II Korintos 5:16 - Ashiri Aeuitaknup Iyohaichish Yona 1897

¹⁶ Tambe gusu, tewa no poka, chi utara anak ne kam gusu an ainu eamkiri shomoki: aige, kam gusu an Kiristo chi eamkiri nisa a yakka, tane anak ne nei no chi eamkiri shomoki ruwe ne gusu ne na.

II Korintos 5:16 ပူးပေါင်းရင်းမြစ်များ

Mattaios 10:37

En akkari koro michi hene koro habo hene kasu no ko-omap gurʼanak ne, En ko-oripak shomoki ruwe ne; orowa, En akkari koro okkai poho hene matne po hene kasu no koomap gurʼanak ne, En ko-oripak shomoki gunʼne.

Yoannes 15:14

Echi utara anak ne Ku ki ikashpaotte nei no ki yakun, Ku katairotki utara echi ne ruwe ne.

Yoannes 2:4

Orota Yesu ene itak-hi :— Shiwentep, eani newa Kuani uturuta nep an hawe? Ku pakihi anak naa shomo an ruwe ne, sekoro itak.

Yoannes 6:63

Shiknurep anak ne ramat ne ruwe ne; kam anak raka sakbe ne: echi otta Ku ye itak anak ne ramat ne, inotu ne ruwe ne.

Yoannes 8:15

Echi utara anak ne kam nei no koipishi, Kuani anak ainu koipishi shomoki ruwe ne.

II Korintos 11:18

Inne utara kam gusu yaiomonnure gusu, kuani ne yakka yaiomonnure ruwe ne.

Garatea 5:6

Kiristo Yesu oshiketa okarituye buri akire-hi hene, shomo okarituye buri akire-hi hene, epirikare shomoki: koroka, omap iki wa eishokor-i patek epirikare ruwe ne.

Piripoi 3:4

koroka, kuani yaikota anak ne kara gusu poka eyaikopashte ushike an na: nenka moshima guru anak ne kam gusu eyaikopashte-i an sekoro yainu chiki, kuani anak ne naa kasu no an:

Korosai 3:11

nei ushiketa Herenes hene Yudea unbe hene, okarituye buri akore arabe hene okarituye buri shomo akore ambe hene, oya kotan un guru hene, Skitia un guru hene, ausshiune an guru hene, rengaine an guru hene isama: koroka, Kiristo anak ne obitta no okaibe okkashi an, obitta no okaibe onnaigeta an ruwe ne na.

Yakob 3:17

newa obitta no okai wen-buri an gusu ne na. Koroka, rik orowa no an wayashnu-i anak ne hoshiki no turusakbe ne, orowa, itomo irenga korobe ne, rotcha ne, yairotchare kasush ne ambe ne, rampoken newa pirika ikip ani aeshik, utomotne shomoki, kankapkapeka shomoki ruwe ne.