Hebraios 8:4 - Ashiri Aeuitaknup Iyohaichish Yona 1897

⁴ Aine, Shinuma anak ne kanna moshiri ta an yakun,. Kamui otta yaishieiwangere guru shomo ne, inambe gusu ne yakun, tuitak nei no akorep yange kuni utara okai;

Hebraios 8:4 ပူးပေါင်းရင်းမြစ်များ

Hebraios 10:11

Orowa, Kamui otta yaishieiwangere pishno okai uitek guru anak ne son no kesto ash wa iki hine kannakanna ukorachi an ayange kunip yange ruwe ne; nei ambe oara katpak isamka eaikapbe ne ruwe tapan na:

Hebraios 11:4

Eishokor-i an gusu Aberu anak ne Kain kasu no eetasa pirika yange kunip Kamui otta yange nisa, nei ambe ankushkerai Shinuma anak oupeka guru ne sekoro otta paweteshu an, aige, shinuma ayangep epeka Kamui paweteshu ki, aine, nei guru rai okere yakka nei ambe gusu itak sange ruwe ne.

Hebraios 5:1

Inambe gusu ne yakun, pishno okai Kamui otta yaishieiwangere iyotta pase guru anak ne, ainu utara tumuge wa auk hine Kamui gusu an okaibe gusu ainu utara ankushkerai aatte ruwe ne, nei ambe anak chikokatpak gusu akorep newa ayangep yange kuni gusu ne na:

Hebraios 7:27

Shinuma anak ne hoshike no yaitota koro chikokatpak gusu, orowa no nei okaketa utara korobe gusu, nei Kamui otta yaishieiwangere iyotta pase utara korachi kesto range ayange kunip yange tuni guru shomo ne; inambe gusu ne yakun, Shinuma yaikota yaiyange ita arashui patek iki nisa ruwe ne gusu ne na.

Hebraios 8:3

Inambe gusu ne yatun, Kamui otta yaishieiwangere obitta no okai iyotta pase guru anak ne akorep newa ayangep yange kuni aatte ruwe ne; tambe gusu, Kamui otta yaishieiwangere tan guru ne yakka nep ka yange kunip koro kuni ambe ne.

Hebraios 9:9

tane an pakihi ta anak tap okaibe itak-maukushtep ne; nei ambe an korachi keutum gusu Kamui koongami ambe eramushinnere eaikap no an akorep ne yakka yange kunip ne yakka eyange ruwe ne,