II Korintos 1:20 - Ashiri Aeuitaknup Iyohaichish Yona 1897

²⁰ Inambe gusu ne yakun, Kamui eitakamkire ambe anak ne nei oro pakno inne ne a yakka, Shinuma oshiketa nei ambe anak “ruwe un” ne ruwe ne gusu ne na: tambe gusu chi utara gusu Kamui arakuru ankushkerai, Shinuma gusu ne yakka “Amen” ari an ambe an ruwe ne na.

II Korintos 1:20 ပူးပေါင်းရင်းမြစ်များ

Iyohaichish 102:16

Ehoba anak ne Zion kanna kara, Koro nupeki otta yainukare nisa;

Iyohaichish 72:17

Shinuma reihei anak ne otusashuishiri pakno an; Shinuma reihei anak ne tokap chup an pakno an kusu ne: Orowa, utara anak ne Shinuma gusu anunuke an; Obitta no okai moshiri uirup anak ne Shinuma anupetnerep ne sekoro ye kusu ne na.

Mattaios 6:13

Chi utara anak ne iteki akoramnukara kuni ne ki wa un kore; koroka wenbe orowa no un ohaitare wa un kore.

Roukos 2:14

Iyotta rikun kando otta an Kamui orun nupeki an, Moshiri kata okai pirika irenga koro utara otta itomo an na, seko-ran itak ani ye nisa ruwe ne.

Yoannes 1:17

Tuitak anak ne Mose ani akoropare nisa ruwe ne; irenga newa son-i anak Yesu Kiristo ani ek nisa ruwe ne.

Yoannes 14:6

Orota Yesu ene itak-hi :— Kuani anak ne ruhu ne, sonep ne, inotu Ku ne ruwe ne; En kari shomoki no Michi orun ek guru isam ruwe ne.

Yoannes 3:5

Yesu ene ese-hi :— Son no, son no e otta Ku ye, Ainu anak ne wakka newa Ramat ani hekatu shomoki chiki Kamui moshiri orun ahun eaikap ruwe ne.

Roma 11:36

Inambe gusu ne yakun, Shinuma orowa, Shinuma gusu, Shinuma otta obitta no okaibe okai ruwe ne na. Otusashuishiri pakno ne yakka Shinuma otta arakuru an na. Amen.

Roma 6:23

Inambe gusu ne yakun, katpak gusu an pummaha anak ne rai ambe ne ruwe ne; koroka, Kamui sange eikrap anak ne chikoro Utarapa ne Yesu Kiristo otta ramma pakno shiokere shomoki inotu ne ruwe ne gusu ne na.

I Korintos 14:16

Ramat ani e nunuke chiki, eram-sak nepkoro an guru e ye itak ikkeu erampeutek gusu, nekon a iki wa e koyaiiraige ita shinuma anak ne Amen ari itak ya?

II Korintos 4:15

Inambe gusu ne yakun, obitta no okaibe anak ne echi rengap gusu an ambe ne, tambe anak nei irenga inne utara gusu naa nuye an no akara wa Kamui arakuru ankushkerai koyaiiraige ambe aporore kuni gusu an ambe ne ruwe ne.

II Korintos 4:6

Yesu Kiristo koro nanuhu otta Kamui nupeki gusu an eramanbe oma pekere koropare kuni gusu chikoro keutum ta pekere kotomka Kamui anak ne kunne-i wano pekere at kusu ne, ari an itak ani ye Kamui ne ruwe ne gusu ne na.

Garatea 3:22

Koroka, Yesu Kiristo eishokoro gusu an eitakamkirep anak ne eishokoro ki utara otta akoropare kuni ne, Kamui kambi-sosh anak obitta no okaibe otta chikokatpak kashiomare nisa ruwe ne na.

Epesos 1:6

awa, Shinunra koro Omap an guru gusu un otta nuye an no koropare arakuru newa irenga gusu ramuaye kuni ne koro keutum pirikap rengaine ambe an korachi nei no ki nisa ruwe ne na:

Epesos 2:7

tambe anak iyoshi no ek paha ikiri ta Kiristo Yesu oshiketa okai un epeka no an irenga newa iyeramuhauge ambe shi no nuye an no an ambe un nukare kusu ne okaibe ne:

Korosai 1:27

Oya utara tumugeta tapan mukkep gusu an arakuru koro oteknu-hi eramande kuni ap Kamui keutum ne, nei ambe anak arakuru echipachipare ambe ne, echi oshiketa an Kiristo ne ruwe ne na:

II Tessaronike 1:10

Utarapa koro nanuhu newa Shinuma koro kiroro oma nupeki orowa no otusashuishiri pakno akoisamka kusu ne na.

Hebraios 11:13

Tapan obitta no okai utara anak ne aeitakamkire ambe shomo uina no eishokor-i atte wa raipa nisa, koroka ehangeko no nei ambe ingara wa ekap, aine, nei utara moshiri koapkash wa oya utara ne payekai utara ne kunak ye nisa ruwe ne.

Hebraios 13:8

Yesu Kiristo anak ne numan ne yakka tanto ne yakka otusashuishiri pakno ne yakka upakitara an na.

Hebraios 7:6

koroka, nei utara orowa no san ikiri shomo ne an guru anak ne Abraham orowa no wanbe un shinep uina, aige, eitakamkirep akore guru shinnunuke nisa ruwe ne.

I Petros 1:12

Kando orowa no aette Ashkanne Ramat ani echi orota pirika shongo eupaskuma ki utara ankushkerai echi anure tan okaibe yaikota gusu ki shomoki no, echi utara gusu ki ruwe ne ambe nei utara aeramande nisa ruwe ne na; Kamui hauturumbe nei okaibe esanniyo rusui nisa ruwe ne na.

I Yoannes 5:11

Orowa, nei aki paweteshu ambe anak ne tambe ne, Kamui un otta shiokere shomoki inotu un koropare, orowa, tan inotu anak ne Shinuma koro Poho otta an ruwe ne Nei Poho koro gurʼanak ne nei inotu koro;

Ekambakbe 3:14

Orowa, Raodikeia kotan ta an karisia koro hauturumbe gusu ene nuye yan; Nei a Amen, nei a oupeka newa sonep ne an paweteshu ki guru, nei a Kamui karape atpake an guru tap okaibe ye-hi:

Ekambakbe 7:12

Anunuke ambe hene, arakuru hene, wayashnu ambe hene, yaiiraige ambe hene, aeoripak ambe hene, tumashnu ambe newa kiroro anak ne shashuishiri wano shashuishiri pakno chikoro