II Korintos 4:7 - Ashiri Aeuitaknup Iyohaichish Yona 1897

⁷ Koroka, nei shiri poro kiroro anak ne un orowa no shomo ne, Kamui orowa no an kuni gusu, toitoi op oshiketa chi utara tan ikoro kon ruwe ne;

II Korintos 4:7 ပူးပေါင်းရင်းမြစ်များ

Mattaios 13:44

Kando moshiri anak ne toi tumugeta anuina wa an ikoro koheraye ruwe ne; ainu nei ambe pa chiki nuina; orowa, yaikopuntek gusu oman, aige, yaikota korobe obitta eibok wa nei toi hok ruwe ne.

Mattaios 13:52

Orowa, orota Shinuma ene ye-hi :— Tambe gusu nen ne yakka kando moshiri gusu akoikare kambi-nuye ainu anak ne, koro ikoro orowa no fushko ambe hene, ashiripe hene sange chisei-koro-guru koheraye ruwe ne, ari itak nisa ruwe ne na.

Yoannes 16:33

Echi utara anak ne En oshiketa itomo irenga echi koro kuni gusu tap okaibe echi otta Ku ye nisa ruwe ne. Moshiri otta echi aeramchuptekka kusu ne: koroka, ramu-ritetke yan; Kuani anak Moshiri annokan nisa ruwe ne na.

I Korintos 1:28

orowa, an okaibe isamka kuni ne Kamui, tan moshirʼun nupanbe newa aepange okaibe, — nei isam okaibe numge nisa ruwe ne:

II Korintos 10:10

Inambe gusu ne yakun, shinuma ette kambi anak ne pase newa yupkep ne: koroka, koro tumama kat anak katchakbe ne, koro itak nep ne aramu kunip shomo ne ruwe ne, ani nei utara ye ruwe ne gusu ne na.

II Korintos 13:4

Shinuma katchakbe ankushtapne utasa-chikuni otta akungi-kokikkik yakka Kamui kiroro ankushtapne Shinuma ishu ruwe ne. Chi utara ne yakka Shinuma tura katchakbe ne, koroka, echi epeka no an Kamui kiroro ankushkeraipo Shinuma tura no ishu kusu ne gusu ne na.

II Korintos 4:1

Tambe gusu, chi utara anak ne tan yaishieiwangere gusu an kunip koro wa okai gusu, aerampokiwen wa akore korachi shomo ramurai ruwe ne:

II Korintos 5:1

Chikoro kash ne toitoi oma chisei isam yakun, isam shomoki kando oshiketa Kamui orowa no akarape an, teke ani shomo akarape chisei an ari an ambe chi eraman ruwe ne gusu ne na.

II Korintos 6:10

apakashnu yakka, shomo aronnu; oknatara korachi ne a yakka, ramma nupetne, oteksak korachi ne a yakka, inne utara oteknure; nep ne yakka sak no an korachi ne a yakka, obitta no okaibe kon ruwe ne na.

Epesos 2:5

poro omap-i ani un omap poka hi hine, Kiristo tura un shiknure nisa ruwe ne (irenga ankushkerai gusu echi utara kashiaobiuki nisa ruwe ne),

Epesos 3:8

Obitta no okai Ashkanne utara tumugeta an iyotta ponbe kasu no pokashnu guru ne en otta hunara eaikap pakno an Kiristo koro aeoteknup oya utara otta eupaskuma ki kuni irenga a en kore;

Korosai 1:27

Oya utara tumugeta tapan mukkep gusu an arakuru koro oteknu-hi eramande kuni ap Kamui keutum ne, nei ambe anak arakuru echipachipare ambe ne, echi oshiketa an Kiristo ne ruwe ne na:

Korosai 2:12

aige, Shinuma tura baptisma eun aomare hine rai-i orowa no Shinuma hetopo-shiknure Kamui iki ikip ani eishokor-i ankushkerai Shinuma tura echi utara ne yakka hetopo-ashiknure nisa ruwe ne.

Korosai 2:3

Kamui mukkep eraman kuni gusu nep; nei mukkep anak ne Kiristo ne, aige, Shinuma oshiketa wayashnu ambe newa eramushbe oma aeoteknup anuina wa an na.

I Tessaronike 1:5

inambe gusu ne yakun, chikoro pirika shongo anak ne ouse itak ani patek echi otta ek ka shomoki, koroka, kiroro ani ne yakka, Ashkanne Ramat ani ne yakka, shi no aeshikno an ambe ani ne yakka ek nisa ruwe ne; echi tumugeta chi okai rapoketa echi rengap gusu echi epeka no nekon a ainu chi ne ya echi eraman poka korachi ne ruwe ne na.

I Tessaronike 4:4

pishno pishno echi utara anak koro aeramhekotep turu-sak no aeoripak an no shikkashima arabe echi eraman wa,

II Timoteos 2:20

Koro chisei onnaigeta ouse kongani op newa shirokani op patek okai shomo ne, koroka, chikuni op newa toitoi op ne yakka okai; samata, momokbe gusu aeiwange kunip okai, aeoripakbe gusu aeiwange kuni ambe okai ruwe ne.