II Korintos 6:18 - Ashiri Aeuitaknup Iyohaichish Yona 1897

¹⁸ Aine, echi utara gusu Michihi Ku ne kusu ne, Echi utara anak ne Ku okkai poho Ku matne poho echi ne kusu ne na, ari nep ne yakka ki eashkai Utarapa ye nisa ruwe ne.

II Korintos 6:18 ပူးပေါင်းရင်းမြစ်များ

Iyohaichish 22:30

Shinuma otta yaishieiwangere utara okai; Ehoba orushpe oya ainu ikiri otta anure kusu ne.

Yoannes 1:12

Koroka, obitta no okai Shinuma uk utara otta, Shinuma kon reihei eishokoro utara otta, Kamui Poho ne kuni mondum koropare nisa ruwe ne.

Roma 8:19

Akara okaibe earikinne echipachipap anak ne Kamui poho utara anukara-hi etere ruwe ne.

Roma 8:29

Inambe gusu ne yakun, Kamui anak ne etoko wano eraman utara, inne no okai uiriwak tumugeta iyotta kiyanne guru ne kuni gusu, koro Poho nokaha nei no akatkore kuni etoko wano esanniyo poka ki nisa ruwe ne:

Garatea 3:26

Inambe gusu ne yakun, obitta no okai echi utara anak ne Kiristo Yesu otta eishokor-i an gusu Kamui poho echi ne.

Epesos 1:5

Shinunra etoko wano Yesu Kiristo ankushkerai gusu Kamui yaikota koro poho ne kuni uir kara gusu an ambe esanniyo,

Ekambakbe 1:8

Kuani anak ne, An wa an, an nisa, ek kusu ne, nep ne yakka ki eashkai, Arupa newa Omega Ku ne ruwe ne, sekoro, Utarapa ne Kamui ye ruwe ne.

Ekambakbe 21:22

Orowa, nei oshiketa Kamui kora kenru shomo ku nukara: inambe gusu ne yakun, nep kiroro ne yakka koro Utarapa ne Kamui newa nei Pon-hitsuji anak ne nei kenru ne ruwe ne gusu ne na.

Ekambakbe 21:7

Annokara iki guru anak ne tap okaibe eikeshkoro kusu ne; orowa, Kuani anak ne nei guru koro Kamui Ku ne, aige, nei guru anak ne Ku poho ne kusu ne na.