II Korintos 11:3 - Ashiri Aeuitaknup Iyohaichish Yona 1897

³ Koroka, ikineipeka nekon a ka, okokko irara wa Hefa kokandama korachi, echi koro keutum anak Kiristo epeka kuni gusu an sonep newa turu-sakbe gusu awende kuni ku ishitoma ruwe ne.

II Korintos 11:3 ပူးပေါင်းရင်းမြစ်များ

Iyohaichish 119:53

E koro tuitak emaka wen utara gusu Kuani shiri kinrakara ruwe ne.

Mattaios 24:24

Inambe gusu ne yakun, inne shunge Kiristo newa shunge uweingara guru hetuku wa poro shirosh poro iyokunnurep nukare; orowa, eashkai chiki anak ne anumge utara ne yakka kokandama kusu ne.

Yoannes 8:44

ruwe ne gusu ne na. Echi utara anak ne nitne kamui ne echi koro michi orowa no okai, orowa, echi koro michi ki rusui buri echi ki kuni echi ramu. Shinuma anak ne atpake wano keukbe ne, orowa, sonep otta ash shomoki, koro onnaigeta sonep isam ruwe ne gusu ne na. Shunge itak ki chiki yaikota kerobe ye: Shinuma anak shunge guru ne, shunge koro michi ne ruwe ne gusu ne na.

Roma 12:8

epakashnu yan; onishnishi kuni ambe ne chiki, onishnishi yan; eungeraitep kore kuni ambe ne chiki, eikaun no koropare yan; epungine kuni ambe ne chiki, yuptek no epungine yan; rampoken sange kuni ambe ne chiki, yaikopuntek no ki yan.

II Korintos 1:12

Chi ki yaiomonnure ika anak ne chikoro keutum iki paweteshu ambe ne, Kamui orowa no an ashkanne ambe newa sonep gusu, kam oma wayashnu-hi ani shomo ne, koroka, Kamui irenga ani moshirʼotta ikip iki, makangane echi utara otta ikichi nisa ruwe ne gusu ne na.

II Korintos 11:20

Inambe gusu ne yakun, nen ka echi usshiune kara, echi ruki, echi tekepashte, yaikota yairiknare, echi koro nanuhu kokik chiki, echi utara nei guru eyaishiporore ruwe ne.

II Korintos 11:29

Nen ka katchak wa kuani ne yakka shomo katchak ne ya?

II Korintos 2:17

Chi utara anak ne Kamui itak eoyap kopoye shiriki inne utara nepkoro shomo chi ne: koroka, an korachi nepkoro ki utara, Kamui orowa no an korachi; Kamui tek-samata an korachi, Kiristo oshiketa chi ye ruwe ne gusu ne na.

II Korintos 4:2

koroka, anuina wa okai gusu yainikoroshma kuni ambe chi emaka wa, irarabe gusu apkash shomoki, samata, Kamui itak shunge no eiwange shomoki ruwe ne; koroka, sonep nukare gusu Kamui tek-samata obitta no okai utara koro keutum otta yaikota yaiashte ruwe ne.

Garatea 1:6

Kiristo korʼirenga otta echi hotuyekara Kamui orowa no tap korachi chashnu no echi utara shinnai no an pirika shongo gusu echi yaiatupte-i ku enushkari ruwe ne;

Garatea 2:4

nei ambe anak nuina no aahupte shunge iriwak utara gusu an ambe ne; nei utara un usshiune utara ne akara kuni ne, Kiristo Yesu otta chikoro rengaine an nrondum nukara kuni gusu arorokishne no ahup nisa ruwe ne:

Garatea 3:1

Ramu-isambe Garatea un utara, echi koro shik samata Yesu Kiristo aande wa anukan no utasa chikuni otta araige, awa, echi shiren guru nen ne ruwe he an?

Garatea 4:11

Ikineipeka kuani raka-sak no echi utara gusu ku iki sekorʼambe ku shitoma ruwe ne.

Epesos 4:14

tewa no chi utara anak ne nokan utara shomo chi ne wa, irara wa utara chinorep gusu shomo ashiren wa obitta no okai epakashi gusu koshunge an kokandama ambe ari aye rera ani iteki ekeshne-ekeshne ashishuye kuni gusu an ambe ne;

Epesos 4:22

nei ambe tapne ne, kokandama oina iki rusuibe gusu awende wa an fushko ainu etoko an buri tura oyakta ande hine,

Epesos 6:24

Turu-sak no chikoro Utarapa ne Yesu Kiristo omap obitta no okai utara otta irenga an na.

