II Korintos 2:7 - Ashiri Aeuitaknup Iyohaichish Yona 1897

⁷ tambe gusu, echi utara anak ne shinnai-kane nei guru tusare wa omaoma yak pirika, ikineipeka ika nei no an guru ramusarak kashpa wa okere na.

II Korintos 2:7 ပူးပေါင်းရင်းမြစ်များ

Iyohaichish 124:3

Nei utara un koirushka ita: Shiknu no okai shiri un ruki kusu ne na;

Iyohaichish 21:9

Aokai irushka ita nei utara uhuye wa an abe sokot korachi ne akara kusu ne. Ehoba irushka wa nei utara ruki, Abe anak ne nei utara ibe kusu ne.

Iyohaichish 57:3

En kosakayokara guru en ruki rusui ita anak ne Shinuma kando wano teshkara wa en kashiobiuki kusu ne; [Sera.] Kamui anak ne koro omap-an-ramuhauge-i newa sonep sange kusu ne na.

I Korintos 15:54

Koroka, tan munin kuni okaibe anak ne shomo muninbe ani mire, orowa tan rai kuni ambe shomo rai-ambe utomchiure chiki, nei ita :— Rai-i aannokara wa aisamka sekorʼan itak auweomare kusu ne gusu ne a ambe ne ruwe ne.

II Korintos 2:8

Tapne ne wa gusu, kuani anak ne echi utara nei guru epeka no an omap ambe tumashnure ash

II Korintos 5:4

Son no poka tan kash oshiketa okai chi utara anak ne pase no ashikere wa oromande; tambe anak ashirarayere rusuibe gusu shomo ne, koroka, kashi chiutomchiure rusuibe gusu ne, aige, rai kuni ambe anak ne inotu ani aruki kuni gusu ne na.

II Korintos 7:10

Kamui kooripak an oknatara ambe anak ne kashiaobiuki kuni gusu an yaikokatpakbe hetukure, aige, nei ambe gusu yaikopash ushike isam ruwe ne: koroka, moshiri gusu an oknatara ambe anak ne rai ambe hetukure ruwe ne.

Epesos 4:32

orowa, utashpa uweramuhauge ki hine uweramuhapuru yan, Kamui anak ne Kiristo gusu ka echi koro chikokatpak tusare korachi, echi utara ne yakka uweutashpa tusare yan.

Piripoi 2:27

son no poka shinuma rai ehange pakno tashum ki: koroka, Kamui anak ne shinuma ko-erampokiwen wa kore nisa ruwe ne; orowa, shui, Shinuma patek shomo ne, koroka, kuani anak yairamkoiki wa naa yairamkoiki kashpa shomo ku ki kuni ne, en poka ko-erampokiwen wa kore nisa ruwe ne na.

Korosai 3:13

utomchiure yan; utashpa uwe-shiyupupu; nep ne yakka eiyonnuppa kuni ushike an chiki uweusaraye yan; Utarapa echi tusare korachi echi utara ne yakka nei no ki yan;

I Tessaronike 4:13

Koroka, iriwak utara, mokonnoye utara gusu echi erampeutek-hi chi kopan; aechipachipa kuni ushike sak no moshima no okai utara korachi iteki echi ok keutum koro kuni gusu ne na.

II Tessaronike 3:6

Orowa, iriwak utara, un orowa no akoropare oina korachi shomoki wa uottumashi apkash pishno okai iriwak wano yai-shishire kuni, chikoro Utarapa ne Yesu Kiristo kon reihei ankushkerai echi kashpaotte ash na.