II Korintos 12:1 - Ashiri Aeuitaknup Iyohaichish Yona 1897

¹ Aepirikare kunip shomo ne a yakka, nekon a ka ku yaiomonnure ruwe ne; koroka, Utarapa orowa no an anukarape tane ku ye.

II Korintos 12:1 ပူးပေါင်းရင်းမြစ်များ

Yoannes 16:7

Yakka, son no ambe echi nure ash na; Kuani Ku oman-i anak ne echi utara gusu pirikap ne: inambe gusu ne yakun, Ku oman shomoki chiki nei Kotchane ki kunip echi otta ek shomoki kusu ne na; koroka, Ku oman yakun echi otta Shinuma Ku omande kusu ne na.

Yoannes 18:14

Orosama, nei Kaiapa anak ne utara shirihine shine ainu rai kusu ne kunip ne an orushpe ani Yudea un utara otta esanniyo wa ye a guru ne ruwe ne.

Apostoro ikip oma kambi 18:9

Orowa, anchikara ta Utarapa anak ne anukarape ani Pauros otta ene itak-hi :— Iteki ishitoma, koroka itak wa iteki mo no an yan:

Apostoro ikip oma kambi 23:11

Nei eoya anchikara ta Utarapa anak ne shinuma samaketa ash kane ene itak-hi :— Ramu-ritetke yan: eani anak ne Yerusarem kotan ta en gusu paweteshu ki nisa ruwe ne korachi, Roma kotan ta ne yakka paweteshu e ki kusu ne ap ruwe ne na.

I Korintos 10:23

Nep ne yakka an okaibe ikashpaotte kopakeat a yakka, obitta no okaibe auina gusu pirika shomo ne. Nep ne yakka an okaibe ikashpaotte kopakeat a koroka, obitta utara roshkire shomo ki ruwe ne.

I Korintos 14:6

Koroka, tane iriwak utara, ku ek ita oya un itak ani ye, aige, anukarape gusu hene, eramushbe gusu hene, uweingarape gusu hene, epakashnu ambe gusu hene ku iki shomoki yakun hemanda echi epirikare ash kusu ne ya?

I Korintos 6:12

Nep okaibe ne yakka en gusu ikashpaotte kopakeat ruwe ne, koroka, obitta no okaibe en gusu pirika kunip shomo ne. Nep okaibe ne yakka en gusu ikashpaotte kopakeat; koroka, nep okaibe koro mondum ne yakka kuani en esapanere ash shomoki kusu ne na.

II Korintos 12:11

Ramat-sakbe ku ne okere: nei no ku an kuni ne echi ikichi okai; echi utara orowa no a en aashte kunip ku ne: inambe gusu ne yakun, kuani nep ka aeramu kunip shomo ku ne a yakka, iyotta pase apostoro utara pokashnu an ambe shomo ku ne ruwe ne gusu ne na.

II Korintos 12:5

Nei a an guru ankushkerai ku yaiomonnure kusu ne: koroka, ku katchakbe gusu moshima yaikota gusu shomo ku yaiomonnure kusu ne na.

II Korintos 12:7

Orowa, nei anukarabe shiri porobe an ikkeu ne gusu-tambe gusu, iteki mashkin no a en aeyairiknare kuni ne, en shirikik gusu kam oshiketa nit ai, Satan koro auitekbe, a en kore nisa, tambe anak iteki mashkin no ku yairiknare kuni gusu an ambe ne ruwe ne.

II Korintos 12:9

Aige; — Ku sange irenga aokai gusu upak no an ambe ne: Ku kiroro anak ne katchakbe oshiketa aeramushinnere ruwe ne gusu ne na, ari an itak ani Shinuma en orun ye nisa ruwe ne. Tambe gusu, Kiristo koro kiroro en kashike apiraspare kuni ne, shi no yaikopuntek no ku katchakbe gusu ku yaiomonnure kushki na.

II Korintos 8:10

Tata otta esanniyop ku sange na: shine pa etokota hoshiki no heashire echi utara anak ne ouse iki ambe gusu patek shomo ne, koroka, keutum atte ambe gusu ne yakka, echi ki kunip ne ruwe ne.

Garatea 1:12

Ainu orowa no shomo nei ambe ku uk, shui, shomo nei ambe ani a en epakashnu, koroka, Yesu Kiristo en eramande gusu an ambe ne ruwe ne.

Garatea 2:2

Awa, ku oraan-i anak ne a en nukare gusu ku oman nisa ruwe ne; aige, Oya utara tumugeta ku eupaskuma pirika shongo nei utara otta ku nure, koroka, pase ne aesanniyo utara otta arorokishne no ku nure, ikineipeka tambe anak kuani raka sak no shomo hoyupu korʼan hene ki, raka sak no shomo hoyupu okere hene ki gusu ne na.

Epesos 3:3

eeshiri moyo an itak ani ku nuye korachi, ekambakbe ani mukke wa an okaibe a

I Tessaronike 4:15

Utarapa itak ani tambe echi orun chi ye, shiknu wa okai chi utara, Utarapa ek-hi pakno okai utara anak, son no poka mokonnoye utara etokota paye shomoki kusu ne.

I Yoannes 5:20

ingi-moshiri anak ne wenbe otta okai ruwe ne. Orowa, sone an guru chi eamkiri kuni ne Kamui Poho ek wa un otta eraman mondum koropare nisa ruwe ne sekorʼambe chi eraman, orowa, sone an guru otta, Shinuma koro Poho Yesu Kiristo otta, chi okai ruwe ne. Tambe anak son no Kamui ne, shiokere shomoki inotu ne ruwe ne.