II Korintos 13:8 - Ashiri Aeuitaknup Iyohaichish Yona 1897

⁸ Inambe gusu ne yakun, chi utara anak ne nei sonep epokba eaikap, koroka, nei ambe gusu iki eashkaibe ne ruwe ne gusu ne na.

II Korintos 13:8 ပူးပေါင်းရင်းမြစ်များ

Markos 9:39

Koroka, Yesu ene itak-hi :— Iteki hattoki yan: inambe gusu ne yakun, Ku reihei ankushtapne kiroro umbe ki wa tunashi no En ohaigekara guru isam ruwe ne gusu ne na.

II Korintos 10:8

(Echi hokushte gusu shomo ne a koroka echi roshkire ash kuni gusu Utarapa koropare) chi koro mondum gusu nekon a pon no poro no ku yaiomonnure yakka shomo kuani echi yainikoroshmare ash kusu ne:

II Korintos 13:10

Tambe gusu ku isam rapoketa tap an okaibe ku nuye, echi tura no an ita, hachirepa gusu shomo ne, koroka, roshkire gusu Utarapa en kore mondum ani an korachi, shomo niwen no ku iki kuni gusu ne na.

II Korintos 13:7

Nep wen-buri ne yakka shomo echi iki kuni Kamui otta tane chi inonno-itak ash; chi utara anak ne auwande okere kunak anukara kuni gusu shomo ne, koroka, aemakbap korachi chi ne a yakka, echi utara anak pirikap iki kuni gusu an ambe ne.

II Korintos 13:9

Echi utara anak ne tumashnu wa chi utara katchakbe ne ita, nupetne ash ruwe ne: aige, echi utara aeramushinnere kuni ambe, tap ambe gusu poka inonno-itak ash na.

I Timoteos 1:20

nei utara tumugeta Humenaios newa Areksandros okai; aige, nei utara iteki Kamui koatcha kuni ne aepakashnu gusu, Satan otta ku arapare nisa ruwe ne na.