Hebraios 7:19 - Ashiri Aeuitaknup Iyohaichish Yona 1897

¹⁹ ikashpaotte anak ne aisamka an na (inambe gusu ne yakun, tuitak anak ne nep ne yakka eramushinnere eaikap), shui, gusu chi utara anak ne Kamui koehange hine nei kashita naa pirika no an chipachipa kunip aahunge ruwe ne.

Hebraios 7:19 ပူးပေါင်းရင်းမြစ်များ

Iyohaichish 73:28

Koroka, Kamui orun karange no ku arapa-hi anak ne en gusu pirikap ne ruwe ne: Utarapa ne Ehoba ani ku numne ushi ku kan nisa, Nei ambe anak ne obitta no okai E ki ikip utara otta nure kusu ne gusu an ambe ne ruwe ne na.

Yoannes 1:17

Tuitak anak ne Mose ani akoropare nisa ruwe ne; irenga newa son-i anak Yesu Kiristo ani ek nisa ruwe ne.

Yoannes 14:6

Orota Yesu ene itak-hi :— Kuani anak ne ruhu ne, sonep ne, inotu Ku ne ruwe ne; En kari shomoki no Michi orun ek guru isam ruwe ne.

Apostoro ikip oma kambi 13:39

Mose sange tuitak ani echi utara aoupekare eaikap obitta no okaibe gusu nen ne yakka eishokoro ki guru anak ne Shinuma ani aoupekare ruwe ne.

Roma 5:2

Kamui epeka no Yesu Kiristo korʼirenga gusu itomo chi koro shiriki; Shinuma, gusu, eishokor-i ankushkerai, otta roshki wa okai irenga orun karange no arakire kuni ambe a un koropare nisa; orowa, Kamui nupeki gusu chipachipa ki wa yaiyomonnure chi ki ruwe ne.

Roma 7:7

Yakun, hemanda chi ye kusu ne ya? Tuitak anak ne katpak ne ruwe he an? Ara shomo. Yakka, tuitak ankushkerai shomo ne yakun, katpak ku erampeutek ruwe ne: Iteki yaikoshipuinere yan, ari an itak ani nei tuitak ye a shomoki yak anak ne ibeporore ambe ku erampeutek:

Roma 8:3

Nei tuitak kam ankushkerai gusu katchak wa ki eaikapbe anak ne, Kamui, katpak rengap gusu katpak oma kam nokaha nepkoro yaikota koro Poho omande wa kam oshiketa katpak kokatpakte nisa ruwe ne:

Garatea 2:16

ashikore wano Yudea un utara chi ne ruwe ne, yakka, ainu anak tuitak ikip gusu aoupekare shomoki no ouse Yesu Kiristo eishokoro ari an ambe ani aoupekare ne sekoro chi eraman gusu, chi utara ne yakka tuitak ikip gusu shomo ne wa Kiristo eishokoro ari an ambe ani a un oupekare kuni ne Kiristo Yesu eishokon nisa ruwe ne na. Inambe gusu ne yakun, inan kara aye yakka tuitak ikip gusu shomo aoupekare kusu ne gusu ne na.

Garatea 3:21

Yakun, tuitak anak ne Kamui ki eitakamkirep epokba ruwe he an? oara shomo: inambe gusu ne yakun, shiknure eashkai tuitak akoropare wa okai chiki, son no ka un, oupeka ambe anak ne tuitak an gusu an ap ne.

Garatea 3:24

Tambe gusu, tuitak anak ne eishokor-i ani a un oupekare kuni ne Kiristo otta un tura gusu an un epakashnup ne ruwe ne.

Epesos 3:12

chi utara anak ne Shinuma eishokoro gusu rametok koro wa ehonnai shomoki no Kamui otta karange no araki ruwe ne na.

