II Korintos 11:23 - Ashiri Aeuitaknup Iyohaichish Yona 1897

²³ Abraham sanikiri ne ya? Kuani ne yakka ene ani ne. Kiristo otta yaishieiwangere utara ne ya? (ramu-isam guru korachi ku ye) Kuani naa kasu no ne ruwe ne: nei utara kasu no poron no ku iki; nei utara kasu no poron no upakashnu chisei ta ku an; poron no a en shirikik mashkin, kanna-kanna rai otta ku an ruwe ne na.

II Korintos 11:23 ပူးပေါင်းရင်းမြစ်များ

Apostoro ikip oma kambi 14:19

Koroka, Antiok newa Ikoniom kotan wano Yudea un utara nei kotan orun araki: orowa, inne utara onishnishi okere chiki shuma ari Pauros kopiyekara, awa, shinuma rai okere ari kuni ramu gusu nei machiya wano nimba wa paye.

Apostoro ikip oma kambi 20:23

ouse, pishno an machiya ta Ashkanne Ramat en gusu paweteshu ki wa atupepeoktep newa aerarachuptekbe en tere shiriki ari itak ruwe ne.

Apostoro ikip oma kambi 21:11

Awa, shinuma un orun ek hine Pauros koro kut uk wa yaikota koro chikiri newa teke kane tupetupe, aige, ene hawe oka-hi :— Ashkanne Ramat ene itak-hi :— Yerusarem kotan ta okai Yudea un utara anak ne tap korachi tan kut koro guru tupetupe wa Oya utara koro teke otta ekoshi kusu ne na, ari itak.

Apostoro ikip oma kambi 25:14

Aige, inne toho uturu nei kotan ta reushi gusu, Festos anak ne nei orushpe Moshiri shikkashima guru nure hine ene itak-hi :— Ferik hoppa shine pakashnu kuni guru an:

Apostoro ikip oma kambi 27:1

Orowa, nei utara Itaria moshiri orun atuitomotuye kuni aesanniyo okere chiki, Yurios ari an reihei koro Augusta ikiri un shine kenturion otta Pauros newa moshima okai epakashnu utara ekoshi nisa ruwe ne.

Apostoro ikip oma kambi 28:16

Orowa, Roma kotan ta ahup ash yakun, Pauros anak ne i pungi tumi-koro guru samake an wa yaitura oshironmre nisa ruwe ne.

Apostoro ikip oma kambi 28:30

Orowa, shinuma ramme tu pa uturuta yaikota koro etun chisei ta oshiroma wa otta ahup obitta no okai utara shopki hine Kamui moshiri eupaskuma hemhem ki,

Apostoro ikip oma kambi 9:16

orowa, Ku rengap gusu shinuma inan otaibe gusu ramuashitnere kusu ne ya ku nukare kusu ne na.

Roma 8:36

Ayaikikipbe hene ya? Rangetam hene ya? Chieshinnuye wa an korachi poka ne :— Aokai rengap gusu to ebitta a uu ronnu wa okai, Araige kuni gusu an hitsuji chikoikip nepkoro a esanniyo an ruwe ne.

I Korintos 15:10

Koroka, Kamui irenga gusu kuani ku an korachi okaibe ku ne ruwe ne; orowa, a en koropare Shinuma koro irenga anak ne seenne raka isam no a en koropare ruwe ne sekoro anukara; koroka, obitta no okai nei utara kasu no kuani naa poron no ku monraige nisa ruwe ne na: yakka, kuani shomo ne, koroka, a en koropare Kamui irenga iki ruwe ne.

I Korintos 3:5

Yakun, Aporros anak ne nep ta? Pauros nep ta ruwe he an? Ankushkerai echi eishokoro yaishieiwangere utara ne ruwe ne; pishno pishno Utarapa shinuma kore korachi ne ruwe ne na.

I Korintos 4:1

Chi utara anak ne Kiristo koro yaishieiwangere utara, Kamui anuinap ashikkashimare utara chi ne kunak ainu un esanniyo yan.

I Korintos 4:11

Tane an pakihi pakno poka chi utara ibe-rusui hemhem ki, iku-rusui hemhem ki, atusa hemhem okai, akoshirikik wa okai,

I Korintos 4:9

Inambe gusu ne yakun, araige kuni aesanniyo utara nei no, Kamui auak ne iyotta okese ta Apostoro ne chi utara un are nisa ruwe ne sekoro ku yainu ruwe ne: moshiri gusu ne yakka, hauturumbe gusu ne yakka, utara gusu ne yakka, chi utara anak ne shibai un utara nepkoro ne akan na.

II Korintos 10:7

Echi utara anak ne echi nan kotpoketa orun ingara shiriki. Kiristo korobe ne sekoro yaioshiketa eishokoro inan guru ne yakka an chiki, yai-tura kanna-shui tambe yaikoshiramshuibarero; shinuma anak ne Kiristo korobe ne-hi korachi, chi utara ne yakka ene ani ne ruwe ne.

II Korintos 11:5

eyaishiporore yak pirika Kuani anak ne nei iyotta pase Apostoro utara gusu pon no ka pokashnu guru shomo ku ne ruwe ne ari ku yainu ruwe ne gusu ne na.

