II Korintos 5:15 - Ashiri Aeuitaknup Iyohaichish Yona 1897

¹⁵ awa, shiknu wa okai utara anak ne tewa no yaikota gusu ishu shomoki, koroka, nei utara kotchane rai wa hetopo-shiknu guru gusu ishu kuni ne Shinuma anak obitta no okai utara kotchane rai nisa ruwe ne.

II Korintos 5:15 ပူးပေါင်းရင်းမြစ်များ

Roukos 1:74

Chi rai pakno turu-sak wa oupeka no Shinuma tek samata okai wa

Yoannes 5:24

Son no son no echi otta Ku ye, Ku itak nu wa En omandep eishokoro guru anak ne ramma okere shomoki inotu koro, orowa, akoipishi shomoki, koroka, rai-i orowa no paye wa inotu otta ahun nisa ruwe ne.

Yoannes 6:57

Ishu Michi anak ne En omande, orowa, Michi an gusu Ku ishu wa an korachi; tap korachi En ibe guru anak ne Kuani an gusu ka ishu kusu ne na.

Roma 12:1

Tambe gusu, iriwak utara, echi kon netobake ishu, ashkanne, Kamui nupetnere ayange kunip echi yange kuni ne, Kamui rampoken ankushkerai echi onishnishi ash ruwe ne, tambe anak ne echi ki kuni gusu an ongami kunip ne ruwe ne gusu ne na.

Roma 4:25

Shinuma anak ne chikoro katpak gusu aekoshi, orowa, a un oupekare gusu hetopo-ashiknure nisa ruwe ne na.

Roma 6:2

Ara shomo. Katpak otta rai okere chi utara anak ne hemanda tewa no nei ambe otta shiknu kusu ne ya?

Roma 6:6

chikoro onne ainu Shinuma tura no utasa chikuni otta akotukka, chikokatpak an netobake aisamka wa tewa no chikokatpak orun ausshiunere shomoki kuni gusu chi eraman wa an ruwe ne gusu ne na;

Roma 8:10

Orowa, Kiristo anak ne echi onnaigeta an chiki, katpak gusu netobake anak rai wa, okere; koroka, oupekap gusu ramat ishu ruwe ne.

Roma 8:2

Inambe gusu ne yakun, Kiristo Yesu oshiketa inotu oma Ramat un tuitak anak ne, katpak newa rai ambe un tuitak orowa no en honnere nisa ruwe ne.

Roma 8:6

Inambe gusu ne yakun, kam nei no an keutum anak ne rai ambe ne; ramat nei no an keutum anak ne inotu ne, itomo ne ruwe ne gusu ne na:

I Korintos 10:33

Kuani anak ne nep ne yakka gusu obitta no okai utara nupetnere korachi nep, aine, utara kashiaobiuki gusu inne no okai utara epirikare kuni esanniyo wa yaikota eyaiepirikare ambe shomo yainu korachi ne ruwe ne na.

II Korintos 12:10

Tambe gusu, Kiristo korʼirenga ankushtapne kuani katchakbe gusu, aeiwendep gusu, aeishiramnep gusu, aepokbap gusu, yairamkoiki ambe gusu ku enupetne ruwe ne: inambe gusu ne yakun, katchak no ku an ita, nei ita anak ku kiroroashnu ruwe ne gusu ne na.

II Korintos 3:6

Shinuma ka nei ashiri uitaknup gusu upak no an yaishieiwangere utara ne kuni un kara nisa ruwe ne; anuye ikiri gusu shomo ne, koroka, nei ramat gusu ne ruwe ne; inambe gusu ne yakun, anuye ikiri anak ne raige ruwe ne, koroka, ramat anak ne shiknure ruwe ne gusu ne na.

II Korintos 5:16

Tambe gusu, tewa no poka, chi utara anak ne kam gusu an ainu eamkiri shomoki: aige, kam gusu an Kiristo chi eamkiri nisa a yakka, tane anak ne nei no chi eamkiri shomoki ruwe ne gusu ne na.

Garatea 5:25

Chi utara Ramat gusu ishu chiki, Ramat gusu apkash ne yakka ki yanro.

Epesos 4:17

Tambe gusu, tapne ku ye wa Utarapa gusu paweteshu ku ki:— Oya utara ka keutum raka-sakbe otta, koro oshike un ramusakbe gusu, koro sarabe nishte wa gusu,

Epesos 5:14

anak ne pekere ne ruwe ne gusu ne na. Tambe gusu, Shinuma ene itak-hi — Mokoro wa an guru mosh wa rai-hi orowa no hetopo-shiknu yan, orowa, Kiristo anak ne e orun pekere atte kusu ne na.

Korosai 2:12

aige, Shinuma tura baptisma eun aomare hine rai-i orowa no Shinuma hetopo-shiknure Kamui iki ikip ani eishokor-i ankushkerai Shinuma tura echi utara ne yakka hetopo-ashiknure nisa ruwe ne.

Korosai 3:1

Tambe gusu echi utara anak ne Kiristo tura hetopo-ashiknure chiki, Kamui shimon tek-samata a koran Kiristo oshiroma ushiketa an okaibe hunara yan.

Korosai 3:17

Orowa, itak otta hene ikip otta hene nep ne yakka echi ki chiki Utarapa ne Yesu Kiristo reihei ankushkeraipo ki, aine, Shinuma korʼirenga gusu Michi ne Kamui otta ko-yaiiraige yan.

Korosai 3:23

ramu-osshi wa ki yan, utara gusu shomo iki no Utarapa gusu iki korachi ki yan;

I Tessaronike 5:10

tambe anak, shiruwande ash yakka, mokoro ash yakka, Shinuma tura no ishu ash kuni gusu ne na.

Titus 2:14

Shinuma anak ne obitta no okai ikashpaotte otereke ambe orowa no un kikiraye hemhem ki, pirika ikip shiarikiki no iki yaikota korope ne gusu utara turu-sakte hemhem ki kuni ne yaiyange nisa ruwe ne na.

I Petros 4:6

Inambe gusu ne yakun, rai guru anak ne shiknu guru nep koro akoipishi, koroka, ramat otta Kamui korachi shiknu kuni gusu, orota pirika shongo anure nisa ruwe ne.

I Yoannes 4:9

Shinuma rengap gusu chi utara ishu kuni ne Kamui anak ne yaikota koro Shinen ne Poho moshirʼotta sange nisa ruwe ne gusu, tambe ani chi utara gusu Kamui omap ambe anukare nisa ruwe ne na.

Ekambakbe 1:18

Ishu ambe Ku ne ruwe ne; Ku rai nisa, awa, ingarʼan, ramma otusashuishiri pakno Ku ishu ruwe ne, orowa, rai ambe newa Hedes gusu an kangi Ku kon ruwe ne.