II Korintos 6:4 - Ashiri Aeuitaknup Iyohaichish Yona 1897

⁴ koroka, nep ne yakka otta Kamui gusu yaishieiwangere utara chi ne korachi yaikota yairamatte no okai anro; poron no an yaiyupupu ambe otta hene, aeramchuptekbe otta hene,

II Korintos 6:4 ပူးပေါင်းရင်းမြစ်များ

Roukos 21:19

Echi yaishiporore wa kon ramat echi koro kusu ne.

Yoannes 16:33

Echi utara anak ne En oshiketa itomo irenga echi koro kuni gusu tap okaibe echi otta Ku ye nisa ruwe ne. Moshiri otta echi aeramchuptekka kusu ne: koroka, ramu-ritetke yan; Kuani anak Moshiri annokan nisa ruwe ne na.

Apostoro ikip oma kambi 2:22

Israeru un echi utara tap an itak nu wa ikore yan: Echi utara yaikota echi eraman korachi, ari Kamui anak ne echi tumugeta iki ari Kamui sonnere kiroro an ikip newa iyokunnurep newa shiroshi newa kara Nazaret un Yesu anak ne;

Apostoro ikip oma kambi 20:34

Tan teke anak ne kuani yaikota gusu an eishiramne ambe gusu hene en tura no okai utara gusu hene iki nisa ruwe ne a ambe echi yaikota echi eraman ruwe ne.

Apostoro ikip oma kambi 9:16

orowa, Ku rengap gusu shinuma inan otaibe gusu ramuashitnere kusu ne ya ku nukare kusu ne na.

Roma 14:18

Aine, tap okaibe ani Kiristo otta yaishieiwangere guru anak ne Kamui nupetnerep ne, orowa, utara orowa no aeramuoshmap ne ruwe ne.

Roma 16:10

Kiristo otta auwande an Aperes uwekap an. Aristobouros kot chisei ta okai utara uwekap an.

Roma 3:5

Koroka, chikoro oupeka-sakbe anak ne Kamui oupeka ambe ashte yakun, nekon chi ye kusu ne ya? Irushka irenga sange Kamui oupeka-sakbe ne ruwe he an? (ainu itak korachi ku itak ruwe ne).

Roma 5:8

Koroka, chi utara anak ne katpak koro utara ne wa okai rapoketa Kiristo un gusu rai nisa ruwe ne a ambe ani Kamui un epeka no sange omap ambe ashte nisa ruwe ne.

I Korintos 3:5

Yakun, Aporros anak ne nep ta? Pauros nep ta ruwe he an? Ankushkerai echi eishokoro yaishieiwangere utara ne ruwe ne; pishno pishno Utarapa shinuma kore korachi ne ruwe ne na.

I Korintos 4:1

Chi utara anak ne Kiristo koro yaishieiwangere utara, Kamui anuinap ashikkashimare utara chi ne kunak ainu un esanniyo yan.

I Korintos 9:11

Echi utara gusu ramat unbe chi etoita chiki anak ne echi koro kam unbe chi nange yak porobe ne ruwe he an?

II Korintos 11:23

Abraham sanikiri ne ya? Kuani ne yakka ene ani ne. Kiristo otta yaishieiwangere utara ne ya? (ramu-isam guru korachi ku ye) Kuani naa kasu no ne ruwe ne: nei utara kasu no poron no ku iki; nei utara kasu no poron no upakashnu chisei ta ku an; poron no a en shirikik mashkin, kanna-kanna rai otta ku an ruwe ne na.

II Korintos 11:27

shunge iriwak utara tumugeta ayaikikipi an, imontabire wa nuwap; kanna-kanna shiruwande ki, ibe rusui iku rusui, kanna-kanna shomo-ramnu ki, meraige newa atusa ruwe ne.

II Korintos 11:9

orowa, echi tura no ku an wa eishiramnep an ita anak ne, inan guru ne yakka shomo ku iramu-ikurukurure nisa; iriwak utara Makedonia kotan orowa no araki ita ku eishiramnep eramushinnere nisa ruwe ne gusu ne na; orowa, nep ne yakka gusu iteki echi iramu-ikurukuru kuni ne ku yaishikkashima nisa ruwe ne; shui nei no ku an kuni ku yaishikkashima kusu ne na.

II Korintos 12:10

Tambe gusu, Kiristo korʼirenga ankushtapne kuani katchakbe gusu, aeiwendep gusu, aeishiramnep gusu, aepokbap gusu, yairamkoiki ambe gusu ku enupetne ruwe ne: inambe gusu ne yakun, katchak no ku an ita, nei ita anak ku kiroroashnu ruwe ne gusu ne na.

II Korintos 12:12

Son no newa shirosh ani hemhem, iyokunnurep ani hemhem, kiroro ani hemhem, Apostoro gusu an shirosh anak ne obitta no an yaiyupupu aoma wa echi tumugeta aki nisa ruwe ne.

II Korintos 2:17

Chi utara anak ne Kamui itak eoyap kopoye shiriki inne utara nepkoro shomo chi ne: koroka, an korachi nepkoro ki utara, Kamui orowa no an korachi; Kamui tek-samata an korachi, Kiristo oshiketa chi ye ruwe ne gusu ne na.

