II Korintos 3:18 - Ashiri Aeuitaknup Iyohaichish Yona 1897

¹⁸ Koroka, obitta no okai chi utara anak ne nankamup isam no yaikunnu-karape otta an nei no Utarapa koro nupeki nukara hine Ramat ne Utarapa orowa no an korachi poka nupeki wano nupeki otta nei shinep ne an noka nepkoro a un ekarakara an ruwe ne na.

II Korintos 3:18 ပူးပေါင်းရင်းမြစ်များ

Iyohaichish 84:7

Kiroro wano kiroro pakno nei utara paye, Pishno pishno Zion otta an Kamui kotchaketa araki ruwe ne.

Yoannes 1:14

Orowa, Itak anak ne kam ne, un tura no oshiroma nisa ruwe ne (orowa, chi utara anak ne nei nupeki nukara, Michi orowa no an shinen ne Poho nupeki korachi ne), irenga newa son-i ani aeshik wa an ruwe ne.

Yoannes 12:41

Isaya anak ne Shinuma koro arakuru nukara gusu tan okaibe ye nisa ruwe ne: orowa, Shinuma gusu itak ki nisa ruwe ne na.

Yoannes 17:22

Orowa, En otta E kore arakuru Kuani nei utara otta Ku kore nisa ruwe ne; chi utara shinep ne korachi, nei utara ne yakka shinep ne kuni gusu ne na;

Yoannes 17:24

Michi, Aokai En kore utara anak ne Ku an ushiketa nei utara ne yakka En tura no okai kuni Ku kon rusui; nei utara anak ne Aokai En kore arakuru nukara kuni gusu ne na: Aokai anak ne moshiri heashi etokota En omap nisa ruwe ne gusu ne na.

Roma 12:2

Orowa, tane okai pakihi nei no iteki echi yaikara yan, koroka, nei pirika, aenupetne an, aeramushinne an Kamui keutum uwande wa eraman kuni ne, echi koro keutum ashinno akar-i ani oya kat ne yai akara wa okai yan.

Roma 13:14

Koroka, Utarapa ne Yesu Kiristo yaimire wa kam gusu an kon rusuibe gusu iteki etokooiki yan.

Roma 8:29

Inambe gusu ne yakun, Kamui anak ne etoko wano eraman utara, inne no okai uiriwak tumugeta iyotta kiyanne guru ne kuni gusu, koro Poho nokaha nei no akatkore kuni etoko wano esanniyo poka ki nisa ruwe ne:

Roma 8:4

nei ambe anak ne, kam nei no apkash shomoki, koroka, ramat nei no apkash korʼan un oshiketa nei tuitak aesanniyop auweomare kuni gusu an ambe ne.

Roma 8:7

aige, kam nei no an keutum anak ne Kamui epokba ruwe ne, Kamui tuitak koitaknu shomoki ruwe ne gusu ne na, shui,

I Korintos 13:12

Inambe gusu ne yakun, tane anak ne homanno yaikunnukarabe ani chi nukara; koroka, nei ita anak ne uwenitomom no nukan kusu ne ruwe ne: tane anak ne nimara ani ku eraman; koroka, nei ta anak kuani ka ara a en aeraman korachi, ara ku eraman kusu ne.

I Korintos 15:49

Orowa, toi-ush guru koro nokaha chi koro wa sei korachi, kando un guru koro nokaha ne yakka a sei kusu ne na.

II Korintos 3:17

Utarapa anak ne nei Ramat ne ruwe ne: aige, Utarapa kon Ramat an ushiketa rengaine an ambe an ruwe ne.

II Korintos 4:4

tan moshiri gusu an Kamui anak ne eumbipka utara koro keutum shiknakte nisa ruwe ne; Kamui nokaha ne Kiristo koro nupeki otta an pirika shongo oma pekere anak naa shomo nei utara orun hetuku kuni gusu ne na.

II Korintos 4:6

Yesu Kiristo koro nanuhu otta Kamui nupeki gusu an eramanbe oma pekere koropare kuni gusu chikoro keutum ta pekere kotomka Kamui anak ne kunne-i wano pekere at kusu ne, ari an itak ani ye Kamui ne ruwe ne gusu ne na.

II Korintos 5:17

Tambe gusu, inan ne yakka Kiristo oshiketa an chiki, shinuma anak ashiripe ne: fushko okaibe paye wa isama; ingarʼan, ashiripe ne akan nisa ruwe ne.

Garatea 6:15

Inambe gusu ne yakun, okarituye buri akire yakka gusu aepirikarep isama, shomo akire yakka aepirikare shomoki ruwe ne, koroka, ashiribe ne akara ambe anak epirikare ambe ne.

Korosai 3:10

nei arabe anak ne orowa no akara Kamui koro katuhu nei no eramanushbe gusu ashinno akara korʼan ruwe ne:

I Timoteos 1:11

tambe anak en shikkashimare shinnunuke an Kamui arakuru gusu an pirika shongo nei no an ap ne ruwe ne na.

Titus 3:5

yaikota chi iki oupeka an ikip ankushkerai shomo ne, koroka, kanna-shikore furaye ambe newa Ashkanne Ramat ashin no kara ambe ankushkerai hetukup ne,

Yakob 1:23

Inambe gusu ne yakun, inan guru ne yakka nei itak nu wa shomo nei ambe ki chiki, yaikunnukarabe otta ahetuku an koro nanuhu esanniyo guru koheraye ruwe ne:

I Yoannes 3:2

Aomap an utara, tane anak ne chi utara Kamui poho chi ne ruwe ne, koroka, nekon a okaibe chi ne kusu ne ya sekorʼambe naa shomo anukare ruwe ne. Shinuma anak ne anukara chiki, chi utara Shinuma koheraye kusu ne sekorʼambe chi eraman; Shinuma an korachi chi nukara ash kusu ne gusu ne na.