II Korintos 13:3 - Ashiri Aeuitaknup Iyohaichish Yona 1897

³ Shinuma anak ne echi epeka no katchakbe shomo ne, koroka, echi onnaigeta kiroroashnup ne ruwe ne: inambe gusu ne yakun,

II Korintos 13:3 ပူးပေါင်းရင်းမြစ်များ

Mattaios 10:20

Echi yaikota ye itak shomo ne wa, echi koro Michi kon Ramat echi keutura oshiketa itak hawe ne ruwe ne.

Roukos 21:15

Kuani anak ne obitta no okai echi epokba utara eyoko hemhem ki, otta ese itak hemhem ki eaikap paroho newa wayashnu-i echi kore ash na.

I Korintos 7:40

Koroka, an korachi an yakun naa irammakaka an kusu ne ari ku esanniyo; aine, kuani ne yakka Kamui Ramat kon ruwe ne ari ku yainu.

II Korintos 10:1

Echi tumugeta an ita yaieoripakka, koroka, tane oyakta an wa echi epeka rametokkoro Pauros ne kuani anak ne, Kiristo gusu an ramushiroma ambe newa rotcha ambe gusu echi onishnishi ash na:

II Korintos 10:4

kam iki nei no shomo tumichikon ruwe ne (tumi gusu an chi koro eshipopkep anak ne kam orowa no an ambe shomo ne, koroka, kiroroashnu ambe hokushte gusu Kamui tek-samata okirashnup ne ruwe ne);

II Korintos 12:12

Son no newa shirosh ani hemhem, iyokunnurep ani hemhem, kiroro ani hemhem, Apostoro gusu an shirosh anak ne obitta no an yaiyupupu aoma wa echi tumugeta aki nisa ruwe ne.

II Korintos 2:10

Koroka, gusu echi utara anak ne okaibe tusare guru, kuani ne yakka tusare ruwe ne: inambe gusu ne yakun, ku tusare okere okaibe anak, atusare ambe an yakun, Kiristo ankushkerai echi rengap gusu ku tusare nisa ruwe ne; tambe anak ne Satan iteki un annokara kuni gusu nep ne:

II Korintos 2:6

Nei no an guru anak ne inne utara ankushkerai apanakte ruwe ne gusu, pakno ne ruwe ne;

II Korintos 9:8

Orowa, Kamui anak ne obitta no okai irenga echi utara gusu nuye an no kara eashkai; tambe anak, nep ne yakka gusu ramma-kane echi ara yaiyainuwere hine obitta no okai pirika ikip otta nuye an no iki kuni gusu ne ruwe ne: