II Korintos 3:14 - Ashiri Aeuitaknup Iyohaichish Yona 1897

¹⁴ Koroka, nei utara koro keutum anishtere an: inambe gusu ne yakun, tane an etohogeta pakno fushko aeuitaknu kambi oroaoitak ita, nei nankamup auk shomoki no an ruwe ne; awa, Kiristo oshiketa nei ambe aisamka nisa ruwe ne na.

II Korintos 3:14 ပူးပေါင်းရင်းမြစ်များ

Iyohaichish 69:23

Shomo ingara kuni ne koro shiki kunnere; Koro kuruosh ramma tusushkere wa en kore.

Mattaios 13:11

Shinuma ese wa orota ene hawe oka-hi :— Kando moshirʼotta anuinap eramʼan-hi anak ne echi otta akore wa an, koroka, nei utara otta shomo akore ruwe ne.

Mattaios 16:17

Orowa, shinuma otta Yesu ese wa ene itak-hi :— Simon Bar-Yona, tap ambe e epakashnu gurʼanak ne kam newa kem shomo ne, kando otta an Ku Michi anak tan orushpe e eramande nisa ruwe ne gusu, anunuke ainu e ne ruwe ne.

Mattaios 6:23

Koroka, echi shikihi anak ne wen yakun, kon netobake ebitta ekureok eshik kusu ne ruwe ne. Tambe gusu echi oshiketa an pekere ekureok ne chiki, nep poro ekureokbe humi!

Yoannes 12:40

Shinuma anak ne nei utara koro shiki shik-nakte, koro sambe nishtere ruwe ne; Ikineipeka, shomo shiki ani nukara, keutum aui ramepakari, Orowa, hoshipi hine Nei utara Ku iwangere kuni gusu ne na.

Yoannes 12:46

En eishokoro guru anak ne iteki kunne-i ta oshiroma kuni gusu moshirʼotta ek pekere Ku ne ruwe ne.

Yoannes 8:12

Tambe gusu, shui Yesu nei utara otta itak wa ene ye-hi :— Kuani anak ne moshiri pekere Ku ne: En osh ek guru anak ne kunne-i otta apkash shomoki no, ishu un pekere koro kusu ne na.

Apostoro ikip oma kambi 13:15

Orowa, tuitak newa uweingarape oroaoitak okere chiki, uwekari chisei esapane utara anak ne otta teshkara wa ene itak-hi :— Iriwak utara, utara gusu onishnishi itak an chiki, ye wa ikore yan, ari itak.

Apostoro ikip oma kambi 15:21

Inambe gusu ne yakun, fushkone okai ikiri wano obitta no okai machiya upshotta Mose eupaskuma utara okai, shini toho range uwekari chisei ta aoro-oitak wa an ruwe ne gusu ne na, sekoro itak.

Apostoro ikip oma kambi 16:14

Orowa, murasaki senkaki ehok Tuateira moshiri ta an machiya un Rudia ari an reihei koro shiwentep an, shinuma anak ne Kamui koongami guru ne, aine, un orun nu nisa ruwe ne na: nei slriwentep Pauros ye itak gusu ikokanu kuni ne Utarapa anak nei sambe maka nisa ruwe ne.

Apostoro ikip oma kambi 26:18

aige, nei utara kunne-i wano pekere otta hene, Satan koro kiroro wano Kamui otta hene ahosarire, aine, koro chikokatpak atusare hine En eishokoro ankushkerai gusu aashkannere utara tumta eikeshkorobe akore kuni ne ruwe ne gusu ne na, ari itak.

Roma 11:25

Iriwak utara, ika yaikota gusu echi yaikowayashnure kuni gusu tan anuinap aerampeutek kuni ku kopan, Oya un aahupte utara aeramushinnere pakno Israeru un sereke utara ana kne aenishtere ruwe ne;

II Korintos 3:15

Koroka, tanto pakno, hembara ne yakka Mose oroaoitak an ita anak ne nei utara koro keutum kata nankamup an wa an ruwe ne.

II Korintos 3:6

Shinuma ka nei ashiri uitaknup gusu upak no an yaishieiwangere utara ne kuni un kara nisa ruwe ne; anuye ikiri gusu shomo ne, koroka, nei ramat gusu ne ruwe ne; inambe gusu ne yakun, anuye ikiri anak ne raige ruwe ne, koroka, ramat anak ne shiknure ruwe ne gusu ne na.

II Korintos 4:6

Yesu Kiristo koro nanuhu otta Kamui nupeki gusu an eramanbe oma pekere koropare kuni gusu chikoro keutum ta pekere kotomka Kamui anak ne kunne-i wano pekere at kusu ne, ari an itak ani ye Kamui ne ruwe ne gusu ne na.

Epesos 4:18

Kamui inotu orowa no uwoyakta an wa eraman kuni mondum akunnere wa an gusu apkash korachi, iteki nei no echi apkash yan;