II Korintos 12:13 - Ashiri Aeuitaknup Iyohaichish Yona 1897

¹³ Kuani yaikota echi tumugeta an wa shomo echi iramu-ikurukurure moshima an ika gusu, nep ika an gusu moshima okai karisia pokta echi pokashnu ruwe he an? Tap an wenbe gusu ramuhauge no irenga usaraye wa en kore yan.

II Korintos 12:13 ပူးပေါင်းရင်းမြစ်များ

Apostoro ikip oma kambi 18:3

orowa, shinuma anak ne ukorachi an moni gusu iki guru ne wa gusu, tura no reushi hine iki nisa ruwe ne; iki kuni gusu an moni anak ne kash karape ne ruwe ne gusu ne na.

I Korintos 9:12

Moshima okai utara anak ne auk kunip ne okaibe an gusu echi korobe uina chiki, chi utara naa kasu no ruwe ne. Yakka nei iki kunip ne a an mondum eiwange ash shomoki nisa ruwe ne; koroka, Kiristo koro pirika shongo iteki shinneatush kuni ne nep ne yakka chi utara yaishiporore ruwe ne.

I Korintos 9:6

Shui, ouse kuani newa Barnabas patek shomo monraige kuni rengaine an mondum shomo kon ruwe he an?

II Korintos 12:14

Ingaraʼan, tambe anak ne kuani echi orun ku ek kuni re ikinne an etokooiki okere an ambe ne ruwe ne; awa, shomo echi iramu-ikurukurure ash kusu ne: inambe gusu ne yakun, echi korobe shomo ku ehunara, koroka, echi ku ehunara shiriki ruwe ne: poho utara anak ne eshikop utara gusu okaibe eumashnu kuni ambe shomo ne, koroka, eshikop anak poho utara gusu eumashnu kunip ne ruwe ne gusu ne na.