II Korintos 12:9 - Ashiri Aeuitaknup Iyohaichish Yona 1897

⁹ Aige; — Ku sange irenga aokai gusu upak no an ambe ne: Ku kiroro anak ne katchakbe oshiketa aeramushinnere ruwe ne gusu ne na, ari an itak ani Shinuma en orun ye nisa ruwe ne. Tambe gusu, Kiristo koro kiroro en kashike apiraspare kuni ne, shi no yaikopuntek no ku katchakbe gusu ku yaiomonnure kushki na.

II Korintos 12:9 ပူးပေါင်းရင်းမြစ်များ

Iyohaichish 8:2

E ramushitnere utara gusu hemhem, Samata, epokba guru newa ikemnu guru hemhem amore kuni gusu, Aokai anak ne aiai newa tonon utara paroho wano kiroro ashte nisa ruwe ne.

Mattaios 28:18

Orowa, Yesu nei utara otta ek wa itak sange hawe ene ani :— Moshiri kata ne yakka kando oshiketa ne yakka obitta no an mondum a en kore an na.

Mattaios 28:20

orowa, nep ne yakka Kuani echi kashpaotte okaibe nei utara shikkashima kuni ne ki yau: orowa, ingarʼan moshiri ko-onne pakno Kuani anak echi tura no an kusu ne na.

Roukos 21:15

Kuani anak ne obitta no okai echi epokba utara eyoko hemhem ki, otta ese itak hemhem ki eaikap paroho newa wayashnu-i echi kore ash na.

I Korintos 10:13

Ainu sei eaikap ikoramnukara-hi echi utara gusu isama; koroka, Kamui anak ne sonep ne, echi yaishiporore eashkai kasu no echi utara akoramnukara kuni ramuoshma shomoki kusu ne: koroka, echi yaishiporore eashkai kuni ne nei koramnukara-hi tura ohaitare kuni ushi kan ruwe ne gusu ne na.

I Korintos 15:10

Koroka, Kamui irenga gusu kuani ku an korachi okaibe ku ne ruwe ne; orowa, a en koropare Shinuma koro irenga anak ne seenne raka isam no a en koropare ruwe ne sekoro anukara; koroka, obitta no okai nei utara kasu no kuani naa poron no ku monraige nisa ruwe ne na: yakka, kuani shomo ne, koroka, a en koropare Kamui irenga iki ruwe ne.

I Korintos 2:3

Orowa, echi tura no ku an ita, katchak no, ishitomo wa shiri tusushke wa an ruwe ne.

I Korintos 2:5

ku ye itak newa upaskuma anak wayashnu an onishnishi itak gusu an ambe ani shomo ne, koroka, Ramat newa kiroro gusu ashte kuni an itak ani ne ruwe ne.

II Korintos 11:30

Nen ka aurechiure wa ku keutum shomo seisek ruwe he an? Kuani yaiomonnure ki gusu ne ap chiki, ku katchakbe gusu ku yaiomonnure kusu ne na.

II Korintos 12:1

Aepirikare kunip shomo ne a yakka, nekon a ka ku yaiomonnure ruwe ne; koroka, Utarapa orowa no an anukarape tane ku ye.

II Korintos 12:10

Tambe gusu, Kiristo korʼirenga ankushtapne kuani katchakbe gusu, aeiwendep gusu, aeishiramnep gusu, aepokbap gusu, yairamkoiki ambe gusu ku enupetne ruwe ne: inambe gusu ne yakun, katchak no ku an ita, nei ita anak ku kiroroashnu ruwe ne gusu ne na.

II Korintos 12:15

Orowa, echi koro keutum gusu kuani ara yaikopuntek no ku eiwange hemhem ki, a en eiwangere kuni hemhem ku ki kusu ne. Naa eikaun no kuani echi omap ash yakun, naa pokashnu no a en omap an ruwe he an?

II Korintos 12:5

Nei a an guru ankushkerai ku yaiomonnure kusu ne: koroka, ku katchakbe gusu moshima yaikota gusu shomo ku yaiomonnure kusu ne na.

Epesos 3:16

Shinuma anak ne koro nupeki an ikoro esanniyo wa echi onnaigeta an ainu Shinuma kon ramat gusu kiroro

Piripoi 4:13

ku eyaihannokkara nisa ruwe ne. En tumashnure Kamui oshiketa kuani nep ne yakka ki eashkai ruwe ne.

Korosai 1:11

Shinuma koro nupeki ani kiroro an korachi, nupetne hine obitta no okai yaiyupupu arabe newa ramushiporore ambe gusu, obitta no okai kiroro ani atumashnure:

I Timoteos 1:14

orowa, chikoro Utarapa korʼirenga anak Kiristo Yesu oshiketa an eishokor-i newa omap ambe tura shi no nuye an no an nisa ruwe ne na.

Hebraios 11:34

shishi chikoikip koro paro seshke, abe kiroro ushka, rangetam-ibe eyaiohaitare, katchakbe ne a yakka atumashnure, tumi gusu tumashnu, oya un utara koro tumi-koro topaha okeuba nisa ruwe ne.

Hebraios 4:16

Tambe gusu, a un erampokiwen wa akore kuni ne, samata, aeishiramne an ita chikaobiuki gusu an irenga a un kore kuni ne, rametokkon no irenga koro araset otta karange no araki anro.