II Korintos 6:8 - Ashiri Aeuitaknup Iyohaichish Yona 1897

⁸ aeoripakbe ani ne yakka ayainikoroshmarep ani ne yakka, areika assuru ani ne yakka, wen assuru ani ne yakka; kokandama ki utara korachi ne a yakka,

II Korintos 6:8 ပူးပေါင်းရင်းမြစ်များ

Mattaios 10:25

Koikara guru anak ne koro epakashnu guru nei no an, ausshiunere guru kon nishpa nei no an ambe anak ne pakno ne ruwe ne: chisei kon nishpa Beeruzeboru ani reikore yakun, kasu no nei chisei un utara ne yakka shomoki kusu ne ya?

Mattaios 22:16

Awa, shinuma utara koro koikara utara Herodian un utara tura Shinuma otta payere wa ene itakte-hi :— Epakashnu guru, Aokai an at ne sone an guru ne ruwe ne, orowa, son no Kamui ruhu epakashnu wa nen ne yakka koishitoma shomoki ruwe ne; ainu E esanniyo shomoki ruwe ne gusu ne na.

Mattaios 27:63

Nishpa, tan ikokandama guru anak ne shiknu wa an rapoketa — Kuani rere-ko imakake hetopo ku shiknu kusu ne — ari an itak ani itak a-i chi eshkarun ruwe ne.

Markos 12:14

Awa, orota araki chiki Shinuma otta ene itak-hi :— Epakashnu guru, Aokai anak ne sone an gunʼne, nen ne yakka E ko-ishitoma shomoki ruwe ne shiri chi eramʼan: ainu katuhu Aokai esanniyo shomoki no son no newa Kamui ru epakashnu ruwe ne gusu ne na: Kaisaros otta yakuichen koropare-ambe anak ne kashpaotte nei no an ambe ne ya, shomo ya?

Yoannes 7:12

Awa, inne utara tumugeta Shinuma gusu poron no oromam an ruwe ne: Shinuma pirika guru ne, ani ye utara okai, shomo, inne utara shiren ruwe ne, ani ye utara okai.

Apostoro ikip oma kambi 10:22

Orowa, nei utara ene itak-hi :— Oupeka wa Kamui koishitoma, samata, Yudea un uirup ebitta orowa no pirika assuru akore ashikne hotne tumi koro utara esapane Kornirios anak ne teshkara wa kot chisei ta e tak wa e otta itak nu kuni ne Kamui ashkanne hauturumbe ani apakashnu nisa ruwe ne,

Apostoro ikip oma kambi 16:39

aige, araki wa koramkon nisa ruwe ne; orowa, soyumbare chiki nei kotan wano paye kuni onishnishi nisa ruwe ne.

Apostoro ikip oma kambi 22:12

Orowa, nei kotan ta oshiroma obitta no okai Yudea un utara orowa no akopaweteshu ki, tuitak gusu aainukoro Ananias ari an reihei ani areikore shine ainu anak ne en orota ek,

Apostoro ikip oma kambi 24:5

Inambe gusu ne yakun, anukarʼhike tan wen ikiyap anak ne ingi moshiri ta okai Yudea un utara obitta no tumta sakayo hopunire gun ne, Nazaret kotan un utara koro epakashi oma utara esapanep ne:

Apostoro ikip oma kambi 28:22

Koroka, aokai anak ne nekon a e yainu ya chi nu rusui; inambe gusu ne yakun, tan epakashi oma utara gusu anak ne nei ita ne yakka wen no aye ambe ne ruwe ne gusu ne na, ari itak.

Apostoro ikip oma kambi 4:21

Orowa, nei utara anak, naa pakashnu chiki, honnere nisa ruwe ne; utara okai gusu panakte kuni ika pa eaikap ruwe ne gusu ne na; inambe gusu ne yakun, nei akara orusbpe gusu obitta no okai utara Kamui ramye wa okai nisa ruwe ne gusu ne na.