Korosai 1:27

Oya utara tumugeta tapan mukkep gusu an arakuru koro oteknu-hi eramande kuni ap Kamui keutum ne, nei ambe anak arakuru echipachipare ambe ne, echi oshiketa an Kiristo ne ruwe ne na:

I Timoteos 1:1

Chikoro un kashiobiukip ne Kamui ikashpaotte newa, gusu echipachipa ash Kiristo Yesu ankushkerai Kiristo Yesu koro Apostoro ne akara Pauros ku ne anak ne,

Hebraios 10:1

Inambe gusu ne yakun, tuitak anak ne okaketa ek kushki pirikap koro kurihi ne wa, nei okaibe son no nokaha shomo ne gusu, nei utara anak ne kespa range ramma ukorachi an ayangep ani karange no araki utara oara eramushinnere eaikap ruwe ne gusu ne na.

Hebraios 11:40

awa, aeitakamkirep shomo akore, tambe anak ne chi utara wano oyakta okai hine nei utara shomo aeramushinnere kuni gusu an ap ne, Kamui anak ne un gusu naa pirika an okaibe ramepakari nisa ruwe ne gusu ne na.

Hebraios 11:6

orowa, eishokor-i sak chiki Kamui nupetnere eaikap ruwe ne; inambe gusu ne yakun, Kamui otta ek guru anak ne Kamui an sekoro eishokoro, samata, Shinuma ihunara utara epirikare Kamui ne sekoro eishokoro kunip ne ruwe ne.

Hebraios 3:6

koroka, Kiristo anak ne poho korachi Shinuma kora kenru esapanep ne; aige, chi utara anak ne okese pakno tumashnu no rametok koro wa chipachipa gusu an yaiyomonnure-hi shikkashima yakun, Shinuma kora kenru chi ne na.

Hebraios 4:16

Tambe gusu, a un erampokiwen wa akore kuni ne, samata, aeishiramne an ita chikaobiuki gusu an irenga a un kore kuni ne, rametokkon no irenga koro araset otta karange no araki anro.

Hebraios 6:18

tambe anak, gusu Kamui shunge eaikap tu itasare shomoki ambe ani, un kotchaketa aande wa an chipachipa ambe ashikkashimare gusu numne kuni ushike orun kokira chi utara anak ne shiyuppa no aonishnishi kuni gusu an ambe ne ruwe ne;

Hebraios 7:11

Nei Rebi gusu an Kamui otta yaishieiwangere ambe gusu aeramushinne-hi an chiki (inambe gusu ne yakun, nei ambe pokta utara okai hine tuitak akore nisa), Aaron ikiri nei no aesanniyo shomo ne no Merukizedek ikiri ne no aesanniyo Kamui otta yaishieiwangere guru hopuni kuni naa okai aeshiramne ushike nep an a?

Hebraios 7:20

Orosama, shiyuppa no ye shomoki no nei ambe shomo iki gusu inambe gusu ne yakun,

Hebraios 7:25

Tambe gusu, Shinuma anak ne utara gusu koramkoro kuni ne ramma ishu shiriki, aine, Shinuma kari Kamui koehange no araki utara earikinne kaobiuki eashkai ruwe ne na.

Hebraios 8:6

Koroka, tane Shinuma anak ne gusu naa eitasa pirika yaishieiwangere kuni ambe akore Shinuma naa pirika aeitakamkire ambe gusu aki eitasa pirika euitaknup gusu an iyuturu oma guru poka pakno ne ruwe ne na.

Hebraios 9:9

tane an pakihi ta anak tap okaibe itak-maukushtep ne; nei ambe an korachi keutum gusu Kamui koongami ambe eramushinnere eaikap no an akorep ne yakka yange kunip ne yakka eyange ruwe ne,

Yakob 4:8

Kamui orun karange no araki yan, yakun, Shinuma echi orun karange no ek kusu ne. Katpak koro utara, echi koro teke ashkannere yan; tu keutum koro utara, echi koro sarabe turusakte yan.