II Korintos 13:7 - Ashiri Aeuitaknup Iyohaichish Yona 1897

⁷ Nep wen-buri ne yakka shomo echi iki kuni Kamui otta tane chi inonno-itak ash; chi utara anak ne auwande okere kunak anukara kuni gusu shomo ne, koroka, aemakbap korachi chi ne a yakka, echi utara anak pirikap iki kuni gusu an ambe ne.

II Korintos 13:7 ပူးပေါင်းရင်းမြစ်များ

Mattaios 6:13

Chi utara anak ne iteki akoramnukara kuni ne ki wa un kore; koroka wenbe orowa no un ohaitare wa un kore.

Yoannes 17:15

Moshiri orowa no Aokai anak ne nei utara uk kuni Ku koramkoro shomoki, koroka, wenbe orowa no ohaitare kuni ne Ku koramkon na.

Roma 1:28

Orowa, nei utara anak ne koro keutum ta Kamui ramepakari poka kopan nisa ruwe ne gusu, aki kuni

Roma 12:17

Yaikota gusu iteki yaiko-wayashnu ne. Wenbe gusu inan guru otta ne yakka iteki wenbe eumomtasa yan. Obitta no okai utara tek-samata aeoripakbe kunip esanniyo yan.

Roma 13:13

Tokap an to korachi oupeka no apkash anro; iku-sakayo newa ihoshki ambe otta hene, omoinu newa ramupekere otta hene, upaore newa eyaitunnap otta hene iteki apkash anro.

Roma 16:10

Kiristo otta auwande an Aperes uwekap an. Aristobouros kot chisei ta okai utara uwekap an.

I Korintos 11:19

Inambe gusu ne yakun, echi tumugeta auwande wa okai utara anukara kuni ne echi tumugeta Kamui orushpe ohoge yainu ambe ne yakka an a ambe ne ruwe ne gusu ne na.

II Korintos 10:10

Inambe gusu ne yakun, shinuma ette kambi anak ne pase newa yupkep ne: koroka, koro tumama kat anak katchakbe ne, koro itak nep ne aramu kunip shomo ne ruwe ne, ani nei utara ye ruwe ne gusu ne na.

II Korintos 10:18

Inambe gusu ne yakun, yaihekota yaiashte gurʼanak ne auwande wa iramye kunip shomo ne, koroka, Utarapa ashtep anak ne airamye an ua.

II Korintos 13:6

Koroka, aemakbap shomo chi ne sekoro echi eraman kuni ku chipachipa ruwe ne.

II Korintos 13:8

Inambe gusu ne yakun, chi utara anak ne nei sonep epokba eaikap, koroka, nei ambe gusu iki eashkaibe ne ruwe ne gusu ne na.

II Korintos 13:9

Echi utara anak ne tumashnu wa chi utara katchakbe ne ita, nupetne ash ruwe ne: aige, echi utara aeramushinnere kuni ambe, tap ambe gusu poka inonno-itak ash na.

II Korintos 6:4

koroka, nep ne yakka otta Kamui gusu yaishieiwangere utara chi ne korachi yaikota yairamatte no okai anro; poron no an yaiyupupu ambe otta hene, aeramchuptekbe otta hene,

II Korintos 8:21

inambe gusu ne yakun, Kamui shik-sam patek shomo ne, koroka, utara shik-samta ne yakka pirika okaibe eyaikoshiramshuiba ash ruwe ne gusu ne na.

Piripoi 4:8

Orokeseta, iriwak utara, nep ne yakka son no arabe, nep ne yakka aeoripak kuni arabe, nep ne yakka oupeka arabe, nep ne yakka turu-sak ambe, nep ne yakka aomap kuni ambe, nep ne yakka pirika assuru koro ambe; nep ka buri pirika ushike an chiki, nep ka ramye kuni ushike an chiki, tap okaibe esanniyo yan.

I Tessaronike 5:23

Orowa, itomo irenga koro Kamui yaikota anak echi ebitta ashkannere kusu ne; samata, (chikoro Utarapa ne Yesu Kiristo ek pakno) echi kon ramat newa keutum newa netobake anak ne turu-sak no ramne no akoshiratki kuni akoramkoro.

I Timoteos 2:2

Moshiri shikkashima utara newa pase nrondum koro utara gusu ne yakka; tambe anak nekon a ka Kamui kooripak an no yaikatanu hine ratchitara wa itomo kon no oshiroma kuni gusu ne na.

II Timoteos 2:15

Oupeka no sone an itak koro, yainikoroshma kuni ika sak no an monraige guru nepkoro, Kamui iramye nei no an guru korachi yaikoropare kuni ne shiarikiki no iki yan.

II Timoteos 4:18

Utarapa anak ne pishno no an wen ikip orowa no en ohaitare kusu ne, orowa, kando un moshiri gusu en kashiobiuki kusu ne: otusashuishiri wano otusashuishiri pakno Shinuma orun arakuru an na. Amen.

Yakob 1:12

Koramnukara wa yaishiporore gurʼanak ne anunuke ne: Shinuma auwande aokere chiki, Utarapa omap utara otta akoropare kuni aitakamkire wa an inotu oma sapaumbe akore kusu ne gusu ne na.

I Petros 2:12

Oya utara tumugeta okai rapoketa yairamatte wa okai yan: nei utara echi iyohaigekara wa wenbe ki guru echi ne sekoro ye chiki, echi ki pirika ikip nukara hine aesanniyo toho ta nei utara Kamui ramye kuni ne nei no kara yan.