II Korintos 5:17 - Ashiri Aeuitaknup Iyohaichish Yona 1897

¹⁷ Tambe gusu, inan ne yakka Kiristo oshiketa an chiki, shinuma anak ashiripe ne: fushko okaibe paye wa isama; ingarʼan, ashiripe ne akan nisa ruwe ne.

II Korintos 5:17 ပူးပေါင်းရင်းမြစ်များ

Iyohaichish 51:10

Aa Kamui, en gusu turu-sak sambe kara wa en kore, Orowa, en onnaigeta utumashi shomoki keutum ashin no kara wa en kore.

Mattaios 12:33

Chikuni anak ne koro nikaop tura pirika ruwe ne ani ye yan: shomo ne yakun, chikuni nikaop tura wen ruwe ne ari ye yan: inambe gusu ne yakun, chikuni anak ne koro nikaop gusu aeraman ruwe ne.

Mattaios 24:35

Kando newa toi anak ne aisamka kusu ne, koroka, Ku itak anak aisamka shomoki kusu ne na.

Roukos 5:38

Koroka, ashiri tonoto ashiri kapu-pukuru otta aomare kusu ne ap ruwe ne.

Yoannes 14:20

Nei toho ta Kuani anak ne Ku Michi otta Ku an, orowa, echi utara En otta okai, samata, Kuani anak echi otta Ku an shiri echi eraman kusu ne na.

Yoannes 15:2

En otta okai ibe o shomoki ni-tek, Shinuma obitta oyake un omande: orowa, obitta no okai ibe o ni-tek anak ne naa kasu no ibe o kuni gusu, Shinuma turusakte ruwe ne.

Yoannes 15:5

Kuani anak ne pungara Ku ne, echi utara nei ni-tek ne ruwe ne: En oshiketa an wa, samata, oshiketa Ku an guru anak ne, nei guru anak poron no ibe o ruwe ne: En oyakta an chiki nep ne yakka echi ki eaikap ruwe ne gusu ne na.

Yoannes 17:23

nei utara shinep otta aokere kuni gusu, Kuani nei utara oshiketa Ku an, orowa, Aokai En oshiketa E an; samata, Aokai anak ne En omande wa En omap korachi, nei utara ne yakka Aokai omap shiri moshiri eraman kuni gusu ne na.

Yoannes 3:3

Orota Yesu ese wa ene itak-hi :— Son no, son no e otta Ku ye, ainu anak ne ashin no hekatu shomoki chiki Kamui moshiri nukara eaikap ruwe ne, ari itak.

Yoannes 3:5

Yesu ene ese-hi :— Son no, son no e otta Ku ye, Ainu anak ne wakka newa Ramat ani hekatu shomoki chiki Kamui moshiri orun ahun eaikap ruwe ne.

Roma 16:10

Kiristo otta auwande an Aperes uwekap an. Aristobouros kot chisei ta okai utara uwekap an.

Roma 16:11

Ku apaha Herodion uwekap an. Utarapa otta okai Narkisos chisei un utara uwekap an.

Roma 16:3

Kiristo otta en tura no iki Priska newa Akira uwekap an,

Roma 16:7

Ku apaha utara, en tura ipakashnu chisei ta okai Apostoro tumta assuru an, en hoshiki no Kiristo otta okai Andronikos newa Ionnias uwekap an.

Roma 16:9

Kiristo otta un tura no iki Ourbanos newa ku omap Stakus uwekap an.

Roma 7:6

Koroka, tane anak nei tuitak orowa no chi utara ahonnere wa okai, teeda ani atupe ambe orun rai nisa ruwe ne gusu ne na; tambe gusu, chi utara auak ne ausshiune wa ashin no ramat otta iki, nei fushko ikiri otta shomo iki ruwe ne na.

Roma 8:1

Tambe gusu, Kiristo Yesu oshiketa okai utara gusu tane katpak akore-i isam ruwe ne.

I Korintos 1:30

Koroka, Shinuma ankushtapne echi utara anak ne Yesu Kiristo oshiketa okai hine un gusu Kamui orowa no wayashnu ambe, oupeka ambe,

I Korintos 13:11

Kuani anak ne pon guru ku an ita, pon guru korachi ku ye, pon guru korachi yainu, pon guru korachi ku esanniyo nisa ruwe ne: rupne guru pakno ku shukup an ita, pon guru okaibe oyak ta ku ande nisa ruwe ne.

II Korintos 12:2

Kiristo oshiketa shine ainu ku eamkiri, ine pa ikashima wan pa etoko (netobake oshiketa an hene ne ya ku eramushkare; netobake soigeta an hene ne ya ku eramushkare; Kamui eraman), nei a an guru anak ne re ikinne an kando orun auk nisa ruwe ne.

II Korintos 5:16

Tambe gusu, tewa no poka, chi utara anak ne kam gusu an ainu eamkiri shomoki: aige, kam gusu an Kiristo chi eamkiri nisa a yakka, tane anak ne nei no chi eamkiri shomoki ruwe ne gusu ne na.

II Korintos 5:19

nei ambe anak ene an ambe ne, — Kamui anak Kiristo oshiketa an wa yai otta moshiri eramuritenka shiriki an, awa, moshiri koro ohaita buri shomo esanniyo; aige, ramuritenka gusu an itak un shikkashimare nisa ruwe ne.

II Korintos 5:21

Chikokatpak eramushkare guru anak ne chi utara gusu akokatpakbe ne akara; tambe anak ne chi utara shinuma oshiketa Kamui oupeka ambe ne akara kuni gusu ne na.

Garatea 3:28

Yudea un guru hene, Herenes un guru hene okai eaikap, ausshiune guru hene, rengaine an guru hene okai eaikap, okkai hene matnep hene okai eaikap ruwe ne: inambe gusu ne yakun, Kiristo Yesu otta obitta no okai echi utara anak ne shinep ne ruwe ne gusu ne na.

Garatea 5:6

Kiristo Yesu oshiketa okarituye buri akire-hi hene, shomo okarituye buri akire-hi hene, epirikare shomoki: koroka, omap iki wa eishokor-i patek epirikare ruwe ne.

Garatea 6:15

Inambe gusu ne yakun, okarituye buri akire yakka gusu aepirikarep isama, shomo akire yakka aepirikare shomoki ruwe ne, koroka, ashiribe ne akara ambe anak epirikare ambe ne.

Epesos 2:10

kashiaobiuki shomo ki ruwe ne. Chi utara anak ne Shinunra karape ne, pirikap iki gusu Kiristo Yesu otta akan nisa ruwe ne; nei pirika ikip otta apkash kuni ambe Kamui anak ne teeda etoko-oiki nisa ruwe ne na.

Epesos 2:15

Shinuma nei tumugeta ash wa usaraye gusu an tumama hokushte wa ikashpaotte oshiketa okai ipawetenge gusu an tuitak, koro kam ani nei uwe-epokba ambe isamka ruwe ne; tambe anak ne Shinuma nei tup ani yaikota yaioshiketa shine ashiri ainu kara wa itomo hetukure kuni gusu an ambe ne;

Piripoi 4:21

Kiristo Yesu otta ashkanne guru pishno rangarap yan. En tura no okai iriwak utara anak ne echi otta rangarap ki.