Hebraios 9:14 - Ashiri Aeuitaknup Iyohaichish Yona 1897

¹⁴ shashuishiri pakno an Ramat gusu opiri sak no Kamui otta yaikota yaiyange Kiristo koro kem anak ne echi utara ishu Kamui otta yaishieiwangere gusu echi koro keutura ta okai rai an ikip ashkannere kuni naa kasu no shomoki ruwe he an?

Hebraios 9:14 ပူးပေါင်းရင်းမြစ်များ

Iyohaichish 51:2

Ku goro wen-buri gusu ara en furaye wa en kore, Ku goro katpak gusu en ashkannere wa en kore.

Mattaios 12:28

Koroka, Kuani anak ne Kamui Ramat ani nitnep soyumbare yakun, Kamui moshiri echi orota ek wa an ruwe ne.

Mattaios 16:16

Simon Petros ese wa ene itak-hi :— Aokai anak ne Kiristo ne: Ishu Kamui koro poho E ne ruwe ne, ari itak.

Mattaios 20:28

tambe korachi Ainu Poho anak ne moshima guru eiwange kuni ne ek ka shomo ne, yaishieiwangere kuni gusu ek ruwe ne; orowa, inne utara kikiraye gusu kon ramat kore gusu ek nisa ruwe tapan na.

Mattaios 7:11

Wen buri koro echi utara ne yakka pirika eikrap koro poho otta koropare katu aramu yakun, kasu no kando otta an echi koro michihi anak ne koramkoro guru otta pirikap shomo koropare ruwe he an?

Roukos 1:74

Chi rai pakno turu-sak wa oupeka no Shinuma tek samata okai wa

Roukos 12:24

Paskuru chikap esanniyo yan, nei okaibe toita shomoki, nange ka shomoki; eumashnu tumbu hene pu hene sak ruwe ne; Kamui anak ne nei ambe ibere ruwe ne: chikap kasu no hemanda ataye shiri echi okai!

Roukos 12:28

Koroka, Kamui anak ne tanto nup otta okai wa nishatta abe sokot oshiketa aeyapkiri mon katap nei no mire chiki, nei akkari echi okai utara shomo ne ya, aa eishokor-i pon utara?

Roukos 4:18

Utarapa kon Ramat en kashiketa an, Tambe gusu, otek-sak utara otta pirika shongo eupaskuma kuni ne en kashiota nisa ruwe ne gusu ne na: Ashikkashima wa okai utara otta apita katu hemhem, Shiknak utara otta pekere nukare katu hemhem ku nure, Piri-ao utara ku honnere,

Yoannes 3:34

Inambe gusu ne yakun, Kamui orowa no aomande gurʼanak ne Kamui itak ye: Shinuma anak pakari wa Ramat kore shomoki ruwe ne gusu ne na.

Apostoro ikip oma kambi 1:2

Shinuma arikinde toho pakno kara hemhem ki epakashnu hemhem ki heashire obitta no okaibe gusu ku nuye nisa ruwe ne:

Apostoro ikip oma kambi 10:38

Shinuma anak ne Nazaret un Yesu ne, Kamui anak ne kiroro newa Ashkanne Ramat Shinuma kashiketa ota nisa ruwe ne: orowa, Shinuma pirikap iki wa apkash hine nitne kamui ashikatkare utara iwangere nisa ruwe ne; Kamui Shinuma tura no an ruwe ne gusu ne na.

Apostoro ikip oma kambi 14:15

Nishpa utara, hemanda gusu tap ambe echi ki ya? Chi utara ne yakka echi utara korachi shinep ne an oibe koro utara chi ne, aine, pirika orushpe echi nure kuni utara chi ne, echi utara tap okai raka isambe oyakta ande wa kando newa toitoi newa atui newa otta okaibe obitta kara ishu Kamui orun echi hosarire kuni ki utara chi ne:

Apostoro ikip oma kambi 15:9

aige, nei utara newa chi utara gusu shinnai no are shomoki no eishokor-i ani koro keutura ashkannere.

Roma 1:20

Inambe gusu ne yakun, moshiri akara orowa no an Shinuma koro anukara eaikapbe anak ne irammakaka anukara wa okai, akara wa an okaibe gusu aeramu ambe ne ruwe ne gusu ne na; Shinuma koro otusashuishiri pakno an kiroro newa Kamui-oibe ne; tambe gusu, ne i utara gusu yayapapu ki eashkai gusu an ushike ka isam ruwe ne:

Roma 1:4

mondum koro Kamui Poho ne ani aesanniyo;

Roma 11:12

Aige, nei utara eikohaye ambe anak ne moshiri oteknure ambe ne chiki, orowa, nei utara so no ki-hi anak Oya un utara oteknure ambe ne a chiki; naa kasu no hembak pakno nei utara aeupakte-hi?

