no Kamui otta ko-hotuyepa anro: nen ne yakka koro wenburi newa tekehe otta okai wen monihi wano kiru anro.

Jona 4:9

Orowa Yona otta Kamui ene itak-hi:— Fukube-ni gusu e irushka ko anak ne pirika ya? sekoro itak. Ku rai pakno ku irushka yak pirika na, shinuma, ye nisa ruwe ne.

Mattaios 26:75

Orowa, Petros anak ne niwatori chikap hau koro shomoki pakno, eani re shui ne En eshina kusu ne, sekoro Yesu ye itak an a-i eshkarun nisa ruwe ne. Aige, shinuma soine wa shi no chish nisa ruwe ne na.

Roukos 15:10

Tap korachi echi otta Ku ye, chikokatpak an shine guru yaikokatpak chiki Kamui uitekbe kotchaketa nupetne ambe an ruwe ne na.

Roukos 18:13

Koroka, nei yaku-etaye guru anak ehangeko no an wa ash hine kando orun ka koro shikihi hepuni poka shomoki, koroka, koro penram shirikik wa ene itak-hi :— Kamui, chikokatpak guru ku ne gusu imommuye kara wa en kore, ani itak.

Apostoro ikip oma kambi 11:18

Tap okai orushpe nei utara nu chiki, mo no okai wa Kamui iramye hine ene itakhi :— Yakun, oya uirup otta ne yakka ashiknure kuni yaikokatpak ambe Kamui koropare nisa ruwe ne na, ari itak.

Apostoro ikip oma kambi 3:19

Tambe gusu, echi koro katpak aushka kuni ne, yaikokatpak wa hoshippa yan, tambe anak Utarapa tek-sam wano sambe-shiturire pakihi an kusu ne kuni ambe ne;

II Korintos 12:21

ikineipeka ika kanna echi otta ku ek ita, ku goro Kamui anak ne echi shik-samata en yainikoroshmare hine, tap etokota katpak ki wa ikichi turu ushbe newa hoiyop newa ramupekere ambe newa eyaikokatpak shomo ki nei utara tumuge un inne no okai utara gusu ku yaituwashkarap gusu ne na.

II Korintos 7:9

Echi utara anak ne aoknatare gusu ku nupetne shomoki koroka echi ayaikokatpakte pakno echi aoknatare ambe ku enupetne ruwe ne: inambe gusu ne yakun, un gusu nep ne yakka shomo echi akoisamka kuni ne, Kamui kooripak korachi echi aoknatare an.

Hebraios 12:17

Inambe gusu ne yakun, shinuma nei okaketa shinnunuke an ambe aeikeshkore rusui poka ki ita, nupe yaikorange tura nei ambe shiarikiki no hunara yakka (yaikokatpak kuni ushike shomo shinuma nukara gusu), aemaka nisa sekorambe echi eraman ruwe ne gusu ne na.