Korosai 2:18

Iteki nenka iki rengaine an yaieoripakka ambe newa Kamui hauturumbe koongamire ambe ani echi koro iwayehe eikkare yan; nei no ikichi gurʼanak ne anukarabe an arabe kata roshki,

Korosai 2:4

Inan guru ne yakka iteki shisak itak ani echi kokandama kuni ne, tambe ku ye ruwe ne.

Korosai 2:8

Kiristo gusu shomo ne, koroka, utara koro oina gusu hene, moshiri gusu an isaika epakashi gusu hene, koro aeramasure eramushbe newa oira kokandama itak ani iteki echi shiren guru an kuni yaitubare yan:

I Tessaronike 3:5

Tan ikkewehe an gusu kuani poka, naa yaishiporore eaikap chiki, echi iki eishokor-i eraman kuni ne ku teshkan nisa ruwe ne, nekon a poka ika nei a ikoranmukarape echi koramnukara, aige, chi utara iki monraige iteki raka-sak kuni gusu ne na.

I Timoteos 1:3

Etokota Makedonia moshirʼotta ku arapa ita eani anak ne Epesos kotan ta riya hine, okai an utara anak ne moshima an epakashi iteki epakashnu, samata, eishokor-i oma Kamui orowa no ashikkashimare ambe shomo ne no an,

I Timoteos 2:14

koroka, nei shiwentep akokandama wa chikokatpak ki okere ruwe ne:

II Timoteos 3:13

Koroka, wen utara newa tusu ikichi utara uwepaketa wen ne kusu ne, aine, moshima guru kokandama hemhem ki,

Titus 1:10

Inambe gusu ne yakun, inne no okai itakkashi utara, raka-sak itak sange wa kokandama ki utara okai, makangane okarituye-buri oma utara nei no okai,

Hebraios 13:9

Usa okai newa oya an epakashi gusu iteki aeyaiutumashire yan: inambe gusu ne yakun, irenga gusu keutum aeumashnure ambe pirika ruwe ne; otta apkash utara anak ne shomo eyaiepirikare aep gusu shomo ne na.

II Petros 3:17

Tambe gusu, aomap an utara, echi utara anak ne etoko wano eraman gusu, ikineipeka, katpak koro utara koro ohaitap ani aekira wa, yaikota koro utumashi shomoki ambe iteki autumashire kuni ne yaitubare yan.

II Petros 3:3

tambe hoshiki no uonnere yan, okese an toho ta eoya-itak ki utara araki, orowa, yaikota koro ibeporore an keutum nei no kara wa eoya-itak ki,

I Yoannes 2:18

Nokair utara, tane anak keseke an pakihi ne: orowa, anti-kiristo ek kusu ne sekoro echi nu nisa, tane poka inne no okai anti-kiristo hetukba wa okai; tambe gusu, tane anak keseke an pakihi ne ari an ambe chi eraman ruwe ne.

I Yoannes 4:1

Aomap an utara, obitta no okai ramat pishno iteki eishokoro yan, koroka, Kamui orowa no okaibe ne ya shomo ne ya ingara kuni ne, nei ramat uwande yan: inambe gusu ne yakun, inne no okai shunge uweingara utara moshiri orota paye nisa ruwe ne gusu ne na.

Youdas 1:4

Inambe gusu ne yakun, nuina no ahup utara okai; nei utara anak ne tap aesanniyo ambe gusu fushkotoi wano aashte utara ne, shomo Kamui ko-oripak, chikoro Kamui sange irenga ani ramupekere ne kara, patek chikoro Nishpa newa Utarapa ne Yesu Kiristo shikashke utara ne ruwe ne gusu ne na.

Ekambakbe 12:15

Awa, shiwentep nai chiwe gusu amomka wa aisamka kuni ne, nei kinashutunguru anak ne koro paroho orowa no pet korachi wakka shinuma oshmake oashinge nisa ruwe ne.

Ekambakbe 12:9

Orowa, nei poro kinashutunguru, nei fushko okokko, nei Satan hene nitne kamui hene ari an reihei ani aporose ingi-moshiri uirup kokandama ambe anak ne aetopara; moshiri shirikata pakno aetopara, koro uitek utara ukotura aetopan nisa ruwe ne na.

Ekambakbe 20:2

Awa, shinuma anak ne Nitnep newa Satan ani aporose nei a kinashutunguru, nei a fushko okokko, kishima wa ashikne shine wan hotne pa uturu pakno gusu tupetupe hine nei a asam-sak-i orun eyapkire,