II Korintos 3:6

Shinuma ka nei ashiri uitaknup gusu upak no an yaishieiwangere utara ne kuni un kara nisa ruwe ne; anuye ikiri gusu shomo ne, koroka, nei ramat gusu ne ruwe ne; inambe gusu ne yakun, anuye ikiri anak ne raige ruwe ne, koroka, ramat anak ne shiknure ruwe ne gusu ne na.

II Korintos 4:17

Inambe gusu ne yakun, irukai patek an kushki chikoro koshne aeramchuptekbe anak ne chi utara gusu naa kasu no kasu no an aokere shomoki pase arakuru kan ruwe ne;

II Korintos 4:2

koroka, anuina wa okai gusu yainikoroshma kuni ambe chi emaka wa, irarabe gusu apkash shomoki, samata, Kamui itak shunge no eiwange shomoki ruwe ne; koroka, sonep nukare gusu Kamui tek-samata obitta no okai utara koro keutum otta yaikota yaiashte ruwe ne.

II Korintos 4:8

hunak peka wano ne yakka aeurarapa an a yakka, shomo yairamkoiki ruwe ne; keutum chiutumashbare an a yakka, shomo ramu-nin; aekeseamba an a yakka, shomo akohoppa an;

II Korintos 7:11

Inambe gusu ne yakun, tapne an ambe ingarʼan, Kamui kooripak nei no echi aoknatare gusu anak ne, echi tumugeta nep yuptek no echi iki humi! ruwe un, nep kikikara ambe! ruwe un, nep kinrakara ambe! ruwe un, nep ishitoma ambe! ruwe un, nep eyaikatekara ambe! ruwe un, nep seisek mau keutum! ruwe un, nep ikemnu ambe humi! nep ne yakka nei orushpe gusu echi utara anak ne turu-sakbe ne sekoro echi yaiashte nisa ruwe ne.

Korosai 1:11

Shinuma koro nupeki ani kiroro an korachi, nupetne hine obitta no okai yaiyupupu arabe newa ramushiporore ambe gusu, obitta no okai kiroro ani atumashnure:

Korosai 1:24

Tane anak ne echi utara gusu ku iki yai ramshitnere arabe ku enupetne ruwe ne, aige, kuani anak Kiristo iki aeramchuptekbe eikohaye ambe karisia ne Shinuma kon netobake gusu ku kara otta kashi iyo wa upakte ruwe ne;

I Tessaronike 3:7

tapan ikkewehe an gusu, iriwak utara, obitta no okai chi iki kunip newa eramchuptekbe an ita echi iki eishokor-i ankushkeraipo aomaoma nisa ruwe ne;

I Tessaronike 5:14

Orowa, iriwak utara, uottumashi utara pakashnu, keutum katchak utara omaoma, turasak utara nitata orowa obitta no okai utara epeka ramu-shiporore kuni echi onishnishi ash ruwe ne.

I Timoteos 2:15

koroka, nei utara yaikatanu ambe tura eishokor-i atte hemhem ki, omap ambe hemhem ki, aturu-saktep otta an hemhem iki yakun, poho shikore ita akaobiuki kusu ne na.

I Timoteos 4:6

Eani anak ne tapan okaibe iriwak utara eshkarunde chiki, Kiristo Yesu koro pirika diakonos e ne wa, eishokor-i gusu an itak otta hemhem, e iki pirika epakashi otta hemhem areshpa guru e ne kusu ne na:

I Timoteos 6:11

Koroka, Kamui koro ainu e ne gusu, tap okaibe eshaot yan; aige, oupeka ambe, Kamui kooripak ambe, eishokor-i atte ambe, omap ambe, yaiyupupu ambe,

II Timoteos 1:8

Tambe gusu chikoro Utarapa gusu an paweteshu ambe hene, Shinuma gusu upakashnu chisei ta an guru ne kuani gusu hene iteki yainikoroshma yan: koroka, Kamui kiroro nei no an pirika shongo tura wenbe gusu eyairamkoiki yan;

II Timoteos 2:24

Orowa, Utarapa koro usshiune guru anak ne ukoiki kunip shomo ne, koroka, obitta no okai utara epeka rotcha wa an, epakashnu eashkai no an, wenbe gusu eyaishiporore wa an,

II Timoteos 4:5

Koroka, nep ne yakka gusu yairamatte yan, enishte yan, pirika shongo eupaskuma guru ki kuni ikip ki yan, otta yaishieiwangere ambe uweomare yan.

Hebraios 12:1

Tambe gusu, chi utara ne yakka, tap korachi an nishkuru nepkoro inne paweteshu ki utara koro wa okai gusu, ene irammakaka un nikkotama obitta no okai aeoshirokokbap newa chikokatpak oyakta ande hine, yaishiporore wa un kotchaketa aatte wa an uwetushmak kuni ambe otta hoyuppa anro,

Ekambakbe 1:9

Yesu oshiketa an aeramchuptekbe hemhem moshiri hemhem yaiyupupu ambe hemhem e tura no iki e koro iriwak ne Yoannes kuani anak ne, Kamui itak newa Yesu gusu an paweteshu ambe newa gusu Patmos ari aporose repun shiri ku an nisa ruwe ne.

Ekambakbe 3:10

Eani anak ne Ku yaiyupupu oma itak shikkashima nisa ruwe ne gusu, nei shiruwande kuni gusu an ek kushki pakihi orowa no, moshiri kata oshiroma utara shiruwande kuni ne, ingi-moshirʼun utara kata ek kushki pakihi orowa no e shishire ash kusu ne na.