II Korintos 1:6 - Ashiri Aeuitaknup Iyohaichish Yona 1897

⁶ Koroka, chi utara anak ne aeramchuptekka chiki echi aomaoma kuni gusu hene echi kashiaobiuki kuni gusu hene an ambe ne; shui, chi utara aomaoma an chiki, nei ambe anak chi utara poka iki ukorachi an aeramchuptekbe echi ramu-shiroma no eyaishipororere kuni gusu an omaoma ambe ne ruwe ne gusu ne na:

II Korintos 1:6 ပူးပေါင်းရင်းမြစ်များ

Apostoro ikip oma kambi 21:5

Orowa, nei toho auweomare chiki, chi hopumba ash wa payekai nisa; aige, nei utara obitta, koro machi newa poho utara tura, nei machiya soyumba wa akohoppa pakno un rura: awa, atui-sam kata kokkaerok hine inonno-itak ash,

Roma 8:28

Orowa, Kamui ko-omap utara gusu obitta no okaibe anak ne utura no iki wa pirikap ne ruwe ne sekoro chi eraman; aesanniyo nei no anishuk utara gusu poka ene ani ne ruwe ne.

II Korintos 1:4

ani chi utara Kamui orowa no aomaoma an nunuke ambe ari, nep aeramchuptek utara chi omaoma eashkai kuni ne, nep aeramchuptekbe chi ki a yakka Shinuma un omaoma ruwe ne.

II Korintos 12:15

Orowa, echi koro keutum gusu kuani ara yaikopuntek no ku eiwange hemhem ki, a en eiwangere kuni hemhem ku ki kusu ne. Naa eikaun no kuani echi omap ash yakun, naa pokashnu no a en omap an ruwe he an?

II Korintos 5:5

Tap an ambe gusu un kara guru anak ne Kamui ne ruwe ne, aige, Shinuma anak Ramat emkoso un kore nisa ruwe ne na.

Epesos 3:1

Tambe gusu, Oya utara echi utara rengap gusu Kiristo Yesu koro apakashnu guru Pauros ku ne anak,

Epesos 3:13

Tambe gusu, echi utara gusu ku ki aerarachuptekbe gusu iteki echi ramurai kuni ku koramkoro; nei ambe anak ne echi gusu an nupeki ne ruwe ne gusu ne na.

Piripoi 1:19

Inambe gusu ne yakun, tap okaibe anak ne echi koro ki koramkorobe newa Yesu Kiristo kon Ramat ikashui ambe an gusu en kashiobiuki kusu ne na,

II Timoteos 2:10

Tambe gusu, anumge wa okai utara gusu obitta no okaibe ku eyaishiporore ruwe ne, nei utara ne yakka Kiristo Yesu tura otusashuishiri pakno an arakuru ne kashiobiuki ambe akore kuni gusu ne na.