Apostoro ikip oma kambi 5:13

Koroka, moshima okai utara anak nei utara tura no okai kuni niukesh: yakka,

Apostoro ikip oma kambi 6:3

Tambe gusu, iriwak utara, echi tumugeta okai pirika assuru koro, Ramat newa wayashnu-hi ani aeshik arawa niu numge, aige, tap okaibe esapanere kuni gusu ashte ash kusu ne.

Roma 3:8

Orowa, shui, (un ohaigekara wa) — Pirikap ahetukure gusu, wenbe ki yanro — (sekorʼan itak ani chi ye ruwe ne sekoro ye utara itak korachi) — nep gusu shomo chi ki ya? Nei utara gusu an aesanniyo-hi anak ne oupekap ne ruwe ne na.

II Korintos 1:18

Koroka, Kamui anak ne sonep ne gusu echi orun chi ye itak anak ne, “ruwe un,” newa “shomo,” ari an itak ambe shomo ne ruwe ne.

II Korintos 11:21

Chi utara anak ne katchakbe ne korachi yainikoroshmarep ku ye na. Yakka, nen ne yakka nep otta ka rametokkoro chiki (wayasap no ku ye), kuani ne yakka rametok kon ruwe ne.

II Korintos 12:16

Koroka, nei no an yan, kuani yaikota ani echi shike pasere shomoki nisa; koroka, ki-kat-korobe ku ne ruwe ne gusu, imokbe ani echi uina ash nisa ruwe ne na.

II Korintos 4:2

koroka, anuina wa okai gusu yainikoroshma kuni ambe chi emaka wa, irarabe gusu apkash shomoki, samata, Kamui itak shunge no eiwange shomoki ruwe ne; koroka, sonep nukare gusu Kamui tek-samata obitta no okai utara koro keutum otta yaikota yaiashte ruwe ne.

I Tessaronike 2:3

Inambe gusu ne yakun, chi ki onishnishi arabe anak ne ouhaita ambe orowa no hene, ichakkere ambe orowa no hene irarape gusu an ambe hene shomo ne ruwe ne;

I Timoteos 3:7

Naa moshima, soita okai utara anak shinuma gusu pirika paweteshu ambe koro kunip ne; ikineipeka shinuma aesapse wa nitne kamui koro akbe oro-oshma kusu ne na.

I Timoteos 4:10

Tan ikkewehe an gusu chi utara anak ne monraige wa shiyuppa no iki, inambe gusu ne yakun, chi utara anak ne obitta no okai utara, makangane eishokor-i atte utara, koro kashiobiukip ne ishu Kamui gusu chipachipa ruwe ne na.

Hebraios 13:13

Tambe gusu chi utara ne yakka Shinuma gusu an aesapse ambe sei wa kash-tai soigeta an Shinuma orun paye anro.

I Petros 4:14

Echi utara anak ne Kiristo reihei gusu akosakayokara an chiki, echi anunuke ne; inambe gusu ne yakun, nupeki Ramat newa Kamui Ramat anak ne echi kashiketa okai shiri ne gusu ne na.

III Yoannes 1:12

Demetrius anak ne obitta no okai utara ki paweteshu ambe koro, samata, sonep yaikota gusu an paweteshu-hi kon ruwe ne; ruwe ne wa, chi utara ne yakka paweteshu ki; aige, chi ki paweteshu ambe anak ne sonep ne sekoro aokai eraman ruwe ne na.

Ekambakbe 3:9

Ingarʼan, Satan koro nwekari un utara, orowa, Yudea un utara shomo ne, koroka, shunge wa Yudea un utara ne kunak yaiporose utara orowa akore ash ruwe ne; ingarʼan, nei utara anak ne e chikiri kotchaketa koongami kuni ne Ku arakire kusu ne, orowa, Kuani e omap ash an ambe Kuani nei utara eramande kusu ne na.