II Korintos 7:1 - Ashiri Aeuitaknup Iyohaichish Yona 1897

¹ Tambe gusu, iriwak utara, tan eitakamkire ambe chikoro wa okai gusu, kam newa ramat otta an obitta no okai turu gusu yaituru-sakte yanro, aine, Kamui koishitoma wa ashkanne ambe eramushinnere ki.

II Korintos 7:1 ပူးပေါင်းရင်းမြစ်များ

Iyohaichish 119:9

Peure ainu anak ne hemanda ani kon ruhu ashkannere kusu ne ruwe he an? E koro itak an korachi koyairamatte ani aki kusu ne na.

Iyohaichish 19:9

Ehoba ishitomap anak ne ashkanne wa ramma aokere shomoki: Ehoba aesanniyop anak ne sonep ne shi no oupeka ambe ne ruwe ne.

Iyohaichish 51:10

Aa Kamui, en gusu turu-sak sambe kara wa en kore, Orowa, en onnaigeta utumashi shomoki keutum ashin no kara wa en kore.

Mattaios 12:33

Chikuni anak ne koro nikaop tura pirika ruwe ne ani ye yan: shomo ne yakun, chikuni nikaop tura wen ruwe ne ari ye yan: inambe gusu ne yakun, chikuni anak ne koro nikaop gusu aeraman ruwe ne.

Mattaios 5:48

Tambe gusu, kando otta an echi koro Michi aeramushinne wa an korachi, echi utara ne yakka aeramushinne no okai yan.

Mattaios 5:8

Keutum turu-sak utara anak ne anunuke ne; nei utara Kamui nukan ruwe ne kusu ne gusu ne na.

Apostoro ikip oma kambi 9:31

Orowa, Yudea ebitta newa Gariraya newa Samaria un karisia anak ne itomo an, awa, aashte nisa; aige, Utarapa koishitoma wa Ashkanne Ramat ani aomaoma wa apkash hine ainnere nisa ruwe ne na.

Roma 5:20

Orowa, ohaitap shipiraspa gusu tuitak anak ne ahun nisa ruwe ne; koroka, katpak shipiraspa ushiketa, irenga anak ne naa nuye an no shipiraspa nisa ruwe ne:

I Korintos 6:20

oro ani echi ahok okere ruwe ne gusu ne na: tambe gusu echi kon netobake otta an Kamui ko-oripak yan.

II Korintos 1:20

Inambe gusu ne yakun, Kamui eitakamkire ambe anak ne nei oro pakno inne ne a yakka, Shinuma oshiketa nei ambe anak “ruwe un” ne ruwe ne gusu ne na: tambe gusu chi utara gusu Kamui arakuru ankushkerai, Shinuma gusu ne yakka “Amen” ari an ambe an ruwe ne na.

Epesos 2:3

etokota echi utara ne yakka nei utara tumugeta okai wa kara gusu an ibeporore ambe koro, kara newa yainu-hi gusu an okaibe ki rusui wa moshima okai utara korachi shiko orowa no irushka gusu an poho echi ne nisa ruwe ne:— koroka,

I Tessaronike 3:13

tambe anak ne chikoro Utarapa ne Yesu obitta no okai koro ashkanne utara tura no ek ita, Shinuma anak chikoro Kamui newa Michihi kotchaketa ashkanne arabe gusu oheuge-sak no echi koro sambe ashte kuni gusu an arabe ne.

I Tessaronike 4:7

Kamui anak ne ichakkere ambe un kire gusu un nishuk shomoki, un turu-sakte gusu un nishuk nisa ruwe ne.

I Tessaronike 5:23

Orowa, itomo irenga koro Kamui yaikota anak echi ebitta ashkannere kusu ne; samata, (chikoro Utarapa ne Yesu Kiristo ek pakno) echi kon ramat newa keutum newa netobake anak ne turu-sak no ramne no akoshiratki kuni akoramkoro.

Hebraios 12:23

kando oshiketa auwatore an hoshiki no hetuku karisia otta, obitta no okai utara koipishi Kamui otta, aeramushinnere okere oupeka utara kon ramat otta echi araki wa okai,

Hebraios 12:28

Tambe gusu, ashimoyere eaikap moshiri a un kore gusu, kooripak ambe newa ishitoma ambe tura, ani Kamui nupetnere yaishieiwangere iyaiiraige an keutum koro anro:

Hebraios 4:1

Tambe gusu, ikineipeka Shinuma koro shini-i otta chi ahup ash kuni gusu an aeitakamkirep ahoppa wa, nei ambe epa kuni shomo nep ne echi anukara an sekorobe ishitoma anro.

Hebraios 6:9

Koroka, aeomap utara, tambe nei no chi itak a yakka, echi utara gusu an okaibe newa kashichiobiuki-hi kopaketa an okaibe gusu naa pirika chi esanniyo ash ruwe ne:

Yakob 4:8

Kamui orun karange no araki yan, yakun, Shinuma echi orun karange no ek kusu ne. Katpak koro utara, echi koro teke ashkannere yan; tu keutum koro utara, echi koro sarabe turusakte yan.

I Petros 1:15

koroka, echi tak Kamui anak ne turu-sak korachi, nep ne yakka gusu echi utara ne yakka turu-sak no okai yan;

I Petros 1:17

Orowa, ainu kashiramu shomoki no pishno pishno an guru koro ikip an korachi koipishi Kamui, Michi nep koro korachi echi konishuk yak anak ne

I Petros 1:22

Echi utara anak ne oheuge sak no iriwak utara omap hemhem ki, sonep otta itaknu hemhem echi ki-i ani kon ramat echi turu-sakte okere gusu, orowa,

I Petros 2:11

Aomap an utara, echi utara anak ne payekai utara ne, irukai reushi utara korachi echi ne wa gusu, ramat kotumikoro wa okai kam oma ibeporore ambe shomo echi ki kuni echi onishnishi ash na;

I Petros 5:10

Orowa, Kiristo oshiketa koro aokere shomoki nupeki otta echi tak obitta no okai irenga koro Kamui anak ne, pon no uturuta echi eramusarak okaketa, Shinuma yaikota echi ramushinnere, echi roshkire, echi tumashnure kusu ne.

I Yoannes 1:7

koroka, Shinuma anak ne pekere otta an korachi chi utara ne yakka pekere otta apkash yakun uwe-utashpa uwekookai ruwe ne, orowa Shinuma koro poho Yesu koro kem anak ne obitta no okai chikoro katpak isamka wa un ashkannere ruwe ne.

I Yoannes 1:9

Koro katpak chi eyaipushi ash chiki, Shinuma anak ikipniukesh oupekap ne gusu chikoro katpak tusare hemhem ki, obitta no okai oupeka sak-i ashkannere hemhem ki ruwe ne.

I Yoannes 3:3

Orowa, Shinuma gusu tapne no chipachipa gurʼanak ne, Shinuma ka turasak korachi yaikota yaiturusakte ruwe ne.