II Korintos 13:11 - Ashiri Aeuitaknup Iyohaichish Yona 1897

¹¹ Orowa, ku iriwak utara, sarampa. Aeramushinne no okai yan, aomaoma no okai yan; shine keutum koro yan; itomo an no okai yan; aine, omap ambe newa itomo koro Kamui echi tura no an kusu ne.

II Korintos 13:11 ပူးပေါင်းရင်းမြစ်များ

Mattaios 1:23

Immanueru sekoro an itak ibehe anak ne, Kamui un tura no an ruwe ne ani an itak ibehe ne ruwe ne.

Mattaios 5:48

Tambe gusu, kando otta an echi koro Michi aeramushinne wa an korachi, echi utara ne yakka aeramushinne no okai yan.

Markos 10:49

Orowa, Yesu ash wa nei guru hotuyekara yan, ari ye. Orowa, okai utara nei shiknak guru hotuyekara wa, ramu-ritetke yan! Hopuni, Shinuma e hotuyekara an na, ari itak.

Markos 9:50

Shippo anak ne pirika ruwe ne: koroka, nei shippo anak koro runnu mawe turainu chiki, nep ani nei mawehe aomare ya? Echi utara yaikota oshiketa shippo koro wa utashpa itomo an no okai yan.

Roukos 9:61

Orowa, naa moshima an guru ene itak-hi :— Utarapa, E osh ku ek kusu ne na, koroka, hoshiki ku hoshipi wa ku chisei ta okai utara uwetutkopak kuni ramuoshma wa en kore, ari itak.

Yoannes 17:23

nei utara shinep otta aokere kuni gusu, Kuani nei utara oshiketa Ku an, orowa, Aokai En oshiketa E an; samata, Aokai anak ne En omande wa En omap korachi, nei utara ne yakka Aokai omap shiri moshiri eraman kuni gusu ne na.

Apostoro ikip oma kambi 15:29

nei arabe anak, potoki otta ayangep hemhem, kem hemhem, rekuchi anumbap hemhem, hoiyop hemhem shomo ekottanu ambe ne; tap okaibe gusu echi yaikota ekottanu shomoki chiki, echi gusu pirika ruwe ne. Ratchitara no okai yan.

Apostoro ikip oma kambi 18:21

koroka, shinuma uwetutkopak ki, aine, Kamui rengaine an chiki shui echi orun ku hoshipi kusu ne ari itak koro, Epesos kotan wano atuitomotuye wa oman nisa ruwe ne.

Apostoro ikip oma kambi 23:30

Orowa, nei ainu gusu aoshkep an sekorʼambe a en nure chiki, nani e orun ku omande, samata, eiyonnupba utara e orun shinuma gusu an aieyonnupbap itak kuni ku ye nisa ruwe ne na.

Roma 12:16

Uweutashpa chishineramkore yan. Iteki ri okaibe yainu yan, koroka, ra un okaibe ani yaiaturare yan.

Roma 12:18

Aeashkai chiki, ramuosshi pakno, obitta no okai utara gusu itomo irenga koro yan.

Roma 14:19

Yakun, itomo irenga epeka kuni ambe hemhem, utashpa uashte kuni ambe hemhem keseamba yanro.

Roma 15:13

Echi utara Ashkanne Ramat kiroro ani poron no echi chipachipa kuni ne echi eishokoro wa chipachipa ambe sange Kamui anak ne itomo irenga newa nupetne irenga ani echi shiktere kuni akoramkon na.

Roma 15:33

Orowa, itomo irenga koro Kamui obitta no okai echi utara tura no an kuni akoramkon na. Amen.

Roma 16:20

Orowa itomo irenga koro Kamui anak ne naa pon no shiran ko echi koro chikiri pokta Satan piriore kusu ne na, Chikoro Utarapa ne Yesu Kiristo korʼirenga echi tura no an kuni akoramkon na.

I Korintos 1:10

Iriwak utara, echi utara obitta shine itak sange, aige, echi tumugeta utumkush keutum isam kuni ne, chikoro Utarapa ne Yesu Kiristo kon reihei ankushkeraipo echi onishnishi ash ruwe ne; koroka, echi utara shine keutum koro, aige, shine esanniyop ki hine ukoiram no aeramushinnere gusu aki na.

II Korintos 1:4

ani chi utara Kamui orowa no aomaoma an nunuke ambe ari, nep aeramchuptek utara chi omaoma eashkai kuni ne, nep aeramchuptekbe chi ki a yakka Shinuma un omaoma ruwe ne.

II Korintos 13:14

Utarapa ne Yesu Kiristo korʼirenga hemhem Kamui omap-i hemhem, Ashkanne Ramat ukopoyege-i hemhem obitta no okai echi utara tura no an kuni akoramkon na.

II Korintos 13:9

Echi utara anak ne tumashnu wa chi utara katchakbe ne ita, nupetne ash ruwe ne: aige, echi utara aeramushinnere kuni ambe, tap ambe gusu poka inonno-itak ash na.

Epesos 4:12

tambe an chi utara obitta shinep ne an eishokor-i ki hine Kamui Poho eraman wa rupne guru ne, Kiristo gusu an aeshikte ambe upak an kewe ri pakno shukup ash kuni ne,

Epesos 4:3

samata, itomo ari an kut ani akutkoro hine, shiarikiki no Ramat gusu an shinep ne ambe shikkashima hene echi ki kuni echi onishnishi ash na.

Epesos 6:23

Michi ne Kamui newa Utarapa ne Yesu Kiristo orowa no iriwak ne utara otta itomo newa eishokor-i tura omap ambe an kuni ku koramkoro.

Piripoi 1:27

Koroka, echi ki buri anak ne Kiristo koro pirika shongo kopakeat kuni ne ki yan: tambe anak, kuani ku ek wa echi nukara hene ki, shomo ku ek no echi koro orushpe ku nu hene ku ki chiki echi utara shine keutum koro wa uwetushmak no pirika shongo gusu shikkashima hine shine ramat otta tumashnu no echi roshki kuni ne kara yan;

Piripoi 3:16

ouse pakno shirepa ash okere-hi gusu nei no korachi apkash ashro.

Piripoi 4:2

Utarapa otta shine keutum koro kuni ne Euodia ku onishnishi, Sintike ne yakka ku onishnishi ruwe ne.

Piripoi 4:4

Ramma Utarapa enupetne yan: shui, nupetne yan, ani ku ye.

Piripoi 4:9

Echi utara anak ne eyaihannokkara hene ki, akore hene ki, nu hene ki, en otta nukara hene ki okaibe, tap okaibe kara yan; orowa, itomo koro Kamui echi tura an kusu ne na.

I Tessaronike 3:10

echi kon nanuhu chi nukara hine echi eishokor-i ta eikohaye ambe eramushinnere kuni ne kunne to ta ne yakka tokap to ta ne yakka shiarikiki no inonno-itak ruwe ne na.

I Tessaronike 4:1

Orosama iriwak utara echi utara, nekon a arabe ani apkash wa Kamui nupetnere kusu ne a ambe ne ya, un otta echi nu a gusu, nei no korachi echi apkash kuni ne — naa naa echi nuye an no okai kuni gusu — Utarapa ne Yesu Kiristo gusu koramkoro wa echi onishnishi ash ruwe ne.

I Tessaronike 4:18

Tambe gusu, tap okai itak ani uwe-utashpa onishnishi yan.

I Tessaronike 5:13

samata, koro iki ikip gusu omap wa kooripak an no esanniyo yan. Yai uturu ta itomo irenga sange yan.

I Tessaronike 5:16

Ramma nupetne yan; okere shomoki no inonno-itak ki yan;

I Tessaronike 5:23

Orowa, itomo irenga koro Kamui yaikota anak echi ebitta ashkannere kusu ne; samata, (chikoro Utarapa ne Yesu Kiristo ek pakno) echi kon ramat newa keutum newa netobake anak ne turu-sak no ramne no akoshiratki kuni akoramkoro.

II Tessaronike 2:16

Tane chikoro Utarapa ne Yesu Kiristo yaikota hemhem un omap wa irenga ankushkerai otusashiri pakno an omaoma ambe newa pirika chipachipa ambe un koropare chikoro Michi ne Kamui hemhem anak ne,

II Tessaronike 3:1

Orokeseta, iriwak utara, echi tumta korachi poka, Utarapa koro itak shipiraspa wa anupekte kuni ne,

II Tessaronike 3:16

Nei ta pakno nei wa ne yakka itomo koro Utarapa yaikota echi orun itomo irenga sange kuni akoramkoro. Utarapa obitta no okai echi utara tura no an kuni akoramkon na.

II Timoteos 2:22

Koroka, upen guru iki rusui wen-buri eshishi hine turu-sak sarabe wano Utarapa konishuk utara tura, oupeka ambe hemhem, eishokor-i hemhem, omap ambe hemhem, itomo irenga hemhem keseamba yan.

Hebraios 12:14

Obitta no okai utara epeka itomo noshpa yan, samata, sak no ne yakun nen ne yakka Utarapa shomo nukara aeashkamrere ambe noshpa yan:

Hebraios 13:20

Orosama, nei hitsuji chikoikip koro pase epungine guru ne Yesu Kiristo, otusashuishiri pakno an aeuitaknup gusu an kemihi ankushkerai, rai-i orowa no hetopo-shiknure irenga koro Kamui anak ne,

Yakob 1:4

Orowa, echi utara aeramushinne newa ranme no okai wa nep ne yakka otta shomo eikohaye kuni gusu yaiyupupu ambe ara monraigere yan.

I Petros 3:11

Nei guru wenbe eshishi wa pirikap ki; Itomo hunara wa nei ambe noshpa kuni ki yan.

I Petros 3:8

Orosama okeseketa, echi utara obitta keutum shineatkire, utashpa uwerampokiwen wa kore, uiriwak korachi omap ki, uweiyeramuhauge an keutum koro,

I Petros 5:10

Orowa, Kiristo oshiketa koro aokere shomoki nupeki otta echi tak obitta no okai irenga koro Kamui anak ne, pon no uturuta echi eramusarak okaketa, Shinuma yaikota echi ramushinnere, echi roshkire, echi tumashnure kusu ne.

Ekambakbe 22:21

Utarapa ne Yesu korʼirenga ashkanne utara tura no an kuni ku koramkon na. Amen.