II Korintos 11:15 - Ashiri Aeuitaknup Iyohaichish Yona 1897

¹⁵ Tambe gusu, shinuma otta yaishieiwangere utara ne yakka oupeka ambe otta yaishieiwangere kuni nep yainere chiki poro ambe shomo ne; nei utara gusu an okake an ambe anak ne koro ikichi ikip nei no an ambe ne ruwe ne.

II Korintos 11:15 ပူးပေါင်းရင်းမြစ်များ

Apostoro ikip oma kambi 13:10

Obitta no okai irarape newa obitta no okai wenbe newa ani aeshik, nitne kamui koro poho, obitta no okai oupeka ambe epokba guru, Utarapa koro oupeka ruhu ohaitare kuni ambe shomo e okere kusu ne ya?

Roma 2:6

Shinuma anak ne obitta no okai utara iki ikip an korachi pishno pishno koropare kusu ne;

Roma 3:8

Orowa, shui, (un ohaigekara wa) — Pirikap ahetukure gusu, wenbe ki yanro — (sekorʼan itak ani chi ye ruwe ne sekoro ye utara itak korachi) — nep gusu shomo chi ki ya? Nei utara gusu an aesanniyo-hi anak ne oupekap ne ruwe ne na.

I Korintos 9:11

Echi utara gusu ramat unbe chi etoita chiki anak ne echi koro kam unbe chi nange yak porobe ne ruwe he an?

II Korintos 11:13

Inambe gusu ne yakun, nei no okai utara anak ne chinore apostoro ne, kokandama ikichi utara ne, Kiristo koro Apostoro nep kuni ne yaikota yainere utara ne ruwe ne gusu ne na.

II Korintos 11:23

Abraham sanikiri ne ya? Kuani ne yakka ene ani ne. Kiristo otta yaishieiwangere utara ne ya? (ramu-isam guru korachi ku ye) Kuani naa kasu no ne ruwe ne: nei utara kasu no poron no ku iki; nei utara kasu no poron no upakashnu chisei ta ku an; poron no a en shirikik mashkin, kanna-kanna rai otta ku an ruwe ne na.

II Korintos 3:9

Inambe gusu ne yakun, katpak kore gusu an aeiwangere ambe anak ne nupeki ne chiki, oupekare gusu an aeiwangere ambe anak nupeki gusu kasu no nuye an no nupeki-ushbe ne ruwe ne.

Epesos 6:12

Inambe gusu ne yakun, chi ki ukotereke ambe anak ne kem newa kara tura ikip shomo ne, koroka, esapanep tura hene, mondum korobe tura hene, tapan kunne-i moshiri esapanep tura hene, kando un ushiketa okai wen ramat tura hene ukotereke ambe ne ruwe ne.

Piripoi 3:19

nei utara okere-i anak ne aisamka ambe ne, koro Kamui anak koro honihi ne, aeyainikoroshma kuni ambe iramye, nioshirʼotta okaibe esanniyo ruwe ne.

II Petros 2:3

Orowa, yaikoshipuinere ki wa shiwayashnure itak ani echi iraugetupa kusu ne; nei utara gusu an aesanniyop anak ne fushko wano tane poka tere shomoki, koro aisamka-i mokoro shomoki ruwe ne.

Youdas 1:4

Inambe gusu ne yakun, nuina no ahup utara okai; nei utara anak ne tap aesanniyo ambe gusu fushkotoi wano aashte utara ne, shomo Kamui ko-oripak, chikoro Kamui sange irenga ani ramupekere ne kara, patek chikoro Nishpa newa Utarapa ne Yesu Kiristo shikashke utara ne ruwe ne gusu ne na.

Ekambakbe 13:14

Aige, nei chikoikip kotchaketa akire kuni gusu an shirosh ankushkerai shinuma anak ne moshiri kata oshiroma utara kokandama; nei a rangetam eshirikik piri koro wa shiknu chikoikip gusu nokaha kara kuni ne moshiri kata oshiroma utara otta ye ruwe ne.

Ekambakbe 13:2

Aine ku nukara chikoikip anak ne hyo chikoikip nepkoro ambe ne, chikiri anak chiramantep korobe ukoheraye, koro paro anak ne shishi koro paro korachi nep: orowa, nei kinashutunguru anak ne yaikota koro kiroro newa amset newa poro mondum newa shinuma otta koropare nisa ruwe ne.

Ekambakbe 9:11

Orowa, nei utara okkeu kashita an sapanep anak ne asam-sak shui koro hauturumbe ne; Hebraios un itak ne chiki kon reihei Abaddon ne ruwe ne, Herenes un itak ani aye chiki Aporrion ne ruwe ne.