II Korintos 1:14 - Ashiri Aeuitaknup Iyohaichish Yona 1897

¹⁴ aine, Utarapa ne Yesu toho ta echi utara gusu chi utara yaiomonnure korachi chi utara ne yakka echi utara gusu yaiomonnure kuni ne, echi utara poka sereke gusu en eraman ruwe ne gusu ne na.

II Korintos 1:14 ပူးပေါင်းရင်းမြစ်များ

Roma 11:25

Iriwak utara, ika yaikota gusu echi yaikowayashnure kuni gusu tan anuinap aerampeutek kuni ku kopan, Oya un aahupte utara aeramushinnere pakno Israeru un sereke utara ana kne aenishtere ruwe ne;

I Korintos 1:8

echi utara anak ne chikoro Utarapa ne Yesu Kiristo toho ta wen-buri sak no ka okai kuni ne Shinuma anak okese pakno echi tumashnure kusu ne na.

I Korintos 11:18

Hoshiki no, karisia otta echi uwekarapa ita, echi tumugeta eukopi an sekoro ku nu: orowa, kuani pon no nei ambe ku eishokon ruwe ne.

I Korintos 15:31

Iriwak utara, Chikoro Utarapa ne Yesu Kiristo otta echi utara rengap ani ku yaikopuntek gusu, kesto ku rai ruwe ne,

II Korintos 2:5

Koroka, ramusarakka guru an chiki, shinuma en ramusarakka shomoki, koroka, (yupke kashpa shomo ku ki gusu) sereke ne yakun, obitta no okai echi utara ramusarakka nisa ruwe ne na.

II Korintos 5:12

Chi utara anak ne kanna-shui echi otta yaieamkire shiri shomo ki, koroka, soige wa yaiomonnure wa keutum ta iki shomoki utara orun ese itak echi ki eashkai kuni ne,

II Korintos 9:2

inambe gusu ne yakun, echi ki rusui kat ku eraman, aige, echi utara gusu Makedonia kotan un utara otta ku yaiomonnure ki, awa, Akaya kotan anak shine pa etoko wano etokooiki pakno ne; samata, echi koro seisek no iki keutum anak ne nei utara tumta okai inne utara paraparasere nisa ruwe ne gusu ne na.

Piripoi 1:10

obitta no okai ramepakari otta hene aporore wa iyotta pirika okaibe echi esanniyo kuni ne ruwe ne;

Piripoi 1:26

tambe anak ne shui kuani echi tura no ku an hine ku rengap gusu Kiristo Yesu oshiketa naa kasu no echi ramuritetke wa okai kuni gusu ne na.

Piripoi 1:6

echi oshiketa pirika ikip heashire Kamui anak ne Yesu-Kiristo koro toho pakno nei ambe eramushinnere kusu ne a ambe,

Piripoi 2:16

kuani raka sak no shomo ku hoyupu, raka sak no shomo ku monraige wa, Kiristo koro toho ta kuani yaiomonnure ushike an kuni ne nei no ki yan.

Piripoi 4:1

Tambe gusu, aomap an, aeyaikatekara an, ku nupetne arabe, ku sapa-umbe ne iriwak utara, tap korachi akoro omap an utara Utarapa otta roshki yan.

I Tessaronike 3:13

tambe anak ne chikoro Utarapa ne Yesu obitta no okai koro ashkanne utara tura no ek ita, Shinuma anak chikoro Kamui newa Michihi kotchaketa ashkanne arabe gusu oheuge-sak no echi koro sambe ashte kuni gusu an arabe ne.

I Tessaronike 5:23

Orowa, itomo irenga koro Kamui yaikota anak echi ebitta ashkannere kusu ne; samata, (chikoro Utarapa ne Yesu Kiristo ek pakno) echi kon ramat newa keutum newa netobake anak ne turu-sak no ramne no akoshiratki kuni akoramkoro.