II Korintos 2:3 - Ashiri Aeuitaknup Iyohaichish Yona 1897

³ Aige, tap an ambe ku nuye nisa, ikineipeka ku ek ita, gusu ku enupetne kuni utara ankushkerai a en oknatarare ruwe ne kusu ne na; aine, echi utara obitta gusu ku nupetne kusu ne sekoro ku eishokon ruwe ne.

II Korintos 2:3 ပူးပေါင်းရင်းမြစ်များ

I Korintos 4:21

koroka, kiroro gusu an ambe ne ruwe ne. Nepi echi kon rusui ya? Kuwa ku koro wa echi orun ku ek ambe echi kon rusui hene ya? Ramu-shiroma keutum koro hine omap ki wa ku ek ambe echi kon rusui ruwe he an?

II Korintos 1:15

Orowa, tap ku eishokoro wa echi utara naa shine irenga akore kuni ne nei etokota echi orun ku oman kuni ku ramu nisa:

II Korintos 1:23

Koroka, kuani anak ne Korintos orun shomo ek ambe anak ne echi eramu-hauge ash gusu an ambe ne sekoro ku keutum kata Kamui ku konishuk wa ipaweteshure ruwe ne.

II Korintos 12:11

Ramat-sakbe ku ne okere: nei no ku an kuni ne echi ikichi okai; echi utara orowa no a en aashte kunip ku ne: inambe gusu ne yakun, kuani nep ka aeramu kunip shomo ku ne a yakka, iyotta pase apostoro utara pokashnu an ambe shomo ku ne ruwe ne gusu ne na.

II Korintos 12:21

ikineipeka ika kanna echi otta ku ek ita, ku goro Kamui anak ne echi shik-samata en yainikoroshmare hine, tap etokota katpak ki wa ikichi turu ushbe newa hoiyop newa ramupekere ambe newa eyaikokatpak shomo ki nei utara tumuge un inne no okai utara gusu ku yaituwashkarap gusu ne na.

II Korintos 13:10

Tambe gusu ku isam rapoketa tap an okaibe ku nuye, echi tura no an ita, hachirepa gusu shomo ne, koroka, roshkire gusu Utarapa en kore mondum ani an korachi, shomo niwen no ku iki kuni gusu ne na.

II Korintos 2:9

ruwe ne. Tan ikkeu an gusu poka kambi ku nuye nisa, nei ambe anak echi utara obitta no okaibe gusu itaknu ruwe he an ari an ambe shirosh ku eraman kuni gusu ne na.

II Korintos 7:12

Tambe gusu kuani anak ne echi orun kambi ku omande nisa a yakka, wenbe iki guru gusu hene, akoiwende guru gusu hene shomo ku nuye, koroka, un gusu yuptek no echi ikichi ambe anak ne Kamui shik-samata echi orun anukara kuni gusu nep ne.

II Korintos 7:16

Nep ne yakka gusu echi ankushtapne ku ramuritetke gusu ku nupetne ruwe ne na.

II Korintos 7:6

Yakka, yaieoripakka utara omaoma Kamui anak ne, Titus ek-hi ani un omaoma ruwe ne;

II Korintos 7:8

Ku omande kambi gusu kuani echi oknatare ash, awa, teeda ku eyaikopash a yakka tane shomo ruwe ne; nei kambi anak echi oknatare nisa sekorʼambe ku nukara, koroka, ouse an pakihi uturu patek ne ruwe ne na.

II Korintos 8:22

Shui, inne okaibe gusu kanna-kanna seisek keutum koro kunak echi uwande chikoro iriwak nei utara tura no payere ash ruwe ne, aige, tane shinuma anak ne naa shi no seisek keutum koro, echi utara gusu shiri poron no eishokor-i atte wa an ruwe ne gusu ne na.

Garatea 5:10

Echi utara anak ne shinnai no esanniyo shomoki kusu ne sekoro Utarapa gusu ku yainu ruwe ne; koroka, nen ne yakka echi chiukopo-yere gurʼanak ne nei akoipishi ambe sei kusu ne na.

II Tessaronike 3:4

Orowa, echi kashpaotte ash okaibe echi iki shiri okai sekorobe hemhem, echi iki kusu ne sekorobe ka hemhem, echi utara gusu Utarapa oshiketa eishokoro ash ruwe ne.

Pirimon 1:21

Aokai anak ne itaknu ki kuni ku eishokoro gusu e orun kambi ku nuye ruwe ne, ku ye-hi kasu no poka e ki kusu ne sekoro ku eraman ruwe ne na.