Hebraios 7:6 - Ashiri Aeuitaknup Iyohaichish Yona 1897

⁶ koroka, nei utara orowa no san ikiri shomo ne an guru anak ne Abraham orowa no wanbe un shinep uina, aige, eitakamkirep akore guru shinnunuke nisa ruwe ne.

Hebraios 7:6 ပူးပေါင်းရင်းမြစ်များ

Apostoro ikip oma kambi 3:25

Echi utara anak ne uweingara utara koro san-ikiri echi ne, shui; — E koro santek gusu obitta no okai moshiri uirup anunuke kusu ne — ari an itak ani Abraham otta ye Kamui koro aeuitaknup oma poho echi ne ruwe ne.

Roma 4:13

Inambe gusu ne yakun, Abraham moshiri eikeshkoro kuni ari an eitakamkire ambe anak, Abraham otta hene, koro sanikehe otta hene tuitak an gusu aki shomo ne, koroka, eishokor-i gusu an oupeka ambe an gusu aki ruwe ne na.

Roma 9:4

nei utara anak ne Israeru un utara ne aahupkara kuni poho utara ne, nei nupeki hemhem, aeuitaknup hemhem koro, otta tuitak ne yakka, yaishieiwange ambe ne yakka, aeitakamkirep ne yakka akoropare ruwe ne; ekashi koro utara ne,

Garatea 3:16

Eitakarakirep anak ne Abraham newa Abraham koro sanike otta aye nisa ruwe ne. Innep gusu aye korachi, koro sanike utara, ari an itak ani seenne ye, koroka, shinep gusu ye nei no, E koro sanike, ari an itak ani ye

Hebraios 11:13

Tapan obitta no okai utara anak ne aeitakamkire ambe shomo uina no eishokor-i atte wa raipa nisa, koroka ehangeko no nei ambe ingara wa ekap, aine, nei utara moshiri koapkash wa oya utara ne payekai utara ne kunak ye nisa ruwe ne.

Hebraios 11:17

Eishokor-i an gusu Abraham anak ne auwande ita Isaak yange nisa: ruwe un, yaikopuntek no nei aeitakamkirep akore guru anak ne yaikota koro shinen ne poho yange shiriki an nisa;

Hebraios 7:1

Tan Merukizedek anak ne Sarem esapane guru ne, Iyotta Rikun Kamui otta yaishieiwangere guru ne, awa, shinuma anak ne nei moshiri shikkashima utara ronnu-i orowa no hoshipi korʼan Abraham etunangara wa shinnunuke nisa,

Hebraios 7:7

Koroka, pase guru orowa no pokashnu an guru anunuke an ruwe ne sekorʼambe gusu anak upaure ambe isam.