II Korintos 12:15 - Ashiri Aeuitaknup Iyohaichish Yona 1897

¹⁵ Orowa, echi koro keutum gusu kuani ara yaikopuntek no ku eiwange hemhem ki, a en eiwangere kuni hemhem ku ki kusu ne. Naa eikaun no kuani echi omap ash yakun, naa pokashnu no a en omap an ruwe he an?

II Korintos 12:15 ပူးပေါင်းရင်းမြစ်များ

Roma 9:3

Inambe gusu ne yakun, kam gusu ku apaha utara ne ku iriwak utara shirine kuani yaikota Kiristo orowa no aiyoitakushi kuni ku koramkoro eashkai shiriki:

II Korintos 1:14

aine, Utarapa ne Yesu toho ta echi utara gusu chi utara yaiomonnure korachi chi utara ne yakka echi utara gusu yaiomonnure kuni ne, echi utara poka sereke gusu en eraman ruwe ne gusu ne na.

II Korintos 1:6

Koroka, chi utara anak ne aeramchuptekka chiki echi aomaoma kuni gusu hene echi kashiaobiuki kuni gusu hene an ambe ne; shui, chi utara aomaoma an chiki, nei ambe anak chi utara poka iki ukorachi an aeramchuptekbe echi ramu-shiroma no eyaishipororere kuni gusu an omaoma ambe ne ruwe ne gusu ne na:

II Korintos 11:11

Hemanda gusu? Kuani shomo echi omap ash ruwe ne gusu ne ya?

II Korintos 12:14

Ingaraʼan, tambe anak ne kuani echi orun ku ek kuni re ikinne an etokooiki okere an ambe ne ruwe ne; awa, shomo echi iramu-ikurukurure ash kusu ne: inambe gusu ne yakun, echi korobe shomo ku ehunara, koroka, echi ku ehunara shiriki ruwe ne: poho utara anak ne eshikop utara gusu okaibe eumashnu kuni ambe shomo ne, koroka, eshikop anak poho utara gusu eumashnu kunip ne ruwe ne gusu ne na.

II Korintos 12:9

Aige; — Ku sange irenga aokai gusu upak no an ambe ne: Ku kiroro anak ne katchakbe oshiketa aeramushinnere ruwe ne gusu ne na, ari an itak ani Shinuma en orun ye nisa ruwe ne. Tambe gusu, Kiristo koro kiroro en kashike apiraspare kuni ne, shi no yaikopuntek no ku katchakbe gusu ku yaiomonnure kushki na.

II Korintos 2:3

Aige, tap an ambe ku nuye nisa, ikineipeka ku ek ita, gusu ku enupetne kuni utara ankushkerai a en oknatarare ruwe ne kusu ne na; aine, echi utara obitta gusu ku nupetne kusu ne sekoro ku eishokon ruwe ne.

II Korintos 4:12

Tambe gusu rai ambe anak ne un onnaigeta iki ruwe ne, koroka, inotu anak ne echi onnaigeta iki shiriki.

II Korintos 7:2

Un gusu echi koro sambe sarare yan; chi utara anak ne inan guru ne yakka shomo wende, inan guru ne yakka shomo koisamka, inan guru ne yakka kokandama gusu yaiepirikare ambe shomo chi ki ruwe ne.

II Korintos 7:3

Tap ambe ku ye-hi anak ne echi akokatpakte gusu shomo ne: inambe gusu ne yakun, teeda ku ye-hi korachi, utura rai utura shiknu kuni gusu, echi utara anak ne chikoro keutum ta okai ruwe ne gusu ne na.

Garatea 4:10

Echi utara anak ne toho enomi, chup enomi, un pa enomi, paha enomi ruwe ne.

Piripoi 2:17

Ruwe un, echi koro eishokor-i gusu an ayangep newa yaishieiwangere ambe gusu a en enomi chiki, ku nupetne, obitta no okai echi utara tura ramu-ritetke ruwe ne:

Korosai 1:24

Tane anak ne echi utara gusu ku iki yai ramshitnere arabe ku enupetne ruwe ne, aige, kuani anak Kiristo iki aeramchuptekbe eikohaye ambe karisia ne Shinuma kon netobake gusu ku kara otta kashi iyo wa upakte ruwe ne;

I Tessaronike 2:8

tambe nei no chi utara anak ne shi no echi kon rusui gusu, Kamui koro pirika shongo echi kore patek shomo ne, koroka, yaikota koro sambe ne yakka yainuchattek no echi kore kuni aramu, echi utara shi no un gusu aoshkorobe ne nisa ruwe ne gusu ne na.

II Timoteos 2:10

Tambe gusu, anumge wa okai utara gusu obitta no okaibe ku eyaishiporore ruwe ne, nei utara ne yakka Kiristo Yesu tura otusashuishiri pakno an arakuru ne kashiobiuki ambe akore kuni gusu ne na.

Hebraios 13:17

Echi epungine utara koitaknu wa otta yairapo-kikara yan: nei utara anak ne echi kon ramat gusu shiruwande wa okai, gusu aesanniyo kusu ne utara korachi nep; nei utara nuwap shomoki no, nupetne no iki kuni ne kara yan: shomo ne yakun, tambe echi gusu raka-isambe ne ruwe ne gusu ne na.