Roma 11:24

Inambe gusu ne yakun, rengaine an buri gusu nupuri un kanran chikuni orowa no aotuye, aige, gusu shomo rengaine an kunip an no pirika kanran chikuni otta e aukonishishkere chiki: hemanda naa kasu no tan rengaine gusu an ap yaikota koro kanran chikuni otta aukonishishkere shomoki ya?

Roma 6:13

shui, oupeka-sakbe ki kuni gusu an eshipopkep nei no iteki echi koro awehe katpak otta koropare yan; koroka, rai-i orowa no shiknu korachi Kamui otta yaikota yaiyange, orowa, oupekap ki kuni gusu an eshipopkep nei no echi koro awehe Kamui otta yange yan.

Roma 6:22

Koroka, tane katpak gusu ahonnere utara chi ne wa Kamui uitek utara echi ne gusu, ashkannere-i gusu an ibehe echi koro, nei oro hetukup anak ne shiokere shomoki inotu ne ruwe ne.

I Korintos 15:45

Ene anuye wa an korachi :— Hoshike no an Ainu ne Adam anak ne shiknu ramat ne. Iyoshi no an Adam anak shiknure ramat ne ruwe ne.

II Korintos 5:21

Chikokatpak eramushkare guru anak ne chi utara gusu akokatpakbe ne akara; tambe anak ne chi utara shinuma oshiketa Kamui oupeka ambe ne akara kuni gusu ne na.

II Korintos 6:16

Orowa, Kamui kora kenru anak ne potoki-noka tura nepi uweramuoshmap an a? Inambe gusu ne yakun, chi utara anak ne ishu Kamui kora kenru chi ne; Kamui ene ye-hi poka korachi ne, — Kuani anak ne nei utara oshiketa Ku oshiroma, oshiketa Ku apkash kusu ne; aige, kuani nei utara koro Kamui ku ne kusu ne, orowa,

Garatea 2:19

Inambe gusu ne yakun, Kamui gusu ku ishu kuni ne, tuitak ankushkerai gusu tuitak epeka ku rai nisa ruwe ne.

Epesos 2:5

poro omap-i ani un omap poka hi hine, Kiristo tura un shiknure nisa ruwe ne (irenga ankushkerai gusu echi utara kashiaobiuki nisa ruwe ne),

Epesos 5:2

Kiristo ne yakka echi omap wa un rengap gusu niwa hura an aikrap newa ayange kunip gusu Kamui otta yaikota yaiyange korachi ki yan.

I Tessaronike 1:9

Inambe gusu ne yakun, nei utara yaikota ye wa nekon a chi ki hine echi tumugeta ahup ash ya un gusu assuru ashte ruwe ne: samata, ishu newa son no an Kamui gusu yaishieiwangere hemhem ki, kando orowa no ek Shinuma koro Poho untere hemhem ki kuni ne potoki echi emakba wa Kamui orun hosari an ambe ye nisa ruwe ne;

I Timoteos 1:17

Tane, otusashuishiri pakno an, munin shomoki, anukara eaikap, patek Kamui ne, Moshiri shikkashimap otta aeoripakbe newa arakuru newa ramma-ramma an na. Amen.

I Timoteos 3:15

koroka, ohon no uturuta shomo ku ek yakun, Kamui kora kenru ta ainu utara anak ne nekon a iki yak pirika ya e eraman kuni gusu ne na, nei ambe anak ne ishu Kamui koro karisia ne, sonep gusu an ikushpe newa asamaha ne ruwe ne.

Titus 2:14

Shinuma anak ne obitta no okai ikashpaotte otereke ambe orowa no un kikiraye hemhem ki, pirika ikip shiarikiki no iki yaikota korope ne gusu utara turu-sakte hemhem ki kuni ne yaiyange nisa ruwe ne na.

Hebraios 1:3

Shinuma anak ne Kamui nupeki oma tomtep ne, Kamui katuhu oma son no nokaha ne, koro kiroro an itak ani obitta no okaibe nitatpa ruwe ne; Shinuma anak ne chikoro katpak gusu furaye ambe ki okere chiki, rik un pasep shimon samata a nisa ruwe ne;

Hebraios 10:10

Tap ambe ani Yesu Kiristo kon netobake arashui no ayange okere gusu, chi utara anak ne aashkannere nisa ruwe ne na.

Hebraios 10:12

koroka, Shinuma anak ne arashui no katpak gusu shine ayange kunip yange okere chiki, Kamui shimon-tek samata ramma gusu a nisa ruwe ne na;

Hebraios 10:2

Shomo ne chiki, nei ambe ayange kuni-hi aokere shomoki kusu ne a ambe ne, inambe gusu ne yakun, nei Kamui ko-ongami ki utara anak ne arashui no aashkannere wa naa katpak gusu an yaikowepekere keutum sak ruwe ne gusu ne na.

Hebraios 10:22

chi utara anak ne eishokor-i eshik wa son no keutum ani, keutum oma wen yainu-hi gusu akochari wa ashkanne wakka ani chikon netobake ayashke hine karange no araki yanro:

Hebraios 11:21

Eishokor-i an gusu Yakob anak ne, rai shiri an rapoketa, Yosep koro poho utara pishno shinnunuke nisa; aige, koro kanni sapa eyaikopashte hine ongami nisa ruwe ne.

Hebraios 13:12

kash-tai soita uhuyeka ruwe ne. Tambe gusu, Yesu ne yakka, yaikota koro kemihi ani utara ashkannere kuni ne, apa soigeta aeyairamshitnere nisa ruwe ne.

Hebraios 3:12

Iriwak utara, ikineipeka nenka echi tumugeta an guru anak eishokor-i sak wen keutum koro bine ika ishu Kamui wano eyaishishire kuni ne yaitubare yan: koroka,

Hebraios 6:1

Tambe gusu, Kiristo atpake an itak moshima no an wa aeramushinne an ap shikkashima anro; rai an ikip gusu shui yaikokatpak asamaha hemhem,

Hebraios 7:16

Kamui otta yaishieiwangere guru hetuku yakun, tap okaibe naa aeramu-isaikap ne.

Hebraios 7:27

Shinuma anak ne hoshike no yaitota koro chikokatpak gusu, orowa no nei okaketa utara korobe gusu, nei Kamui otta yaishieiwangere iyotta pase utara korachi kesto range ayange kunip yange tuni guru shomo ne; inambe gusu ne yakun, Shinuma yaikota yaiyange ita arashui patek iki nisa ruwe ne gusu ne na.

Hebraios 9:12

samata, shomo yangi newa pon beko koro kem gusu, koroka, yaikota koro kem ani shashuishiri pakno an kikiarayep kara wa arashui no nei ashkanne ushike otta ahun nisa ruwe ne na.

Hebraios 9:26

Shinuma kanna-kanna yaiyange shomoki ruwe ne; shomo ne yakun, moshiri akara wano tane pakno Shinuma kanna-kanna ayairamshitnere nangoro: koroka, tane moshiri paha okese an paha ta Shinuma yaikota yaiyange wa kat-pak isamka kuni ne arashui no anukan nisa ruwe ne na.

Hebraios 9:7

koroka, shine pa ta arashui range, kem sak shomoki no, nei Kamui otta yaishieiwangere iyotta pase guru anak shinen ne nei tutanup orun ahun ruwe ne, aige, yaikota gusu hemhem uirup koro, ouhaitap gusu hemhem nei ambe yange ruwe ne:

Hebraios 9:9

tane an pakihi ta anak tap okaibe itak-maukushtep ne; nei ambe an korachi keutum gusu Kamui koongami ambe eramushinnere eaikap no an akorep ne yakka yange kunip ne yakka eyange ruwe ne,

I Petros 1:19

koroka, turu-sak no echi-sak no an pon hitsuji korachi an Kiristo koro nupuru kem ani poka echi kikiaraye an na:

I Petros 2:22

Shinuma anak ne katpak seenne ki, koro paro otta kokandama ambe ne yakka anukara shomoki nisa ruwe ne:

I Petros 2:24

Shinuma yaikota kon netobake oshiketa chikoro chikokatpak koro hine chikuni otta sei wa arapa, nei ambe anak ne chi utara katpak otta rai wa oupekap otta shiknu gusu ne a ambe ne; Shinuma akore shirikik-hi gusu echi utara aiwangere nisa ruwe ne.

I Petros 3:18

Inambe gusu ne yakun, Kiristo anak ne Kamui otta un tura kuni ne arashui no katpak gusu ramshitnere nisa ruwe ne, tambe anak oupeka sak utara shirine oupeka an guru aeyairamshitnere ambe ne; Shinuma anak ne kara gusu araige, koroka,

I Petros 4:2

tambe anak ne echi utara tewa no poka utara koro eikaunu ambe gusu kara otta shomo echi utara ishu, koroka, Kamui irenga nei no ki wa moshiri echi ko-ishu kuni gusu ne na.

I Yoannes 1:7

koroka, Shinuma anak ne pekere otta an korachi chi utara ne yakka pekere otta apkash yakun uwe-utashpa uwekookai ruwe ne, orowa Shinuma koro poho Yesu koro kem anak ne obitta no okai chikoro katpak isamka wa un ashkannere ruwe ne.

I Yoannes 3:5

Orowa, Shinuma anak ne katpak sei kuni gusu anukan nisa ruwe ne sekoro echi eraman; orowa, Shinuma oshiketa katpak isam ruwe ne.

Ekambakbe 1:5

orosama, ikipniukesh paweteshu ki, rai guru orowa no hoshiki no ahetukure, moshiri shikkashima utara epungine Yesu Kiristo orowa no hemhem, echi utara gusu irenga newa itomo an na. Un omap hemhem ki, koro kem ani chikoro katpak gusu un furayepa hemhem ki: