II Korintos 3:6 - Ashiri Aeuitaknup Iyohaichish Yona 1897

⁶ Shinuma ka nei ashiri uitaknup gusu upak no an yaishieiwangere utara ne kuni un kara nisa ruwe ne; anuye ikiri gusu shomo ne, koroka, nei ramat gusu ne ruwe ne; inambe gusu ne yakun, anuye ikiri anak ne raige ruwe ne, koroka, ramat anak ne shiknure ruwe ne gusu ne na.

II Korintos 3:6 ပူးပေါင်းရင်းမြစ်များ

Mattaios 13:52

Orowa, orota Shinuma ene ye-hi :— Tambe gusu nen ne yakka kando moshiri gusu akoikare kambi-nuye ainu anak ne, koro ikoro orowa no fushko ambe hene, ashiripe hene sange chisei-koro-guru koheraye ruwe ne, ari itak nisa ruwe ne na.

Mattaios 26:28

Echi utara obitta tambe iku yan; tambe anak ne inne utara koro chikokatpak atusare kuni ne aohetu aeuitaknu gusu an Ku kemihi ne ruwe ne.

Markos 14:24

Tambe anak ne inne utara gusu aohetu aeuitaknup gusu Ku kemihi ne ruwe ne.

Roukos 22:20

Orowa, kunne-ibe aokere ita nei no koracki itangi uk wa ene itak-hi :— Tan itangi anak ne echi utara gusu aohetu Ku hem otta an ashiri aeuitaknup ne ruwe ne.

Yoannes 5:21

Michi anak ne rai guru hetopo-hoshipire wa shiknure korachi, Poho ne yakka yaikota rengaine shiknure ruwe ne.

Yoannes 6:63

Shiknurep anak ne ramat ne ruwe ne; kam anak raka sakbe ne: echi otta Ku ye itak anak ne ramat ne, inotu ne ruwe ne.

Roma 1:5

Chikoro Utarapa ne Yesu Kiristo ne; Shinuma ani irenga newa Apostoro ne kuni mondum a un koropare nisa, tambe anak shinuma kon reihei rengap gusu obitta no okai moshiri uirup tumugeta eishokor-i oma itaknu ambe akire kuni ambe ne:

Roma 3:20

inambe gusu ne yakun, tuitak iki wa gusu nep kam ne yakka Shinuma tek-samata oupeka ne sekoro shomo aesanniyo kusu ne: tuitak ankushkerai katpak aeraman ruwe ne gusu ne na.

Roma 4:15

Inambe gusu ne yakun, tuitak anak ne irushka ambe iki; koroka, tuitak isam ushiketa ohaita

Roma 4:17

Kamui samaketa obitta no okai chi utara koro michi ne ruwe ne (ene chieshinnuye wa an korachi ne :— Inne moshiri uirup koro michi e ne kuni Kuani e kara ash nisa ruwe ne na); nei Kamui anak ne rai-guru shiknure, orowa okai korachi isambe hotuyekan ruwe ne.

Roma 7:6

Koroka, tane anak nei tuitak orowa no chi utara ahonnere wa okai, teeda ani atupe ambe orun rai nisa ruwe ne gusu ne na; tambe gusu, chi utara auak ne ausshiune wa ashin no ramat otta iki, nei fushko ikiri otta shomo iki ruwe ne na.

Roma 8:2

Inambe gusu ne yakun, Kiristo Yesu oshiketa inotu oma Ramat un tuitak anak ne, katpak newa rai ambe un tuitak orowa no en honnere nisa ruwe ne.

I Korintos 11:25

Nei no korachi ibe okere chiki tuki ne yakka koro wa ene itak-hi :— Tan tuki anak ne ashiri aeuitaknup gusu an ku kem ne: hembara ne yakka echi ku ita En eshkarun gusu tambe ki yan, ani itak.

I Korintos 12:28

Orowa, Kamui anak ne koro karisia oshiketa utara are okere, hoshiki no anak ne Apostoro utara ne, tu-otutanup anak ne uweingara utara ne, re ikinne an ap anak ne epakashnu utara ne, orowa, kiroro unbe okai, orowa, utara iwangere gusu an irenga okai, ikashiube okai, esapane utara okai, usa okai itak kutchama eraman utara okai ruwe ne.

I Korintos 15:45

Ene anuye wa an korachi :— Hoshike no an Ainu ne Adam anak ne shiknu ramat ne. Iyoshi no an Adam anak shiknure ramat ne ruwe ne.

I Korintos 3:10

En koropare an Kamui irenga nei no kuani anak ne wayashnu chisei kara esapane guru korachi asamaha ku ande nisa, aige, nei kashiketa moshima guru iki wa kan ruwe ne. Koroka, utara pishno hemanda nei kashiketa iki wa kara ya yairamatte yan.

I Korintos 3:5

Yakun, Aporros anak ne nep ta? Pauros nep ta ruwe he an? Ankushkerai echi eishokoro yaishieiwangere utara ne ruwe ne; pishno pishno Utarapa shinuma kore korachi ne ruwe ne na.

II Korintos 11:23

Abraham sanikiri ne ya? Kuani ne yakka ene ani ne. Kiristo otta yaishieiwangere utara ne ya? (ramu-isam guru korachi ku ye) Kuani naa kasu no ne ruwe ne: nei utara kasu no poron no ku iki; nei utara kasu no poron no upakashnu chisei ta ku an; poron no a en shirikik mashkin, kanna-kanna rai otta ku an ruwe ne na.

II Korintos 3:14

Koroka, nei utara koro keutum anishtere an: inambe gusu ne yakun, tane an etohogeta pakno fushko aeuitaknu kambi oroaoitak ita, nei nankamup auk shomoki no an ruwe ne; awa, Kiristo oshiketa nei ambe aisamka nisa ruwe ne na.

II Korintos 3:3

chikoro kambi echi ne ruwe ne; echi utara anak ne Kiristo koro kambi ne sekoro anukarabe ne, un orowa no aeiyaishieiwangere utara echi ne, sumi ani anuye ambe shomo ne, koroka, ishu Kamui kon ramat ani anuye utara echi ne; shuma ita kata shomo ne, koroka, kam oma ita kata chieshinnuyep ne ruwe ne.

II Korintos 3:7

Koroka, anuye wa an, shuma kata shinnuye wa an rai-hi gusu aeiwangere ambe anak ne, koro nanuhu nupeki an gusu Israeru un utara anak Mose koro sancha orun ingara eaikap pakno, aisamka gusu an nupeki ek yakun,

II Korintos 3:9

Inambe gusu ne yakun, katpak kore gusu an aeiwangere ambe anak ne nupeki ne chiki, oupekare gusu an aeiwangere ambe anak nupeki gusu kasu no nuye an no nupeki-ushbe ne ruwe ne.

Garatea 3:21

Yakun, tuitak anak ne Kamui ki eitakamkirep epokba ruwe he an? oara shomo: inambe gusu ne yakun, shiknure eashkai tuitak akoropare wa okai chiki, son no ka un, oupeka ambe anak ne tuitak an gusu an ap ne.

Epesos 2:1

Kamui anak ne koro ouhaitap newa chikokatpak gusu rai okere echi utara kanna shiknure nisa ruwe ne;

Epesos 2:5

poro omap-i ani un omap poka hi hine, Kiristo tura un shiknure nisa ruwe ne (irenga ankushkerai gusu echi utara kashiaobiuki nisa ruwe ne),

Epesos 3:7

koro kiroro ikip an gusu a en koropare Kamui irenga ne korarape an korachi, kuani anak ne nei pirika shongo otta yaishieiwangerere guru ku ne ruwe ne na.

I Timoteos 4:6

Eani anak ne tapan okaibe iriwak utara eshkarunde chiki, Kiristo Yesu koro pirika diakonos e ne wa, eishokor-i gusu an itak otta hemhem, e iki pirika epakashi otta hemhem areshpa guru e ne kusu ne na:

II Timoteos 1:11

nei ambe gusu eupaskuma ki guru, Apostoro ne guru, epakashnu guru ne kuni akara ainu ku ne ruwe ne.

Hebraios 12:24

shui, ashiri aeuitaknup gusu an iyuturu oma Yesu otta, gusu Aberu korobe kasu no pirika okaibe ye achari kem otta echi araki wa okai ruwe ne.

Hebraios 13:20

Orosama, nei hitsuji chikoikip koro pase epungine guru ne Yesu Kiristo, otusashuishiri pakno an aeuitaknup gusu an kemihi ankushkerai, rai-i orowa no hetopo-shiknure irenga koro Kamui anak ne,

Hebraios 7:22

nei oro pakno ka Yesu anak ne naa pirika aeuitaknup gusu an eikotchanep ne ruwe ne.

Hebraios 8:13

Ashiripe ari an itak ani Shinuma ye gusu, atpake an ap fushko ne akara an. Koroka fushko ne akara wa uwepaketa onne ambe anak ne isam kuni ehange ruwe ne.

I Petros 3:18

Inambe gusu ne yakun, Kiristo anak ne Kamui otta un tura kuni ne arashui no katpak gusu ramshitnere nisa ruwe ne, tambe anak oupeka sak utara shirine oupeka an guru aeyairamshitnere ambe ne; Shinuma anak ne kara gusu araige, koroka,

I Yoannes 1:1

Atpake wano an, chi utara nu, shikihi ani chi nukara, ingara wa koro teke ani chi tomooshma inotu an Itak gusu an ap;