II Korintos 3:6

Shinuma ka nei ashiri uitaknup gusu upak no an yaishieiwangere utara ne kuni un kara nisa ruwe ne; anuye ikiri gusu shomo ne, koroka, nei ramat gusu ne ruwe ne; inambe gusu ne yakun, anuye ikiri anak ne raige ruwe ne, koroka, ramat anak ne shiknure ruwe ne gusu ne na.

II Korintos 4:11

Yesu koro inotu poka chikoro rai kuni kam oshiketa anukara kuni ne, ishu wa okai chi utara anak ne ramma kane Yesu rengap gusu rai-i orota aekoshi shiriki an ruwe ne.

II Korintos 6:9

son no ambe ne; shomo aeamkiri utara korachi ne a yakka, pirika no aeamkiri; rai utara korachi ne a yakka, ingarʼan, shiknu ash ruwe ne;

Garatea 6:17

Tewa no poka, nen ne yakka iteki en ramusarakka yan, inambe gusu ne yakun, Yesu koro kochihi ku netobake otta ku sei ruwe ne gusu ne na.

Epesos 3:1

Tambe gusu, Oya utara echi utara rengap gusu Kiristo Yesu koro apakashnu guru Pauros ku ne anak,

Epesos 4:1

Tambe gusu, Utarapa gusu apakashnu guru kuani anak ne, echi okai utara yaieoripakka hene ki, ramushiroma hene ki, ramushiporore hene ki, uwe-utashpa omap hene ki hine uwe-eyai-shiporore hene ki,

Epesos 6:20

nei ambe gusu shomo ehonnai no ku ki wa ku ye kusu ne ap korachi ku ye kuni ne, en gusu koramkoro yan; nei ambe gusu kani shinkop eok ateshkara guru ku ne ruwe ne na.

Piripoi 1:13

Kiristo gusu ku tupep anak ne esapane guru epungine obitta no okai tumikoro utara otta hemhem, obitta no okai moshima utara otta hemhem anukarape pakno an ap ne; orowa,

Piripoi 2:17

Ruwe un, echi koro eishokor-i gusu an ayangep newa yaishieiwangere ambe gusu a en enomi chiki, ku nupetne, obitta no okai echi utara tura ramu-ritetke ruwe ne:

Korosai 1:24

Tane anak ne echi utara gusu ku iki yai ramshitnere arabe ku enupetne ruwe ne, aige, kuani anak Kiristo iki aeramchuptekbe eikohaye ambe karisia ne Shinuma kon netobake gusu ku kara otta kashi iyo wa upakte ruwe ne;

Korosai 1:29

nei arabe gusu poka kuani anak, en onnaigeta kiroroashnu no iki, Shinuma kara arabe nei no kiroro yupu hine ku monraige ruwe ne.

I Tessaronike 3:2

aige, echi roshkire hemhem ki, echi iki eishokor-i gusu aomaoma hemhem ki gusu, Kiristo koro pirika shongo gusu Kamui otta yaishieiwangere guru chikoro iriwak ne Timoteos echi orun arapare nisa ruwe ne;

I Timoteos 4:6

Eani anak ne tapan okaibe iriwak utara eshkarunde chiki, Kiristo Yesu koro pirika diakonos e ne wa, eishokor-i gusu an itak otta hemhem, e iki pirika epakashi otta hemhem areshpa guru e ne kusu ne na:

II Timoteos 1:16

Onesiporos koro uni un utara Utarapa erampokiwen wa kore kuni ku koramkoro; inambe gusu ne yakun, shinuma anak ne kanna-kanna en sambe shiturire nisa, orowa,

II Timoteos 1:8

Tambe gusu chikoro Utarapa gusu an paweteshu ambe hene, Shinuma gusu upakashnu chisei ta an guru ne kuani gusu hene iteki yainikoroshma yan: koroka, Kamui kiroro nei no an pirika shongo tura wenbe gusu eyairamkoiki yan;

II Timoteos 2:9

nei shongo gusu wen-buri ki guru korachi a en tupetupe wenbe eyairamshitne wa an na; koroka, Kamui itak anak ne atupetupe shomoki ruwe ne.

II Timoteos 3:11

ku omap ambe, ku yaiyupupu ambe, a en epokba ambe, aeyairamshitnere ambe e ikoisamba nisa ruwe ne; Antiok kotan ta, Ikoniom kotan ta, Rustra kotan ta en gusu nep okaibe hetuku ya; nep aepokba ambe ku eyaishiporore ya: aige, obitta nei okaibe orowa no Utarapa en ohaitare nisa ruwe ne.

Pirimon 1:9

Kiristo oshiketa, nep rametokkorobe ka ku goro yakka, omap ambe ankushkerai ku onishnishi ash ruwe ne, onne Pauros ku ne gusu, samata, tane Kiristo Yesu koro epashkanu guru ku ne wa gusu ne na:

Hebraios 10:34

Inambe gusu ne yakun, echi utara anak ne atupetupe an utara erampokiwen wa kore hemhem ki yaikopuntek no yaikota korobe akoisamka ambe eshiporore hemhem ki nisa, echi utara yaikota naa pirika newa riya an okaibe echi koro ambe echi eraman ruwe ne gusu ne na.