Hebraios 6:9 - Ashiri Aeuitaknup Iyohaichish Yona 1897

⁹ Koroka, aeomap utara, tambe nei no chi itak a yakka, echi utara gusu an okaibe newa kashichiobiuki-hi kopaketa an okaibe gusu naa pirika chi esanniyo ash ruwe ne:

Hebraios 6:9 ပူးပေါင်းရင်းမြစ်များ

Markos 16:16

Eishokoro wa baptisma akore guru anak ne kashi-a-obiuki kusu ne; koroka, eumbipka guru anak ne katpak kon ruwe ne sekoro aesanniyo kusu ne na.

Apostoro ikip oma kambi 11:18

Tap okai orushpe nei utara nu chiki, mo no okai wa Kamui iramye hine ene itakhi :— Yakun, oya uirup otta ne yakka ashiknure kuni yaikokatpak ambe Kamui koropare nisa ruwe ne na, ari itak.

Apostoro ikip oma kambi 20:21

Kamui gusu yaikokatpak, Utarapa ne Yesu Kiristo gusu eishokor-i atte kuni paweteshu ku ki nisa rawe ne.

I Korintos 10:14

Tambe gusu, ku omap utara potoki emaka yan.

II Korintos 12:19

Chi utara tap ramma-kane echi utara gusu yaiyapapu ash ruwe ne ari echi ramu. Kamui teksamata okai wa Kiristo oshiketa chi ye ruwe ne. Koroka, aeomap utara, obitta no okaibe anak echi aroshikire ash gusu nep ruwe ne.

II Korintos 7:1

Tambe gusu, iriwak utara, tan eitakamkire ambe chikoro wa okai gusu, kam newa ramat otta an obitta no okai turu gusu yaituru-sakte yanro, aine, Kamui koishitoma wa ashkanne ambe eramushinnere ki.

II Korintos 7:10

Kamui kooripak an oknatara ambe anak ne kashiaobiuki kuni gusu an yaikokatpakbe hetukure, aige, nei ambe gusu yaikopash ushike isam ruwe ne: koroka, moshiri gusu an oknatara ambe anak ne rai ambe hetukure ruwe ne.

Garatea 5:6

Kiristo Yesu oshiketa okarituye buri akire-hi hene, shomo okarituye buri akire-hi hene, epirikare shomoki: koroka, omap iki wa eishokor-i patek epirikare ruwe ne.

Hebraios 10:34

Inambe gusu ne yakun, echi utara anak ne atupetupe an utara erampokiwen wa kore hemhem ki yaikopuntek no yaikota korobe akoisamka ambe eshiporore hemhem ki nisa, echi utara yaikota naa pirika newa riya an okaibe echi koro ambe echi eraman ruwe ne gusu ne na.

Hebraios 10:39

Koroka, chi utara anak ne aisamka kuni-hi pakno yaishietaye utara shomo chi ne; aine, ramat epirikare gusu eishokor-i atte utara tura ikichi utara chi ne ruwe ne.

Hebraios 2:3

ene poro kashiobiuki-hi ikorampoktuye chiki, nekon a ahonnere ash kusu ne ya? Nei ambe anak ne atpaketa Utarapa orowa no aye, awa, nei ambe nu utara ani un orun sonnere nisa ruwe ne;

Hebraios 5:9

samata, Shinuma aeramushinnere okere chiki, otta koitaknu obitta no okai utara gusu otusashuishiri pakno an kashichiobiuki ambe koro ikkewe ne akan na;

Hebraios 6:10

Kamui anak ne echi utara teeda ne yakka tane ne yakka ashkanne utara otta yaishieiwangere ani an ambe ani Shinuma kon reihei gusu echi iki ambe hene omap ambe hene oira kuni oupekasak Kamui shomo ne ruwe ne.

I Petros 2:11

Aomap an utara, echi utara anak ne payekai utara ne, irukai reushi utara korachi echi ne wa gusu, ramat kotumikoro wa okai kam oma ibeporore ambe shomo echi ki kuni echi onishnishi ash na;

II Petros 3:1

Aomap an utara, tambe anak ne echi utara gusu tu ikinne an ku nuye kambi ne ruwe ne; orowa, nei tup otta echi eshkarunde wa echi koro so ne an keutum ku chiukopoyere na;

I Yoannes 2:7

Aomap an utara, echi utara gusu ashiri ikashpaot-te shomo ku nuye, koroka, atpake wano echi koro fushko ikashpaotte ku nuye na; nei fushko ikashpaotte anak ne echi nu okere itak ne ruwe ne.

Youdas 1:3

Aomap an utara, chi utara gusu an kashiobiuki ambe gusu echi otta ku nuye kuni irammakaka ku esanniyo ita, echi utara anak ne nei arashui no ashkanne utara otta akore aeishokor-i gusu shiarikiki no uwetushmak ki kuni nekon a ka echi onishnishi ash kusu ne sekoro ku yainu wa ku nuye nisa ruwe ne.