Hebraios 6:4 - Ashiri Aeuitaknup Iyohaichish Yona 1897

⁴ Inambe gusu ne yakun, arashuine apekereka wa kando orowa no an eikrap sapke hemhem ki,

Hebraios 6:4 ပူးပေါင်းရင်းမြစ်များ

Mattaios 12:45

Orowa no shinuma oman wa moshima an yaikasu no wen arawan ramat uina wa tura no ahup wa okai ruwe ne; orowa, nei ainu hoshiki no an katu kasu no iyoshi no an katuhu anak ne naa wen ruwe ne. Tane okai wen ainu ikiri otta ne yakka tambe nei no an kusu ne na.

Mattaios 5:13

Echi okai utara anak ne toitoi shippo ne ruwe ne: koroka, shippo anak ne koro mawehe turainu chiki hemanda ani tu shui nei mawehe aomare ruwe he an? nei no an shippo aeiwange ushike ka isam, soita aosura wa ainu orowa no aotereke kuni patek an raka an ruwe ne.

Yoannes 15:6

Ainu anak ne En oshiketa an shomo ne chiki, ni-tek korachi oyakta aosura wa shumumge ruwe ne: orowa, utara nei ambe eumashnu wa abe otta osura, aige, auhuyeka ruwe ne.

Yoannes 3:27

Yoannes ese wa ene itak-hi :— Kando orowa no akore shomoki chiki, ainu nep ne yakka koro eaikap ruwe ne.

Yoannes 4:10

Yesu ese wa orota ene itak-hi :— Eani anak ne Kamui korarape hemhem e eramʼan, samata, En ikure wa En kore ani an itak ani e otta ye guru hemhem e eamkiri yak anak, eani anak ne Shinuma otta koramkoro kusu ne, orowa, Shinuma ishu wakka e kore ash kusu ne na, ari itak.

Yoannes 6:32

Tambe gusu, nei utara otta Yesu ene itakhi :— Son no son no echi otta Ku ye, kando orowa no nei aep echi kore guru anak ne Mose shomo ne; koroka, Ku Michi anak ne Kando orowa no son no aep echi kore ruwe ne.

Apostoro ikip oma kambi 10:45

Orowa, Petros tura no araki eishokoro wa okai okarituye buri akore utara obitta eoyamokte, inambe gusu ne yakun, Ashkanne Ramat ari an aikrap Oya utara otta ne yakka echikiki nisa ruwe ne gusu ne na.

Apostoro ikip oma kambi 11:17

Tambe gusu, chi utara Utarapa ne Yesu Kiristo eishokoro ita Kamui anak ne un kore korachi an korarabe nei utara otta ne yakka kore yakun, nekon a ainu ku ne wa Kamui hattoho ki eashkai ya?

Apostoro ikip oma kambi 15:8

Orowa, keutum eraman Kamui anak ne nei utara gusu paweteshu ki wa, un orun korachi, nei utara otta ne yakka Ashkanne Ramat kore nisa ruwe ne;

Apostoro ikip oma kambi 8:20

Koroka, shinuma orota Petros ene itak-hi :— E koro shirokani eani tura no munin na, eani anak ne ichen ari Kamui korarape hok eashkai ani an arabe ani e yainu nisa ruwe ne gusu ne na.

Roma 1:11

Inambe gusu ne yakun, echi utara aashtere gusu, nepka ramat oma eikrap echi kore ash kuni ne, kuani echi nukara kuni ku eyaikatekara ruwe ne;

II Korintos 4:4

tan moshiri gusu an Kamui anak ne eumbipka utara koro keutum shiknakte nisa ruwe ne; Kamui nokaha ne Kiristo koro nupeki otta an pirika shongo oma pekere anak naa shomo nei utara orun hetuku kuni gusu ne na.

II Korintos 4:6

Yesu Kiristo koro nanuhu otta Kamui nupeki gusu an eramanbe oma pekere koropare kuni gusu chikoro keutum ta pekere kotomka Kamui anak ne kunne-i wano pekere at kusu ne, ari an itak ani ye Kamui ne ruwe ne gusu ne na.

Garatea 3:2

Tambe patek echi otta ku nu rusui, tuitak ikip gusu nei Ramat echi akore ruwe he an? Eishokoro

Garatea 3:5

Tambe gusu, echi orun Ramat kore, samata, echi tumta kiroro ikip iki Kamui anak ne tuitak ikip gusu nei ambe ki ya? eishokoro an shongo gusu Shinuma nei ambe ki ruwe he an?

Epesos 1:18

shui, echi keutura ta okai shikihi makke hine, gusu echi utara ahotuyekara an chipachipa ambe hemhem, Ashkanne utara eikeshkoro kusu ne nupeki gusu an oteknu ambe hemhem,

Epesos 2:8

inambe gusu ne yakun, irenga ani eishokor-i ankushkerai echi kashiaobiuki nisa ruwe ne; echi utara yaikota gusu an ambe shomo ne: koroka,

Epesos 3:7

koro kiroro ikip an gusu a en koropare Kamui irenga ne korarape an korachi, kuani anak ne nei pirika shongo otta yaishieiwangerere guru ku ne ruwe ne na.

Epesos 4:7

Koroka, Kiristo sange aikrap apakari wa an wa, pishno pishno okai un otta irenga a un kore nisa.

I Timoteos 4:14

Puresbuteros utara koro teke e kashiketa aande-hi tura uweingara ambe ani akore an eikrap iteki isaika no koro yan.

II Timoteos 2:25

ramu-shiroma no yaiatte wa epokba utara pakashnu kuni an guru ne kunip ne ruwe ne; Kamui anak ne nei utara yaikokatpakte wa sonep eramande, orowa,

II Timoteos 4:14

e ek chiki koro wa en kore yan. Fure-kani kik guru ne Areksandros anak ne shi no en wende nisa ruwe ne; Utarapa anak ne shinuma ki ikip esanniyo wa koropare kusu ne:

Hebraios 10:32

Koroka, echi utara apekereka okaketa aeyairamshitnere gusu an poro ukoiki ambe eyaishiporore teeda an toho eshkarun yan;

Hebraios 2:4

Kamui ne yakka shirosh newa iyokunnurep newa inne no okai kirorobe newa yaikota rengaine an mondum an nei no Ashkanne Ramat eimekbe newa ani nei utara tura no paweteshu ki nisa ruwe ne na.

I Yoannes 5:16

Nen ne yakka shomo gusu rai kuni katpak koro iriwak ki-hi nukara, orowa, koramkoro yakun, nei shomo gusu rai kuni katpak ki utara akore kuni ne Shinuma nei utara otta inotu koropare kusu ne na Gusu rai kuni katpak an: nei ambe gusu shinuma koramkoro kuni shomo ku ye ruwe ne.