II Korintos 5:9 - Ashiri Aeuitaknup Iyohaichish Yona 1897

⁹ Tambe gusu, unita ne yakka, oyakta an yakka Shinuma nupetnere kuni ne iki rusui ruwe ne.

II Korintos 5:9 ပူးပေါင်းရင်းမြစ်များ

Yoannes 6:27

Aisamka kusu ne aep gusu iteki monraige yan, Ainu Poho echi koropare kusu ne ramma okere shomoki inotu ari an aep echi koro gusu ki yan: Michi Kamui anak ne Shinuma otta han kotukka nisa ruwe ne gusu ne na.

Apostoro ikip oma kambi 10:35

Son no newa, Kamui anak ne utara eangesh Kamui shomo ne ari an ambe ku nukan ruwe ne: koroka, inan moshiri uirup otta Shinuma koishitoma oupekap ki guru an chiki Shinuma enupetnere kunip ne ruwe ne.

Roma 14:18

Aine, tap okaibe ani Kiristo otta yaishieiwangere guru anak ne Kamui nupetnerep ne, orowa, utara orowa no aeramuoshmap ne ruwe ne.

Roma 14:8

Inambe gusu ne yakun, shiknu ash yakka, Utarapa gusu shiknu; rai yakka, Utarapa gusu rai ruwe ne: tambe gusu shiknu yakka, rai yakka, Utarapa korope chi ne ruwe ne.

Roma 15:20

ruwe un, moshima guru aande asamaha kata shomo ku iki kuni ne, otta Kiristo orushpe naa shomo anure ushiketa, nei pirika shongo eupaskuma kuni otupekari ku ki nisa ruwe ne;

I Korintos 15:58

Tambe gusu, ku omap an iriwak ne utara, kiroro atte wa moimoyege shomoki no okai yan, ramma Utarapa gusu ki kuni ikip kara yan; Utarapa gusu ki kuni ikip shomo raka-sakbe ne sekoro ku eraman ruwe ne gusu ne na.

II Korintos 5:6

Tambe gusu ramma rametok koro, aige, koro uni ne netobake ta okai rapoketa, Utarapa wa eoyake an ari an ambe chi eraman (inambe gusu ne yakun,

II Korintos 5:8

aige, netobake ande wa Utarapa tura unita an rusui ruwe ne.

Epesos 1:6

awa, Shinunra koro Omap an guru gusu un otta nuye an no koropare arakuru newa irenga gusu ramuaye kuni ne koro keutum pirikap rengaine ambe an korachi nei no ki nisa ruwe ne na:

Korosai 1:10

samata, Utarapa nupetnere kuni kopakeatbe otta echi apkash hine obitta no okai pirika ikip otta ibehe hetukure wa Kamui oma eramanbe otta naa shukup kuni ne okere shomoki no inonno-itak chi ki wa koramkoro shiriki okai;

Korosai 1:29

nei arabe gusu poka kuani anak, en onnaigeta kiroroashnu no iki, Shinuma kara arabe nei no kiroro yupu hine ku monraige ruwe ne.

I Tessaronike 4:1

Orosama iriwak utara echi utara, nekon a arabe ani apkash wa Kamui nupetnere kusu ne a ambe ne ya, un otta echi nu a gusu, nei no korachi echi apkash kuni ne — naa naa echi nuye an no okai kuni gusu — Utarapa ne Yesu Kiristo gusu koramkoro wa echi onishnishi ash ruwe ne.

I Tessaronike 4:11

samata, echi kashpaotte korachi koro teke ani monraige hine yaikota koro moni esanniyo wa mo no okai kuni ne ramepakari;

I Timoteos 4:10

Tan ikkewehe an gusu chi utara anak ne monraige wa shiyuppa no iki, inambe gusu ne yakun, chi utara anak ne obitta no okai utara, makangane eishokor-i atte utara, koro kashiobiukip ne ishu Kamui gusu chipachipa ruwe ne na.

Hebraios 12:28

Tambe gusu, ashimoyere eaikap moshiri a un kore gusu, kooripak ambe newa ishitoma ambe tura, ani Kamui nupetnere yaishieiwangere iyaiiraige an keutum koro anro:

Hebraios 4:11

Tambe gusu, inan guru ne yakka iteki nei no an itakkashi ambe koikara wa hachiri kuni gusu, nei a shini-i otta ahup ash kuni ne shiarikiki no iki anro.

II Petros 3:14

Tambe gusu, aomap an utara, tap okaibe echi ehuye wa okai gusu, echi utara anak ne Shinuma tek-samata echi sak no, piri isam no, itomo an no anukara kuni ne shiarikiki no kara yan.