Hebraios 8:10 - Ashiri Aeuitaknup Iyohaichish Yona 1897

¹⁰ Utarapa ene itak-hi :— Nei toho okaketa Israeru chisei tura ku iki kushki euitaknup anak ne tambe ne ruwe ne; Koro keutum ta Ku goro tuitak Ku omare kusu ne, Orowa, koro sambe kata nei ambe Ku nuye kusu ne: Shui, nei utara gusu Kamui Ku ne kusu ne, Aige, En gusu nei utara uirup ne kusu ne na:

Hebraios 8:10 ပူးပေါင်းရင်းမြစ်များ

Mattaios 22:32

Kuani anak ne Abraham koro Kamui ne, Isaak koro Kamui ne, Yakob koro Kamui Ku ne ruwe ne, ari Kamui ye itak echi oro-oitak shomoki ruwe he an? Kamui anak ne rai guru koro Kamui shomo ne, koroka, ishu guru koro Kamui ne ruwe tapan na.

Roma 11:27

Orowa, nei utara koro katpak ku isamka ita, Tambe anak ku ki aeuitaknup ne ruwe ne na,

I Korintos 6:16

Samata, hoiyo ki shiwentep otta koan gurʼanak ne shine netobake ne sekorʼambe echi erampeutek ruwe he an? Inambe gusu ne yakun, — Nei tun anak ne shine kam ne, ari Shinuma itak nisa ruwe ne na.

II Korintos 3:3

chikoro kambi echi ne ruwe ne; echi utara anak ne Kiristo koro kambi ne sekoro anukarabe ne, un orowa no aeiyaishieiwangere utara echi ne, sumi ani anuye ambe shomo ne, koroka, ishu Kamui kon ramat ani anuye utara echi ne; shuma ita kata shomo ne, koroka, kam oma ita kata chieshinnuyep ne ruwe ne.

Titus 2:14

Shinuma anak ne obitta no okai ikashpaotte otereke ambe orowa no un kikiraye hemhem ki, pirika ikip shiarikiki no iki yaikota korope ne gusu utara turu-sakte hemhem ki kuni ne yaiyange nisa ruwe ne na.

Hebraios 11:16

Koroka, tane nei utara anak ne naa pirikap, kando ne an ap kon rusui: tambe gusu, koro Kamui ne aporose kuni ambe, Kamui nei utara gusu shomo eyainikoroshma shiriki: nei utara gusu Shinuma anak ne shine machiya kan nisa ruwe ne gusu ne na.

Yakob 1:18

Shinuma yaikota irenga gusu chi utara anak ne Shinuma kara okaibe otta aro-ibehe ne kuni ne, son no an itak ani un hetukure nisa ruwe ne na.

Yakob 1:21

Tambe gusu, obitta no okai turu-ushbe newa wenbe eikaunu kashpap ande wa echi kon ramat kashichiobiuki eashkai onnaige un hekatu wa an itak ramu-rotcha wa uina yau.

I Petros 1:23

munin kuni piyehe ani shomo ne, koroka, shiknu wa okai Kamui itak ani munin shomoki piyehe ani echi hekatu wa an gusu, shiarikiki no ramuosshi wano utashpa uweomap yan.

I Petros 2:9

Koroka, kunne-i wano koro iyokunnure an pekere otta echi tak Kamui koro pirika ambe assuru ashte kuni ne echi utara anak ne anumge an utara echi ne, esapane guru koro Kamui otta yaishieiwangere utara echi ne, ashkanne uirup echi ne, Kamui yaikota shikkashima kuni utara echi ne ruwe ne: