II Korintos 4:15 - Ashiri Aeuitaknup Iyohaichish Yona 1897

¹⁵ Inambe gusu ne yakun, obitta no okaibe anak ne echi rengap gusu an ambe ne, tambe anak nei irenga inne utara gusu naa nuye an no akara wa Kamui arakuru ankushkerai koyaiiraige ambe aporore kuni gusu an ambe ne ruwe ne.

II Korintos 4:15 ပူးပေါင်းရင်းမြစ်များ

Iyohaichish 50:14

Iyaiiraige, ambe Kamui otta yange, Iyotta Rikunbe orun itaknu ki yan;

Iyohaichish 50:23

Iyaiiraige yangep yange gurʼ anak ne Eri ko-oripak ruwe ne; Orowa, kon ruhu etoko-oiki guru otta Kamui kashiobiuki-hi ku nukare kusu ne na.

Roma 8:28

Orowa, Kamui ko-omap utara gusu obitta no okaibe anak ne utura no iki wa pirikap ne ruwe ne sekoro chi eraman; aesanniyo nei no anishuk utara gusu poka ene ani ne ruwe ne.

I Korintos 9:19

Obitta no okai utara gusu kuani ahonnere wa an a yakka, naa ku eyaiepirikare kuni gusu, obitta no okai utara gusu ku yaiusshiunere nisa ruwe ne.

II Korintos 1:11

echi utara ne yakka, koramkoro ki hine utura ikashiu ruwe ne; tambe anak, inne utara ankushkerai aikrap a un koropare an gusu, chi utara gusu inne utara yaiiraige ki kuni gusu an ambe ne ruwe ne na.

II Korintos 8:19

nei ambe patek shomo ne, koroka, Utarapa koro araguru gusu otta chi utara yaishieiwangere ash tan irenga ankushtapne un tura no payekai wa chi ki rusuibe echi nure kuni ne karisia utara orowa no ne yakka anuye nisa ruwe ne:

Garatea 1:24

sekorʼan assuru nu nisa ruwe ne; aige, en gusu nei utara Kamui ramye nisa ruwe tapan na.

Korosai 1:24

Tane anak ne echi utara gusu ku iki yai ramshitnere arabe ku enupetne ruwe ne, aige, kuani anak Kiristo iki aeramchuptekbe eikohaye ambe karisia ne Shinuma kon netobake gusu ku kara otta kashi iyo wa upakte ruwe ne;

I Timoteos 1:14

orowa, chikoro Utarapa korʼirenga anak Kiristo Yesu oshiketa an eishokor-i newa omap ambe tura shi no nuye an no an nisa ruwe ne na.

II Timoteos 2:10

Tambe gusu, anumge wa okai utara gusu obitta no okaibe ku eyaishiporore ruwe ne, nei utara ne yakka Kiristo Yesu tura otusashuishiri pakno an arakuru ne kashiobiuki ambe akore kuni gusu ne na.

I Petros 2:9

Koroka, kunne-i wano koro iyokunnure an pekere otta echi tak Kamui koro pirika ambe assuru ashte kuni ne echi utara anak ne anumge an utara echi ne, esapane guru koro Kamui otta yaishieiwangere utara echi ne, ashkanne uirup echi ne, Kamui yaikota shikkashima kuni utara echi ne ruwe ne:

I Petros 4:11

uweutashpa nei ambe gusu yaishieiwangere yan: itak ye guru an chiki, Kamui shongo an korachi yero; yaishieiwangere guru an chiki, Kamui orowa no ako-ropare kiroro an korachi kiro; tambe anak Yesu Kiristo rengap gusu nep ne yakka otta Kamui ako-oripak kuni gusu ne na; nupeki newa kiroro kane shashuishiri wano shashuishiri pakno Shinuma korobe ne. Amen.