II Korintos 11:26 - Ashiri Aeuitaknup Iyohaichish Yona 1897

²⁶ kanna-kanna payekai an, pet gusu ayaikikipi an, ikka utara gusu ayaikikipi an, ku goro moshirʼun ukorachi an ainu gusu ayaikikipi an, oya moshirʼun utara gusu ayaikikipi an, machiya otta ayaikikipi an, nup otta ayaikikipi an, atui otta ayaikikipi an,

II Korintos 11:26 ပူးပေါင်းရင်းမြစ်များ

Apostoro ikip oma kambi 13:45

Koroka, Yudea un utara anak ne nei poro topaha nukara chiki, ikoitupa aeshik wa Pauros ye orushpe eutastasa hine koatcha nisa ruwe ne.

Apostoro ikip oma kambi 13:50

Koroka, Yudea un utara anak ne nei machiya ta okai aoripak an aainukoro shiwentep utara newa esapane okkai utara onishnishi wa Pauros newa Barnabas nei kotan okeuba kuni epokbare nisa ruwe ne.

Apostoro ikip oma kambi 14:19

Koroka, Antiok newa Ikoniom kotan wano Yudea un utara nei kotan orun araki: orowa, inne utara onishnishi okere chiki shuma ari Pauros kopiyekara, awa, shinuma rai okere ari kuni ramu gusu nei machiya wano nimba wa paye.

Apostoro ikip oma kambi 14:5

Orowa, Oya uirup newa Yudea un utara newa koro esapane utara tura wen no iki wa shuma kopiyekara gusu kopiuki kuni ambe an chiki,

Apostoro ikip oma kambi 15:40

koroka, Pauros anak ne Siras numge, aige, iriwak utara ani Utarapa korʼirenga otta aikoande wa paye nisa ruwe ne.

Apostoro ikip oma kambi 17:13

Koroka, Pauros anak ne Beroia kotan ta ne yakka Kamui itak assuru ashte wa an shiri Tessaronika kotan ta okai Yudea un utara inu chiki, nei kotan ta ne yakka araki wa inne topaha utara chiukopoyere hine utumashire nisa ruwe ne.

Apostoro ikip oma kambi 17:5

Koroka, Yudea un utara anak ne eyaitunnap ki wa gusu nupan wenbe ikichi utara koro wa topaha utara uwekarapare hine nei machiya ta sakayo hopunire; aige, Yason koro chisei kopiuki wa utara otta shinuma utara soyumbare kuni hunara ruwe ne.

Apostoro ikip oma kambi 18:12

Orowa, Gario anak ne Akaia kotan epungine wa an rapoketa, Yudea un utara shine-ikinne Pauros kopiuki gusu hopumba, aige, koipishi set kotchake un shinuma tura wa ene itak-hi :—

Apostoro ikip oma kambi 19:1

Orowa, Aporos anak ne Korintos kotan ta an rapoketa, Pauros pena un kotan kush wa Epesos kotan ta ek,

Apostoro ikip oma kambi 19:23

Tane an pakita nei Ruhu gusu shomo saure no an sakayo hopuni.

Apostoro ikip oma kambi 20:19

nupe yaikorange hene ki, Yudea un utara en gusu oshke esanniyo an gusu a en koramnukara ambe hene an wa Utarapa otta yaikushieiwangere a i echi utara yaikota echi eraman ruwe ne;

Apostoro ikip oma kambi 20:3

Orowa, shinuma anak ne nei kotan ta re chup riya chiki, samata, shinuma epokba gusu Yudea un utara anak ne esanniyo yakun, tane Siria moshiri oro peka atuitomotuye ehange gusu Makedonia akush wa boshipi kuni esanniyo nisa ruwe ne.

Apostoro ikip oma kambi 23:10

Orowa, poro sakayo bopuni chiki nei tumi-koro guru ikiri esapane guru anak ne nei utara gusu Pauros humihi apetpa kuni eishitoma gusu, tumi-koro utara rap wa nei utara tumuge wano shinuma uk wa chashi orota ahunde kuni kashpaotte nisa ruwe ne.

Apostoro ikip oma kambi 25:3

aige, shinuma Yerusarem kotan ta atak kuni ne irenga koramkoro: nei utara shinuma raige gusu ru otta numme shiriki wa okai ruwe ne.

Apostoro ikip oma kambi 27:42

Orowa, ikineipeka ika ipakashnu utura tumuge un utara ma wa paye hine kira gusu, tumi-koro utara ronnu kuni eukoramkon nisa ruwe ne.

Roma 15:19

Ashkanne Ramat kiroro ani, Oya un utara aitaknure kuni gusu Kiristo en kari ikichi ambe moshima ku ye niukesh ruwe ne; Yerusarem wano shikapneka no Iririkom orun pakno poka, uweoman no Kiristo koro pirika orushpe eupaskuma ku ki nisa ruwe ne;

Roma 8:35

Kiristo koro omap-hi wano un oyakta ande guru inan guru ne ya? Aeramchuptekbe hene ya? Yairamkoiki ambe hene ya? Aepokbap hene ya? Kem-an hene ya? Atusa ambe hene ya?

I Korintos 15:30

Nep gusu ramma ayaikikipi otta chi utara ne yakka okai ya?

I Korintos 15:32

ani an ambe ani ku ye ruwe ne. Ainu korachi Epesos kotan ta chikoikip tura ku koiki yakka, nep a en epirikarep an a? Rai-guru hetopo-ashiknure shomoki chiki, hetak, nishatta rai ash kusu ne gusu ibe hemhem ki iku hemhem ki yanro.

II Korintos 11:32

Damaskos kotan ta Moshiri shikkashima guru ne Aretas pokta an sapane guru anak ne en kishima kuni ne Damaskos un utara koro machiya shiruwande nisa ruwe ne:

Garatea 2:4

nei ambe anak nuina no aahupte shunge iriwak utara gusu an ambe ne; nei utara un usshiune utara ne akara kuni ne, Kiristo Yesu otta chikoro rengaine an nrondum nukara kuni gusu arorokishne no ahup nisa ruwe ne: