II Korintos 13:14 - Ashiri Aeuitaknup Iyohaichish Yona 1897

¹⁴ Utarapa ne Yesu Kiristo korʼirenga hemhem Kamui omap-i hemhem, Ashkanne Ramat ukopoyege-i hemhem obitta no okai echi utara tura no an kuni akoramkon na.

II Korintos 13:14 ပူးပေါင်းရင်းမြစ်များ

Mattaios 6:13

Chi utara anak ne iteki akoramnukara kuni ne ki wa un kore; koroka wenbe orowa no un ohaitare wa un kore.

Yoannes 4:10

Yesu ese wa orota ene itak-hi :— Eani anak ne Kamui korarape hemhem e eramʼan, samata, En ikure wa En kore ani an itak ani e otta ye guru hemhem e eamkiri yak anak, eani anak ne Shinuma otta koramkoro kusu ne, orowa, Shinuma ishu wakka e kore ash kusu ne na, ari itak.

Yoannes 4:14

koroka, nen ne yakka Ku koropare wakka iku guru anak ne ramma pakno iku rusui shomoki; koroka, otta Ku kore wakka anak ne ramma okere shomoki inotu otta purupuruge wakka shimpui nei kusu ne na.

Yoannes 7:38

En eishokoro gurʼanak ne, Kamui nuyere kambi ye korachi, shinuma koro honi orowa no ishu wakka an pet san kusu ne na, ari itak.

Apostoro ikip oma kambi 15:11

Koroka, nei utara korachi, chi utara ne yakka Utarapa ne Yesu korʼirenga ankushkeraipo kashiaobiuki kusu ne na ari chi eishokon ruwe ne, ari itak.

Roma 1:7

Roma kotan ta obitta no okai Kamui orowa no aomap an utara, ashkanne utara ne kuni gusu akonishuk utara otta: echi utara otta chikoro Michi ne Kamui newa Utarapa ne Yesu Kiristo orowa no irenga newa itomo an na.

Roma 16:20

Orowa itomo irenga koro Kamui anak ne naa pon no shiran ko echi koro chikiri pokta Satan piriore kusu ne na, Chikoro Utarapa ne Yesu Kiristo korʼirenga echi tura no an kuni akoramkon na.

Roma 16:23

Otta ku reushi chisei koro guru ne Kaios newa karisia ebitta echi uwekap ruwe ne.

Roma 16:27

Yesu Kiristo gusu patek wayashnu Kamui otta, Shinuma otta otusashuishiri pakno nupeki an na. Amen.

Roma 5:5

inambe gusu ne yakun, Kamui omap-hi anak ne chikoro keutum ta a un koropare Ashkanne Ramat ani aohetu nisa ruwe ne.

Roma 8:39

ek kusu ne ambe hene, kiroro unbe hene, ri-ambe hene, ooho-i hene, nep ne yakka moshima an okaibe hene, chikoro Utarapa ne Kiristo Yesu oshiketa an Kamui omap-hi wano un oyakta ande eaikap ruwe ne, sekoro ku esanniyo koro an ruwe ne na.

Roma 8:9

Echi onnaigeta Kamui Ramat anak uni ne koro yak anak ne kam onnaigeta shomo echi okai, koroka, ramat onnaigeta echi okai ruwe ne. Koroka, nen ne yakka Kiristo kon Ramat shomo koro guru an chiki; nei guru anak Shinuma otta ko-an guru shomo ne ruwe ne.

I Korintos 12:13

Inambe gusu ne yakun, Yudea un guru ne yakka Herenes un guru ne yakka, ausshiunere guru ne yakka, rengaine an guru ne yakka shine Ramat ani chi utara obitta shine netobake otta baptisma akore nisa ruwe ne; aine, shine Ramat aikure nisa ruwe ne.

I Korintos 14:16

Ramat ani e nunuke chiki, eram-sak nepkoro an guru e ye itak ikkeu erampeutek gusu, nekon a iki wa e koyaiiraige ita shinuma anak ne Amen ari itak ya?

I Korintos 16:23

Utarapa ek. Utarapa ne Yesu Kiristo korʼirenga echi tura no an kuni ku koramkoro.

I Korintos 3:16

Echi utara anak ne Kamui kora kenru echi ne wa Kamui Ramat echi oshiketa oshiroma ambe echi erampeutek ruwe he an?

I Korintos 6:19

Orosama, echi kon netobake anak ne Kamui orowa no akore echi onnaigeta an Ashkanne Ramat kora kenru ne ari an ambe echi erampeutek ruwe he an? Aige, echi utara anak ne yaikota yaikorobe shomo ne;

II Korintos 8:9

Chikoro Utarapa ne Yesu Kiristo koro irenga echi eraman ruwe ne gusu ne na; Shinuma anak ne oteknu ruwe ne a yakka, echi utara gusu oteksakbe ne akara, tambe anak ne Shinuma ki oteksak-hi ankushkeraipo echi utara aeoteknure kuni gusu ne na.

Garatea 5:22

Koroka, Ramat hetukure ibehe anak ne tambe ne mwe ne; — Onrap-hi hene, akopuntek ambe hene, itomo hene, ramushiporore ambe hene, ramuhauge-hi hene, pirika-hi hene, eishokor-i atte ambe hene,

Epesos 2:18

inambe gusu ne yakun, Shinuma gusu tup ne okai chi utara anak ne shine Ramat otta Michi orun ehange no arakire nisa ruwe ne gusu ne na.

Epesos 2:22

shukup ruwe ne; Shinuma otta echi utara ne yakka Ramat ani Kamui gusu an oshiroma-i echi kara an na.

Epesos 5:9

pekere poho korachi apkash yan (pekere hetukup anak ne pirikap otta hene, oupekap otta hene, sonep otta hene an ambe ne ruwe ne gusu ne),

Epesos 6:23

Michi ne Kamui newa Utarapa ne Yesu Kiristo orowa no iriwak ne utara otta itomo newa eishokor-i tura omap ambe an kuni ku koramkoro.

Piripoi 2:1

Tambe gusu, Kiristo otta aomaoma ambe an, omap-i gusu keutura ratchire ambe an, Ramat gusu ukopoyege ambe an, kuroma newa rampokiwen wa akore ambe an chiki, echi utara shine yainu-hi ki,

I Yoannes 1:3

chi nukarabe hemhem, chi nup hemhem echi otta ne yakka nure ash; echi utara ne yakka un tura no shine-ikinne okai kuni gusu ne na: ruwe newa, chi utara anak ne Michi tura hemhem, Michi koro poho Yesu Kiristo tura hemhem shine-ikinne okai ruwe ne:

I Yoannes 3:16

Shinuma anak ne un gusu koro inotu ande-hi gusu, tambe gusu omap ambe chi eraman; chi utara ne yakka iriwak utara gusu koro inotu ande kusu ne ap ruwe ne.

I Yoannes 3:24

Orowa, shinuma sange ikashpaotte shikkashima gurʼanak ne Shinuma otta riya, orowa, Shinuma anak ne nei guru otta riya ruwe ne. Orowa, a un koropare Ramat ani gusu, chi utara anak ne shinuma un otta riya ruwe ne sekoro chi eraman.

Youdas 1:21

Kamui omap-i otta yaishikkashima, shiokere shomoki inotu gusu an chikoro Utarapa ne Yesu Kiristo koro rampoken etere hine, echi koro iyotta turu-sak an eiskokorope kata yaiashtere yan.